تجربه مع النيتروجين

[Dr. Mostafa El Nazer]

أنا مجرب النيتروجين من فترة و فعلاً مستريح و هو موجود في الكاوتش.

[tamora2002]

انا جربتة ومحستش بفرق . ورجعت للهوا العادى .

[toto_hoho82]

النيتروجين افضل طبعا من الهواء العادى بس هل يمكن ان ازود هواء عادى عند اللزوم ام لابد نتروجين

[ahmed_rahem]

المشاركة الأصلية كتبت بواسطة corsair وتقبل تحياتي

المشاركة الأصلية كتبت بواسطة corsair ازيك يا دكتور عبد السلام حضرتك يا دكتور اول موضوع كتابته كان اول ما حطيط نيتروجين وفعلا محستش باي فرق الموضوع التاني ده لما في فردة عندي اتخرمت وروحت الحمها عند واحد حبيبي فسئلته انتا مشهور جدا هنا في المنطقة ليه مش مدخل عندك نظام نيتروجين قالي ده كلام فاضي هوه قلي الحاجه الوحيدة اللي صح انه مش بيتاثر بالحرارة والبرودة لكن كراحه للعربية هوه هوه الهواء العادي في الراحه قلي الخدعه في انه بيعبي النيتروجين علي ضغط 26 قلي لما يكون الضغط قليل بيخلي الكاوتش ياخد ويدي في المطبات والارض المكسره لكن بياثر علي العمر الافتراضي للكاوتش وبيخلي العربية تاكل بنزين وقلي انا مستعد اعبيلك هوا عادي علي نفس نسبة الضغط بتاعت النيتروجين وقلي لو حسيت بفرق هعبيلك الكاوتش نيتروجين علي حسابي وفعلا مكنش في اي فرق خالص علشان كدا عملت المشاركه التاينة ديه وتقبل تحياتي يا دكتور

المشاركة الأصلية كتبت بواسطة toto_hoho82 النيتروجين افضل طبعا من الهواء العادى بس هل يمكن ان ازود هواء عادى عند اللزوم ام لابد نتروجين

- الاول نعرف ماهو نفخ العجل نيتروجين: هو تخفيض نسبة الاوكسوجين والغازات الاخرى داخل العجل واستبدالها بنيتروجين، نسبة النيتروجين فى الهواء العادى حوالى 70-75 % وبعد النفخ مفروض توصل 90-95 %.
- كيف يعمل: عن طريق فلاتر هواء (وليس اسطوانة مليانة نيتروجين وتتغير لما تفضى) وعلشان كدة يفضل تتعامل مع محل ثقة.
- الفائدة: نعومة خفيفة اضافية فى العفشة، وممكن متتحسش خالص. عمر افتراضى اطول للكاوتش - لان الاكسوجين والغازات الاخرى بتتفاعل مع الكاوتش عكس النيتروجين - غاز خامل، عدم الحاجة لتظبيط الضغط كل فترة - على افتراض عدم وجود ثقوب - وكمان العجل عمرة مبيسخن ، بمعنى القراية على طول واحدة مهماً كان المشوار، لو غير كدة يبقى اتنصب عليك.
- كيفية ظبط الضغط: من الاخطاء الشائعة يقولك 30 لكل العجل، المفروض نفس الضغط الموصى بة لموديل السيارة - انا معايا صنى 2011، الضغط مفروض 30 ورا و32 ادام، يبقى هظبط على كدة.
- ينفع فى حالة الطوارئ ازود هواء، اة ينفع ولن يحث شئ وابقى غير تانى لما تصلح العجلة.
- الجزء الخاص بان العجل يكون ضغط 26 ويقولك نيتروجين دة نصب وعلشان كدة يفضل المحلات الثقة مش اى واحد بتاع عجل والسلام. راجع نقطة الفائدة اعلاة.
- ازاى افرق بين منفاخ عجل عادى ونيتروجين: الفرق فى شكل المنفاخ، الهواء العادى الكل عارفة مجرد خرطوم فى اخرة عداد قراية او فالف عجل. النيتروجين نوعين الاول قراية ديجيتال بشاشة كبيرة وبيجى نيتروجين فقط والتانى عادى ودة بيجى بخرطومين واحد هواء (فى الغالب الاحمر) والتانى نيتروجين (فى الغالب الازرق).
- ازاى انقل من هواء لنيتروجين، الاول بيرفع العربية او العجلة الى هيغير ليها وبعدين يفضيها خالص ويرجع ينفخ نيتروجين ويفضيها تانى وبعين يملاها نيتروجين ويكون كدة تمام.

والسلام ختام

[كمال....]

شكرا على الافادة