دلوني علي الحل نوبيرا 1 ..جابت مكنة وفتيس

[mohamed-adly]

سلام عليكم

لدي نوبيرا 1 موديل 1997 بقالها سنتين وماشية تمام من فترة المكنة خفت وبدأت تاكل زيت ودخان ابيض ومن كام يوم الفتيس بدأ يهبل في الغيارات طبعاً أتوماتيك مرة وهو علي الرابع يرجع التاني بعد كده ممكن يفضل 5 دقايق عشان يطلع ع التاني روحت لمكيانيكي كويس مشهور في اسماعيلية قالي خلاص كده لازم فتيس والمكنة كده كده خفيفة

دلوني علي الحل الأفضل ولو هجيب مكنة وفتيس ايه احسن مكان اجيب منه واسعارهم ايه حاليا

[galal mohammed]

فداك الف مكنة ، انته احسن حاجه تعملها تجيب شورت بلوك وفتيس اوتوماتيك استيراد ، سعرهم مش غالي ، انا من الاسماعيلية وحصل معايا نفس اللي حصل معاك وعربيتي نوبيرا وان اوتوماتيك ، ولسه بفكر هعمل ايه وهجيب المكنة والفتيس منين ، مع العلم ان عندنا في الاسماعيلية احسن واحد احمد سعيد في هدي شعراوي .

ياريت اعرف من حضرتك الميكانيكي اللي بتتعامل معاه اسمه ايه ومكانه فين
وبالنسبه لزيت الفتيس الاوتوماتيك للنوبيرا انته بتحط اد ايه زيت 5 كيلو ولا اكتر ولا اقل ، وبتاخد قراءة زيت الفتيس عندك ازاي .

[حسام البورسعيدى]

بالنسبة للمكنة هتجيب مكنة استيراد ووسعرها فى حدود 3000 جنية كاملة بالفتيس الاتوماتيك ..

لو عاوز تجيبها من بورسعيد ممكن احاول اجبهالك ارخص شويه ..

الفتيس فى احتمال انه يكون عيب حساسات ده اذا كان بيمشى حلو ومفهوش تنتيش او رزع .. حاول تعرضة على حد شغال فى الفتايس الاتوماتيك ..

[galal mohammed]

المشاركة الأصلية كتبت بواسطة حسام البورسعيدى بالنسبة للمكنة هتجيب مكنة استيراد ووسعرها فى حدود 3000 جنية كاملة بالفتيس الاتوماتيك .. لو عاوز تجيبها من بورسعيد ممكن احاول اجبهالك ارخص شويه .. الفتيس فى احتمال انه يكون عيب حساسات ده اذا كان بيمشى حلو ومفهوش تنتيش او رزع .. حاول تعرضة على حد شغال فى الفتايس الاتوماتيك ..

استاذ حسام بالنسبة لحساسات الفتيس الاوتوماتيك ممكن تتعالج وفيه حد في بورسعيد متخصص في الفتيس الاوتوماتيك ممكن اروحله ، وهل الحساس موجود داخل الفتيس ولا ن بره .

[mohamed-adly]

galal mohammed

شكرا لردك الكريم

انا امبارح واول لقيت العربية بتمشي عادي والغيارات بتعد بشكل طبيعي ومفيش لخبطة مستغرب
مع اني روحت لكهربائي الاتوماتيك الي في ابوعطوة لو تعرفه وقالي ده فتيس
روحت للميكانيكي الي عند الجلاء قال فتيس مع انه مبصش كويس
بس العربية بقالها يومين بتمشي كويس بغض النظر عن ان المكنة كده كده خفيفة وبتاكل زيت لكن العربية ماشية عادي والغيارات مبتهربش عملتها مرة او مرتين امبارح والنهاردة والباقي تمشي طبيعي

انا لسه مش عارف هعمل ايه لكن مش لاقي فعلا ميكانيكي بيفهم في اسماعيلية بتاع اتوماتيك صح كلهم شمال مع احترامي للي معرفوش