تعديل موتور الهيونداى i10

[حسام البورسعيدى]

المشاركة الأصلية كتبت بواسطة mmffor انت احسن حاجة تركب تيربو كيت كامل للعربية بيتكلف 6000 جنيه تقريبا يعني مش غالي لان التيربو حجمه صغير و بعدين تفصل هيدر للموتور لان لازم هيدر علشان يجمع للتيربو تمنه تقريبا 600 - 1000 جنيه ادخل في شكمان ستانليس ديفل علشان تريح الموتور ب 1500 تقريبا و فلتر كي اند ان اصلي ب 550 جنيه سلوك سبليت فاير ببوجيهات فاير اريديوم ( السلوك ب 650 و البوجيهات ب 480 جنيه ) يعني ب 1100 جنيه لازم جنوط عريضه و كاوتش عريض قول يعملوا مع بعض 2500 جنيه الموتور ال 65 حصان حيدي على الاقل 105 حصان

كلام جميل وميه ميه يا باشا .. لكن مش مع موتور 1100 CC

لو الراجل صرف كل ده على التيربو كيت والهيدر والشكمان والفلتر الموتور ده على كده مش هيعمر شهر على بعضه وهيفوت ..

التعديل نسبة وتناسب مش ترمى تربو فى العربية والعربية تطير وتبقى زى الفل ..

وثانيا صعبه اوى موتور 65 حصان 1100 سى سى يبقى بقدرة قادر كده 105 حصان ...

[abdulkhaleq]

المشاركة الأصلية كتبت بواسطة حسام البورسعيدى مينفعش تربو خالص على موتورك ده .. سيبك من اى حاجة زى البوجيهات الاسبور وكده لان كل ده اونطة .. حاجات تمنها غالى قوى ويا دوب هتزودلك بتاع 3 - 4 حصان .. يعنى مش هتحس بيها خالص ... بس انا هقولك على حاجات عمليه ممكن تفيدك .. اتأكد ان فلتر الهوا نضيف .. وابقى اعمل تنضيف للبوابة .. ركب بوجيهات نوعها نضيف (NGK ممتازة) .. اتاكد من نضافة فلتر البنزين وغيره لو بقاله كتير .. زود ضغط الكاوتش شويه (حسب ما يسمح الكاوتش بتاعك) ... ابقى حط زيت تقيل للموتور فى الحر ده وهتلاحظ تغير للاحسن باذن الله ..

عين العقل والكلام المنطقي

[sergeant]

لو عاوز تعدل في متورك ويكون بحاله جيده بدون ما يضر
تغير الكام شفت
تغير فلتر الهوا بواحد رياضي مركه
او تركب جوا كوعه(ماسوره الانتاك) الهوا حاجه اسمه intake air booter ود حتفرق اكتر من الفلتر كمان
وتحول تكبر الكوتش بالحد المسمح بيه وحتلقيه مكتوب على باب السواق
وغير بوجيهات اريديم من بوش بس لازم تجيب بوجيه العربيه مش اي شئ ودا حتلقيه في توكيل بوش بالرقم
ولو ركبت كبوت فيبر حيخف العربيه ويكون احسن
وممكن كمان تغير نوع الرششات بنوع رياضو متوافق مع المتور
وتحط للعربيه بنزين اوكتين عالي
وتحافظ على نظافه الفلتر بنزين وهوا وزيت
وتحط زيت يريح المتور انصح شيل 5000 الجيركن الاصفر
كفايه كده وانشاء الله حيغير السحب بدرجه ملحوظه

واي استفسار
م/ احمد هاني 0112636346

[tweety_tweety]

المحرك بتاع I10 لو عدلة فيها يبقى بنهاهى على المحرك