بقيت فى نص هدومى شوفوا لى حل

[kbarema]

متشغليش التكييف اول متركبى العربيه وهي سخنة هيبوظ منك
افتحي الازاز الاول العربيه تتهوى
وبعدين شغلي التكييف

[محمد صالح - المحامى]

المشاركة الأصلية كتبت بواسطة queen شكرا لكل ردودكم يا جماعه بس احب اقولكم ان عربيتى بتكييف وهى اسبيرانزا وانا باشغله من اول ما اركب على 3 كمان ومع ذلك بانزل فى الحاله دى يبقى المشكله فيا ولا فى التكييف بقى علما بانها زيرو معملتش غير 4000 يعنى التكييف لسه بحالته. طيب بالنسبه للعراقه الخوص حد جربها فعلا بتمنع العرق؟ طيب ومش بتوجع فى القعده

وانا كل الفترة دى كنت مخدوع وفاكر انك من الطبقة الكادحة الى ذى حالاتنا .

========================= =======
يبقى اكيد الكراسى الجلد طبعا هى السبب .
متنسيش ان انتى جسمك بيبقى سخن هتى لو مشغله التكييف
وطبعا الكراسى الجلد بتحجب التهوية فى الصيف عن الجسم فى فترة الصيف
---------------------------------------------------------------------
العراقة كويسة بس ناشفة حاجة بسيطة ومش مريحة

[dr_eslam_66]

المشاركة الأصلية كتبت بواسطة queen شكرا لكل ردودكم يا جماعه بس احب اقولكم ان عربيتى بتكييف وهى اسبيرانزا وانا باشغله من اول ما اركب على 3 كمان ومع ذلك بانزل فى الحاله دى يبقى المشكله فيا ولا فى التكييف بقى علما بانها زيرو معملتش غير 4000 يعنى التكييف لسه بحالته. طيب بالنسبه للعراقه الخوص حد جربها فعلا بتمنع العرق؟ طيب ومش بتوجع فى القعده

ياعني طلع عندك تكييف ومغلبة كل أعضاء مصر موتورز الي يقولك ركبي مروحة والي يقولك إعزلي الصالون عن الحوض.
عموما هوا الصيف كدة وممكن تقارني حكاية اني التكييف هوا الي مش قد كدة ولا لأ مع أي عربية بتاعت حد تاني بتركبيها حد من العيلة أو أصحاب أو غيره.
أو بليل بيبقى الموقف إيه هل التكييف بيبقى ساقع ولا مابتحسيش بيه؟
العراقة هتبقى مفيدة بس في حكاية العرق في الضهر علشان الكراسي الجلد.
إقفلي فتحة التكييف البعيدة الي مابتسخدميهاش لو مافيش حد معاكي في العربية وهتحسي بفرق.
طقم ستاير كبس هيعمل شغل جاااااامد جدا.
فيه تظليل حراري للنوافذ والزجاج بس غالي شوية وبردو فعااااال جدا وخاصتا هنا في الخليج مثلا, فعلا بيفرق فرق كبييييير كل الي معاهم عربيات مشهورة إني تكييفها ضعيف (ألماني أو أمريكي أو أروبي) بيركبوه وفعلا بتفرق كتير.
موضوع العزل دا أنا مش هفصّل فيه لأني مش عارف ظروف عربيتك عاملة إيه في عزلها بس لو بتخش على رجليكي حرارة من حوض الماتور بتحسي بيها أو أحيانا بتيجي من الكونسول الي في النص في بعض العربيات الصغيرة المدمجة يبقى فعلا إنك تروحي لسروجي وتقوليله عايزة اعزل الحوض والبيبان هيعمل برضوا معاكي فرق جامد (وهوا بيفك التابلوه وبيشيل الكراسي وبيعزل الجزء الأمامي بصوف حراري فعال جدا ولو عايزة تعزلي البيبان كذلك بيفك الفرش وبيعزل من تحت)

[mhamdy75]

طالما اسبرانزا يبقى تبعى

أنا شيلت فرش العربية الجلد

وركبت فرش قماش

هاتفرق كمان فى الراحة

القماش مريح عن الجلد

والتكلفة زى ما مهندس سيد

تكرم وقال 325 جنية

والاحتفاظ بالفرش الجلد فى البيت

وبلاش نركب الجديد على القديم

[طارق عبد السلام]

المشكله فى الفرش الجلد هو السبب
حل الموضوع بسيط ان شاء الله

عراقه بفواصل خوص من نوعيه تكون جيده هتسمح بمرور الهواء البارد
لاكن عراقه بوليستر أو حتى قطن مصمته بردوا هتعمل نفس الموضوع

الحل عراقه يكون فيها فواصل لتمرير الهواء

وبعدين اصلا الجو اليومين دول مش طبيعى الجو فى مصر بيستهبل مفتكر نفسه خليجى