عربيه اسمها سيمكا عاوز رايكم بالله عليكم

[AbOnOrA]

المشاركة الأصلية كتبت بواسطة aymangalal شوف يا عُص اتبع القاعدة دى وان شاء الله كل شىء هايكون تمام (حديد على حديد يفعل الله مايريد) الحديد فى العربية اولا هوه العفشة وثانيا الصاج ورأيى ان مافيهمش مشكله لانى لغاية دلوقتى ماشوفتش عفشة(مهما ان كانت )مابتتصلحش وكذلك الصاج(السمكرة يعنى) وطالما العربية عجبتك وخطيتها فى دماغك يبقى هاتعدى بيها (عندك استعداد تصرف؟؟؟؟؟) لو ايوه يبقى تدور على عفشجى واتنين وتلاته واكيد(بإذن الله )هتلاقى اللى يفصصهالك ويلمهالك تانى ويعمل لك الصح والسمكرة طبعا مفروغ منها اما بقى الفرش والكهرباء والحاجات الداخليه دى لو مالاقيتش اللى يناسب عربيتك يبقى هاتتعمل وواحده واحده هاتعرف كل حاجه انت بتقول جايبها عشان تتعلم عليها ..... يعنى لسه فى البدايه اتعلم عليها كده (قبل شغل السمكرة والتجديد لو هاتجدد) لكن ظبط الاساسى ميكانيكا-عشان تمشى وماتعطلش وكذلك الكهرباء والعفشة عشان تتعلم بأمان ومافيش حاجه تحدف كده ولا تحك كده ولا امر كده ولا كده فاهمنى كده؟؟؟؟؟؟؟ ههههههههههههه وشكل العربية واخد كتير من 128 فعلا الهاتش باك (اللى عامله زى الزيستافا) واقول على القاعدة الاخير من عندى (طالما فى موتور وقاعد على 4 عجلات) تبقى عربيه هاتتعلم عليها وتروقها وتقضى بيها مصالحك وتتفسح كمان ومش خسارة 5500 فى عربية ماهى برضه عربيه المهم تتابع بإذن الله مع المنتدى والخبراء اللى فيه وهم مش قليلين اديك سألت سؤال وشوف كم واحد افادك وعلى رأسهم طبعا الشيخ طارق دعواتى لك بالتوفيق وبقيادة آمنه ومريحة

استاااااااااااااااااذ

[mr_astra]

انا مع كلام الاخ طارق
العربية دى مش عربية ومالهاش تمن
العربية دى هاتوريك الويل وهاتفضل تصر تصرف وفى الاخر هاتفشل وهاتبعها برضو
عارف لو العربية دى حتى منتشرة هاتتعب اوى لو شدتها
ما بالك بقى انها مش منتشرة ........... عيد تفكير فى الموضوع قبل ما رجلك تتزحلق
وفى النهاية اوعى تزعل من كلامى انا يهمنى مصلحتك

[aymangalal]

المشاركة الأصلية كتبت بواسطة AboNoRa استاااااااااااااااااذ

لما انا ابقى استاذ .. حضرتك تبقى ايه..!!!؟؟؟؟؟؟
اكيد استاذ دكتور استشارى وكل حاجه كبيرة فى الدنيا:coptic_Thutmosis1S :
ده احنا تلامذتك يا باشا

[عصام جلاب]

المشاركة الأصلية كتبت بواسطة aymangalal شوف يا عُص اتبع القاعدة دى وان شاء الله كل شىء هايكون تمام (حديد على حديد يفعل الله مايريد) الحديد فى العربية اولا هوه العفشة وثانيا الصاج ورأيى ان مافيهمش مشكله لانى لغاية دلوقتى ماشوفتش عفشة(مهما ان كانت )مابتتصلحش وكذلك الصاج(السمكرة يعنى) وطالما العربية عجبتك وخطيتها فى دماغك يبقى هاتعدى بيها (عندك استعداد تصرف؟؟؟؟؟) لو ايوه يبقى تدور على عفشجى واتنين وتلاته واكيد(بإذن الله )هتلاقى اللى يفصصهالك ويلمهالك تانى ويعمل لك الصح والسمكرة طبعا مفروغ منها اما بقى الفرش والكهرباء والحاجات الداخليه دى لو مالاقيتش اللى يناسب عربيتك يبقى هاتتعمل وواحده واحده هاتعرف كل حاجه انت بتقول جايبها عشان تتعلم عليها ..... يعنى لسه فى البدايه اتعلم عليها كده (قبل شغل السمكرة والتجديد لو هاتجدد) لكن ظبط الاساسى ميكانيكا-عشان تمشى وماتعطلش وكذلك الكهرباء والعفشة عشان تتعلم بأمان ومافيش حاجه تحدف كده ولا تحك كده ولا امر كده ولا كده فاهمنى كده؟؟؟؟؟؟؟ ههههههههههههه وشكل العربية واخد كتير من 128 فعلا الهاتش باك (اللى عامله زى الزيستافا) واقول على القاعدة الاخير من عندى (طالما فى موتور وقاعد على 4 عجلات) تبقى عربيه هاتتعلم عليها وتروقها وتقضى بيها مصالحك وتتفسح كمان ومش خسارة 5500 فى عربية ماهى برضه عربيه المهم تتابع بإذن الله مع المنتدى والخبراء اللى فيه وهم مش قليلين اديك سألت سؤال وشوف كم واحد افادك وعلى رأسهم طبعا الشيخ طارق دعواتى لك بالتوفيق وبقيادة آمنه ومريحة

الف مليون شكر ياعم ايمن ياعسل والله الرد بتاعك ريح قلبى وطمنى
خليك معا يا كدة وتباعنى عشان اخوك عصام ابيض ياورد ونسيت اقول ان العربيه فيها موتور 128والميكانيكى قالى انه كويس

[aymangalal]

المشاركة الأصلية كتبت بواسطة عصام جلاب الف مليون شكر ياعم ايمن ياعسل والله الرد بتاعك ريح قلبى وطمنى خليك معا يا كدة وتباعنى عشان اخوك عصام ابيض ياورد ونسيت اقول ان العربيه فيها موتور 128والميكانيكى قالى انه كويس

حبيب قلبى لا شكر على واجب انا مش بقول كده وبعملك البحر طحينة (بطمنك ع الفاضى) ......احنا بس بنفكر مع بعضينا وبنوجد حلول بديله عشان ماتكرهش العربية لانها فى النهايه برضه عربية والحمد لله ان الموتور طلع بتاع 128 معنى كده ان الميكانيكا اتحلت ..........لأ وإيه!!! موتور سهل و أى حد بيشتغل فيه وده اول دليل على توافر البدائل وكمان الحمد لله انه طلع كويس.........مبروك تانى
المهم بقى فى الامور دى (الصيانة بصفة عامة) تتعامل مع ناس اهل ثقة
انت كده مش محتاج متخصصين لان موتور 128 معروف.. لكن اللى تاخد بالك منه مع الصنايعي انك تفهمة العربية دى ايه ....عشان لما يحط ايده فيها يبقى فاهم بيتحرك ازاى..
وكل مشكله لها 1000 حل مش حل واحد المهم نشغل الجمجمة .... تمام؟؟
بالنسبة بقى ان لونك (حاليا) ابيض يا ورد - فا مافيش احسن من الابيض طبعا.....
لانه بيليق على كل الالوان !!!!! هههههههههههههههههه
وماتقلقش كلنا بنبقى ابيض فى البدايه.............. وبعدين بنقلب على الوان الطيف وعينك ماتشوف الا النورهههههههههههههههه
والابيض عبارة عن خليط من الوان الطيف ......( شوف الفيزياء بقى لما تشتغل) يعنى انت عندك اساسيات الخبرة لكن متلخبطة على بعض ومطلعة اللون الجميل ده !!! مع الوقت الالوان هاتنفصل وتوضح..............
وان شاء الله هاتكون علّامة فى المنتدى ونتعلم منك
(حط عربيتك فى عينيك وحبها..... هاتحطك هى فى قلبها)
الله ....!!!!!!! تصدق تنفع حكمة او مطلع اغنية ههههههههههههههههههههههههه ه
ربنا يوفقك وانا متابع معاك