عايز اشترى كلابش للدركسيون بس محتار ؟؟

[hanymi45]

الموضوع مش مسألة مميزات وعيوب ولكن كل فى كلبش بيفرق عن التانى بمميزات اكتر ولكن مفيش عيوب اقل كلبش افضل من مفيش يعنى كلبش بمفتاح كومبيوتر افضل كتير من المفتاح العادى وميزه اكبر كل ماكان الكلبش تقيل وانت نفسك مش قادر تشيله اكيد اى حد يحاول يخلعه او يفكه حتكون المشكله اكبر واصعب وعايزه وقت اى نعم الحراميه دلوقتى كتروا بياخدوا وقتهم جدا لانه محدش بيقدر يكلمهم حتى صاحب العربيه نفسه لو كان واقف حيخاف يقول حاجه ماهو السرقه بقت بالاكراه ومش فارقه معاهم ربنا يسترها علينا جميعاً يارب يعنى مينفعش نقول الكلبش ابو 30 جنيه زى اللى بـ 90 جنيه بص على ده وده وانت حتعرف انه فيه فرق كبير جدا انا عملت كده لما جيت اشترى ودخت على فكره فى التوفيفيه لغاية ملقيت محل اسمه محمد ابراهيم مشهور هناك هو الوحيد اللى لقيت عنده الكلبش ده وانا اخترت ابو 70 جنيه مع انه كان فيه افضل بتسعين بس انا حسيت انه كويس جدا وانا عربيتى بيجو 205 لما اجيب الجيب شيروكى ابقى اجيب ابو تسعين

[medo1919]

شكراً لك أخي الكريم, بارك الله فيك وجزاك كل خير

[fineart607]

طب الأتوماتيك ينفع معها من الدركسيون للأسفل ولا لازم دبرياج ولا ايه ؟؟؟؟؟؟؟

[momen_bondok]

بالنسبة للاتوماتيك يفضل الكلابش الذى بين فرامل اليد والفتيس الاتوماتيك او كلابش للطارة فقط

هو ممكن يكون الدريكسيون مع الفرامل بس مش هيكون ذو جدوى مثل الكلابش بتاع فرامل اليد والفتيس الاتوماتيك

[fineart607]

الحمد لله امبارح جبت كلبش من الفرامل للدريكسيون وثقيل لونه اسود ب60 جنية من التوفيقية
وشفت انواع اخرى بس ضعيفة لكن الى ب60 ممتاز وثقيل