كم أكثر سرعة مشيت عليها؟؟؟

[خالدخليفة]

لاحول ولاقوة الا بالله السرعة دى فعلا داء مش عارف ابطله يمكن لانى من يوم مجبت العربية بسافر بيها طرق سريعة دايما وكل يوم تقريبا ياوالدى الواحد يادوب يتلم على العربية من هنا ومتخذ القرار انه مش هيجرى وبعد 10 دقايق انسى القرار والاقى نفسى جريت ووصلت الى 195 و ده حسب الطريق طبعا ولا مشاعر ولاغيره هيا عادة زفت بصراحة ولابسابق حد ولابحب السباقات ولما حد يسابقنى اهدى السرعة شىء عجيب قلت اركب غاز لانى سمعت انه بيخنق العربية وفعلا اسبوع ماشى 120 ومبسوط لكن رجعت ريما لعادتها اللئيمة اتار ى الغاز فى الاول بيطبع مع العربية لكن اول م العربية تاخد عليه اوعى وشك لا الشيطان يغشك ومفيش فايدة بس اقصى سرعة بالغاز 165 اهو ارحم شوية من ال195 والكلام ده وادعولى اخف من الداء ده نسيت اقول ان عربيتى نيسان صنى اللهم استجب دعائهم ودعائى يارب وامشى على سرعة 100 واتعود عليها لانى حاليا بنام لما اسوق 100

[bmkbmk]

المشاركة الأصلية كتبت بواسطة خالدخليفة لاحول ولاقوة الا بالله السرعة دى فعلا داء مش عارف ابطله يمكن لانى من يوم مجبت العربية بسافر بيها طرق سريعة دايما وكل يوم تقريبا ياوالدى الواحد يادوب يتلم على العربية من هنا ومتخذ القرار انه مش هيجرى وبعد 10 دقايق انسى القرار والاقى نفسى جريت ووصلت الى 195 و ده حسب الطريق طبعا ولا مشاعر ولاغيره هيا عادة زفت بصراحة ولابسابق حد ولابحب السباقات ولما حد يسابقنى اهدى السرعة شىء عجيب قلت اركب غاز لانى سمعت انه بيخنق العربية وفعلا اسبوع ماشى 120 ومبسوط لكن رجعت ريما لعادتها اللئيمة اتار ى الغاز فى الاول بيطبع مع العربية لكن اول م العربية تاخد عليه اوعى وشك لا الشيطان يغشك ومفيش فايدة بس اقصى سرعة بالغاز 165 اهو ارحم شوية من ال195 والكلام ده وادعولى اخف من الداء ده نسيت اقول ان عربيتى نيسان صنى اللهم استجب دعائهم ودعائى يارب وامشى على سرعة 100 واتعود عليها لانى حاليا بنام لما اسوق 100

ربنا يكرمك يا باشا يا رب و يحفظك و يحفظنا جميعا من كل الشرور
ممكن يا باشا تشغل قرآن بصوت مقرئ يكون عذب و هادى و انت سايق هتلاقى نفسك هديت شوية ان شاء الله و العملية ظبطت و افتكر دايما ان الفرق فى الآخر بيكون فى دقائق معدودة بين السرعة العالية و السرعة العادية...
على فكرة انا اكتر واحد حاسس بيك لأنى كنت زيك بالظبط بس بصراحة لما اتجوزت هديت شوية من كام موقف حصلو و مراتى تتشاهد و هى قاعدة جنبى و لما جم الاطفال كمان الواحد هدى اكتر .. انا صحيح لما بكون لوحدى برده بجرى بس مش زى الاول خالص ... الاول انا كنت مستحيل افضل فى حارة واحدة اكتر من ثوانى و مكنتش بقلب لحد كنت باخد غرزة اسهل و اسرع......دلوقتى اهدا كتير جدا الحمد لله.
ربنا يحفظنا جميعا يا رب و تحية لأحلى اعضاء

[خالداعزالناس]

اكتر سرعه مشيت عليها كانت
150 كم / ساعه وكانت بسياره هيونداى فيرنا
وانا بمشى بيها يوميا على السرعه دى وانا رايح الشغل وانا مروح
والسياره ثابته ما شاء الله
لكن نصيحه للجميع وانا بدات بها من اسبوع لاتزيد عن 100 كم /ساعه

[MO]

امبارح حطمت رقم جديد
سينا 1.4 ,,, 180
علي المحور
بس صعبانا عليا 1.4 و علي السرعة دي ال ار بي ام كان في اواخر ال 5 و داخل ال 6

[miam0502788391]

ربنا يحمنا من السرعة الزائدة وجنونها آميم يارب