انا محتار - ياريت ياجماعة تفيدونا فالقرار ده
انا إن شاء الله مقدم على تغيير العربيه اللى معايا ، انا معايا لانوس 2 2005 عربيه معقولة وجميله ومبتصرفش عليا خالص بس عايز اغير لانى زهقت منها ونفسى فى عربيه اعلى ، فكرت فى حدود امكانياتى المتواضعه ( حد اقصى 95000) لقيت اكتر عربيات عاجبانى هى الانسر الشارك والسيراتو، الشارك 2008 2009 بشهاده كل اللى جربها عربيه اسطورة لكن كله بيشتكى من قطع الغيار وسعر المستعمل فيها بيتراوح مابين 80 لحد 90 ، السيراتو 2010 2011عربيه عملية برضه بس اغلى شوية ومهما كانت مش هتكون قويه زى الانسر ومش قصدى قوة سحب وموتور وكده لا انا بتكلم على القوة بشكل عام وثبات ، المهم الانسر فى حدود امكانياتى وهيتبقالى فلوس اقدر اعملها السيرفس وافوقها تانى ، والسيراتو غاليه وهتزنق عشان اجيبها وفالاخر مش هعرف اسرفس عليها لان فلوسى هتكون خلصت، فانا محتار خصوصا ان السيراتو قطع غيارها رخيصه بالنسبه للشارك ومتوفره فى كل مكان ونا من سكان اكتوبر ومش قريب من محلات قطع غيار الشارك
ياريت اهل الخبره ينصحونى اختار انهى وامشى فى انهى اتجاه ( السيراتو 2010 ولا الشارك 2008)
|
13-05-2014, 05:48 PM
رد: انا محتار - ياريت ياجماعة تفيدونا فالقرار ده
