من غير شتيمه بفكر اغير النوبيرا واجيب رينو ميجان

[khaabas]

بس خلى بالك من حكاية اركب اللى على مزاجك دى لان مرة ركبت على مزاجى وندمت اشد الندم وخسرت فى العربية رررررررررررررررر اوى

شوف دور على حاجة الناس فاهمها وقطع غيارها منتشرة وفي المعقول واللى الناس بتحبها علشان لما تبيع تحط رجل على رجل وتبعها عالطول واللى يقولك هو انا بجيب عربية علشان ابيعها قوله يعنى انا بجيب عربية علشان احطها فى المتحف فضلا محدش يعرف الظروف ايه ممكن تجيب العربية النهاردة وفجأة تحتاج فلوسها بكرة
موش كده وله ايه

[sherifabden]

الميجان عربية كويسة جدا وركوبتها فخمة وجميلة يعني من الاخر عربية ممتازة
لكن طبعا في مصر لو هتركب عربية محترمة وفخمة الخ غالبا هتضحي باسعار قطع الغيار الرخيصة واعادة البيع وسهولة الصيانة
يعني المختصر المفيد
لو عايز تركب عربية قوية جميلة مريحة ثابتة مميزة وعندك استعداد تتحمل مصاريف الصيانة وقطع الغيار هات االميجان
لكن لو يهمك ان صيانة العربية تكون رخيصة وسهلة خلي النويبرا معاك
بس على فكرة النويبرا عربية كويسة برضه وجميلة

[ahmed_eng2001]

المشاركة الأصلية كتبت بواسطة khaabas بس خلى بالك من حكاية اركب اللى على مزاجك دى لان مرة ركبت على مزاجى وندمت اشد الندم وخسرت فى العربية رررررررررررررررر اوى شوف دور على حاجة الناس فاهمها وقطع غيارها منتشرة وفي المعقول واللى الناس بتحبها علشان لما تبيع تحط رجل على رجل وتبعها عالطول واللى يقولك هو انا بجيب عربية علشان ابيعها قوله يعنى انا بجيب عربية علشان احطها فى المتحف فضلا محدش يعرف الظروف ايه ممكن تجيب العربية النهاردة وفجأة تحتاج فلوسها بكرة موش كده وله ايه

مع اقتناعى بموضوع ان الواحد بيستمتع بركوب العربية .... يعنى يركب الى على مزاجه ..... بس كلام حضرتك مظبوط جدا ....
اعمل حسابك انك ممكن لأى ظرف تحتاج انك تبيع عربيتك .... محتاج فلوس او جالك فلوس و عاوز تغير العربية بعربية اغلى شوية .... فحتحتاج تبيع العربية القديمة ... متخسرش فيها كتير و تبيعها على طول

ربنا يوفقك للى فيه الخير

[mohamed hossam elemam]

انا من وجهت نظري الميجان عربيه خرافه بكل المقاييس وفيها امكانيت عاليه بس اسعار قطع الغيار غاليه واعاده البيع وحشه وربنا يوفقق في اختيار الافضل هات احسن لانسر تبقي احسن من ناحيه قطع الغيار واعاده البيع وتقبل تحياتي