العربية فيها بعض عيوب التقفيل و عايز اظبطها فى صيانة الالف

[smsm smsm]

مساء الخير يا شباب
ارجو من حضراتكم تفيدونى الله يخليكم
انا لسة شارى العربية جديد و عايز اعمل صيانة الالف الاولى فى القطامية
انا كنت بشتكى
شنطة العربية -- بشوف فى عربية تاكسى او ملاكى مقفولة حلو جدا و مظبوطة جدا و عربيات تانية فى فرق كبيرة و مش منظر خالص
ابواب السيارة -- لازم تترزع شوية علشان علامة اللى فى التبلوة ان فى بابا مفتوح هل دة عادى فى العربية دى ولا اطلب انة يتظبط
الكابوت لازم يترزع علشان يتقفل
فى صوت و انا نازل من مطب بالعجل الخلفى كنت فاكرة كلبش الدركسيون لغاية ما صديق بقى ينطط العربية و هيا واقفة و بقيت اسمع صوت خبط كل ما العربية تهبط دا من اية
الكشاف ضارب فى عين اللى قدامى
عضة الفتيس
استهلاك البنزين اية للعربية دى هيا مانيوال و ما بعديش 3 فى عداد rbm
و تقريبا عملت 400 او 420 تقريبا ب 45 لتر بنزين 92
اتمنى لو حد لاقى عيوب فى العربية ممكن تتظبط لانى ببقى مش مركز و انا سايق مع العربية -- ممكن حد يقولى على عيب و ابقى اركز معاة
ارجوكم افيدونى اتكلم فى اية و اية العادى بتاع العربية
شكرا جدا

[ashrafsoft]

اولا الف مبروك على العربية وربنا يديك خيرها ويكفيك شرها
انا الحقيقة مش هقدر افيدك فى كل الشكاوى لكن هقول على اللى اعرفه وربنا يسهل واحد الزملاء يفيد بالباقى
1- بالنسبة للشنطة انا سمعت وقريت عن العيب ده كتير ويقال انه بيتصلح فى صيانة الاف " اطلب ظبطها فى التوكيل "
2- الابواب طالما بتترزع يبقى يا اما مشكلة فى الجلد او قفل السيارة " اطلب تظبيطها فى التوكيل "
3- رزعة الكابوت : يا ريت تبص على الكوتش اللى بيقفل عليه الكابوت موجود او لا او يمكن يكون واطى شوية فبيعمل الرزعة وانت بتقفل
4- الصوت وانت نازل من مطبات : لا اعلم تفسير له سوى ان فى مشكلة بالعفشة وده اهم عيب تتكلم فيه فى التوكيل
5- النور بيضرب فى وش اللى ادامك : اتأكد بس انه مش العالى ولو كان العالى فده الطبيعى انه ييجى فى وش اللى ادامه ويرجى عدم استخدامه الا للضرورة فقط
6- عضة الفتيس هتتصلح فى صيانة الالف
7- استهلاك البنزين هيقل شوية لكن هى متوسط استهلاكها 10 ك لكل لتر اعتقد حتى وان كان التكييف شغال

فى انتظار الرد لباقى استفساراتك وتصليح ما اخطأت فيه

[mhamdy75]

مبروك عليك العربية

[حسين122]

و الله انا كمان بأسأل على العربية و بأقارنها باللوجان الأوتوماتك
و كنت عاوز اعرف رأي حضرتك فيها بعص الصيانه الدوريه لو ممكن
مع الشكر