دلوني علي الحل نوبيرا 1 ..جابت مكنة وفتيس

[mohamed-adly]

المشاركة الأصلية كتبت بواسطة حسام البورسعيدى بالنسبة للمكنة هتجيب مكنة استيراد ووسعرها فى حدود 3000 جنية كاملة بالفتيس الاتوماتيك .. لو عاوز تجيبها من بورسعيد ممكن احاول اجبهالك ارخص شويه .. الفتيس فى احتمال انه يكون عيب حساسات ده اذا كان بيمشى حلو ومفهوش تنتيش او رزع .. حاول تعرضة على حد شغال فى الفتايس الاتوماتيك ..

الفتيس امبارح والنهاردة ماشي كويس عملها مرتين او 3 بينتش ويرزع وياخد الغيار متأخر قوي لكن بيتظبط علطول والعربية باقي الوقت ماشية كويس وبتغير طبيعي

بالنسبة للشورت بلوك كامل والفتيس بس انا شفت فتيس احدث شوية من الي عندي بتاع نوبيرا 1 لكن اخر موديل منها اتوماتيك لكن مختلفة شوية في D , D1 بدل العادي D,1,2,3

عايز اعرف لو مكنة وفتيس هيعملو كام ولو شورت بلوك وفتيس هيعملو كام في بورسعيد وع التجربة قد ايه

[حسام البورسعيدى]

بص لو زيت الفتيس مظبوط (بيتقاس والعربية دايرة وسخنه وعلى R) يبقى فى مشكلة فى الفتيس .. لو فى رزع مع الغيارات وتنتيش وخنقه يبقى الفتيس بدأ يضعف ومحتاج يتغير .. ونصيحه متصرفش على الفتيس حاجة .. بالنسبة للحساسات انا مش متاكد فى النوبيرا ايه بس انا عدى فى الافانتى فى حساسين بره الفتيس ودول مسئولين عن الغيارات ودول غالبا بيحتاجو تنضبف بس ..

بالنسبة للمكنة انا ممكن رينج سعرها بالفتيس حوالى 3000 الى 3300 لان فتيس النوبيرا 1 ماسك سعر لانه مطلوب ..

لو مكنه شورت بلوك تعمل فى حدود 1200 الى 1500 جنية ول كامله من 2000 الى 2300 ..

لو عندك استعداد تيجى بورسعيد عرفنى وهسالك على المكنه والفتيس وهحاول اجيبهملك بسعر ارخص شويتين من حبايبنا هنا .. وكفاية انك تنورنا فى بورسعيد بس ساعتها الافضل انك تركب هنا .. والتجربة بتبقى كام يوم .. يعنى ممكن 3 او 4 ايام عموما الفتيس بيبان اول ما تمشى بيه شويه والمكنه كذلك فمتقلقش باذن الله وتحت امرك ..

[galal mohammed]

المشاركة الأصلية كتبت بواسطة حسام البورسعيدى بص لو زيت الفتيس مظبوط (بيتقاس والعربية دايرة وسخنه وعلى R) يبقى فى مشكلة فى الفتيس .. لو فى رزع مع الغيارات وتنتيش وخنقه يبقى الفتيس بدأ يضعف ومحتاج يتغير .. ونصيحه متصرفش على الفتيس حاجة .. بالنسبة للحساسات انا مش متاكد فى النوبيرا ايه بس انا عدى فى الافانتى فى حساسين بره الفتيس ودول مسئولين عن الغيارات ودول غالبا بيحتاجو تنضبف بس .. بالنسبة للمكنة انا ممكن رينج سعرها بالفتيس حوالى 3000 الى 3300 لان فتيس النوبيرا 1 ماسك سعر لانه مطلوب .. لو مكنه شورت بلوك تعمل فى حدود 1200 الى 1500 جنية ول كامله من 2000 الى 2300 .. لو عندك استعداد تيجى بورسعيد عرفنى وهسالك على المكنه والفتيس وهحاول اجيبهملك بسعر ارخص شويتين من حبايبنا هنا .. وكفاية انك تنورنا فى بورسعيد بس ساعتها الافضل انك تركب هنا .. والتجربة بتبقى كام يوم .. يعنى ممكن 3 او 4 ايام عموما الفتيس بيبان اول ما تمشى بيه شويه والمكنه كذلك فمتقلقش باذن الله وتحت امرك ..

شكرا لاهتمامك ، وانا ان شاء الله لما انزل بورسعيد هعرفك ، بس ممكن حضرتك تعرفلي سعر المكنة بالفتيس عامله كام ، وممكن رقم الموبايل علشان لما انزل اكلمك

[mohamed-adly]

أستاذ حسام شكراً لردك وان شاء الله قريب هنزلك بورسعيد وياريت تسبلنا رقمك عشان نتواصل اكتر

[galal mohammed]

انا دلوقتي في بورسعيد وبكره ان شاء الله هنزل اجيب فتيس وهحاول اعمل طقم شنبر للمكنة ، فيه واحد حبيبي هنا في بورسعيد يعرف الناس في بنك الإسكان وهينزل معايا بكره نجيب الفتيس وسأل علي سعره ب 950 جنيه ، وفي ميكانيكي كويس في الحرفيين في الزهور كلمته وهروحلو بكره ، وادعولي الموضوع يتم علي خير ، والباشا اللي عندو نفس مشكلتي هكتبلك كل جديد بيحصل معايا بحيث تبئا فاهم الدنيا مشيا ازاي ، والله المستعان .