أحذرو هذا النصاب

[crime]

جزاك الله كل خير

ربنا ينتقم من كل نصاب اكل حقوق الناس وان شاء الله تعرفوا ترجعوا حقوقو

[sherif_eletr]

انا عارف الشركة دي و كنت هاشتري عربية قسط و اديهاله يشغلها بس ماحصلش نصيب
هو اسمه احمد نجيب شاب في العشرينات و عنده سكرتيرة و ديكور الشركة كويس و فعلا يديك اطمئنان انك ممكن تديلو العربية و هيحافظ عليها و ده اللي كان مشجعني اجيبلوا عربية الكلام ده كان من 3 سنين بس الحمد لله ماجبتش بس انا شوفت العقد و ماكنش عاجبني

[hishamatsh]

المشاركة الأصلية كتبت بواسطة sherif_eletr انا عارف الشركة دي و كنت هاشتري عربية قسط و اديهاله يشغلها بس ماحصلش نصيب هو اسمه احمد نجيب شاب في العشرينات و عنده سكرتيرة و ديكور الشركة كويس و فعلا يديك اطمئنان انك ممكن تديلو العربية و هيحافظ عليها و ده اللي كان مشجعني اجيبلوا عربية الكلام ده كان من 3 سنين بس الحمد لله ماجبتش بس انا شوفت العقد و ماكنش عاجبني

مش هنقول غير حسبنا الله ونعم الوكيل

حالف ميت يمين والله العظيم لحسبن وأدعي عليه في قلب الحرم وأنا بعمل العمره بأذن الله

حسبي الله ونعم الوكيل

[elgdawy2007]

انا بحزر يا جماعه من شركات تأجير السيارات دى حتى ولو بسائق يعنى عشان محدش يتخدع كتير فى معظم الناس دول وقبل متفكر تأجر سيارتك لشركه تاخد بالك جدا حتى لو قالك التأجير بسائق فده بيكون بدايه الطعم ليك وحقولك بقى ازاى
اولا شركه اسمها ابار فى القاهره للخدمات البتروليه مصر الجديده
وثانيا شركه تانيه اسمها
ملوك للخدمات البتروليه والتوريدات
ودى فاتحه فى القاهره المعادى ولها فرع اخر بالاسكندريه سيدى بشر متفرع من شارع خالد بن الوليد
المهم الناس دى حتضحك عليك وحتعمل معاك عقد بمبلغ ميناسبش ثمن السياره بالمره يعنى مثلا سياره النترا واحد مأجرها فى شركه ملوك دى مطلعين عين اهله وبيدوله فلوسه بالعافيه كل شهر وخدوا منه 2800 جنيه سمسره غير انهم بيتفقوا على شغل مع شركات بمرتبات اعلى من كده ويضربوا الفرق فى جيبهم وحيعشمك ان لو طلعت سفريات اضافيه حتاخد على كل سفريه توازى 300 كيلو 150 جنيه و3 جنيه عن كل ساعه بعد 8 ساعات شغل بتوعك وطبعا ده مش حيحصل اصلا وحيعملك البحر طحينه زى مبيقول المثل وفى الاخر حتلائى لا شغل سفر ولا يحزنون وحيرميك فى شقه فيها كام نفر بأيجار على حسابك طبعا انت وباقى الناس الضحايا لان معظم شغله بالقاهره يعنى يتعاقد معاك كشخص انت من اسكندريه وبعدين الشغل يكون فى القاهره وطبعا حيطلعوا عنيك بمجرد متروح هناك وتعمل عقد معاهم وتدفع مقدمك 2800 جنيه اليى حياخدهم منك عشان ال يعنى حيشغلك وطبعا مفيش اجازات وحتضطر انك تسكن مع باقى الناس وتشاركوا بعض فى السكن غير كده المعيشه فى القاهره بقى وانتوا عارفين الباقى وحيقولك عقد بسنتين وطبعا ده كلام نصب لانه مش حيعمل معاك كده خالص وحتلائى نفسك زهقت ومليت من اول شهر من كافه الجوانب
عشان مطولش عليكوا بقى يا جماعه الخير بخصوص الشركه الثانيه ابار للخدمات البتروليه ايضا
شركه نصابيين من الدرجه الاولى لى صديق تعاقد معهم من فتره واخدوا سيارته بهدلوها بهدله الدنيا والاخره وعملوا بيها حادثه جامده ورشوهاله رش سيىء جدا وكانوا بيطلعوا بيها ليل نهار العربيه مبتقفش وعزبوه عزاب الدنيا والاخره لما كان بيروح كل اول شهر ياخد منهم ايجار السياره وطبعا برضه دفع المعلوم فى الاول عشان سيارته تدخل وياريتها مدخلت السياره دمروها للراجل وبهدلوها وراح يعمل محضر فى القسم واكتشف ان ناس كتير جدا عامله محضر للشركه دى وده مع الاسف لان القانون فى مصر ضعيف لصد هؤلاء النصابين المحترفين والتعامل معهم بقوه وبحزم وده اليى خلاهم الفتره دى بالزات ينشطوا ويعملوا اليى هما عاوزينه ده ويستغلوا الموقف بالنسبه لناس تانيه جايبه سيارتها بالقسط مثلا ويبتزوهم ويستغلوا ظروفهم ابشع استغلال على امل انهم حيشغلوا السياره له وبعد 3 شهور بالكتير حتلائى السياره اصبحت خرده وده اليى حصل معى انا وزميلى بخصوص الشركتين النصابين دول مع الاسف لذلك اردت ان احزر من التعامل معهم بكافه الصور والاشكال وعلى فكره كمان اعلانات ابار للبترول منتشره على النت بشكل كبير اما الاخر ملوك للخدمات البتروليه الذى يدعى انه من فتره كبيره اوى فى السوق حتلائى كام اعلان سازج موجود ليه على الفيس بوك واضح منه انه شركه نصب وخلاص عشان كده بقولكم يا جماعه خلوا بالكم جدا وخصوصا كمان ان ملوك دى لسه مأجره شقه فى سيدى بشر قانون جديد وعامله حوار عشان تستغل بيه الناس وخلاص مره تانيه خلوا بالكوا جدا جدا من هؤلاء الذين يسعون فى الارض فساد دون حسيب او رقيب من الحكومه ومع الاسف القانون فى مصر لا زال يفتقر لاساليب تردع هؤلاء بشكل قوى وتوفر الحمايه للافراد من هؤلاء النصابين حتى لو تم كتابه عقد بينك وبينهم فأساليب الهروب والالتواء كثيره جدا فى حاله وجود نزاع بينك وبين هؤلاء المستغلين نظرا لعدم جديه القوانين فى التعامل بحزم مع هؤلاء النصابين اسف للاطاله عليكم ولكن اردت فقط سرد تفاصيل هامه جدا لتوخى الحزر من هؤلاء ومن غيرهم لان مع الاسف الظاهره دى اصبحت متفشيه جدا هذه الايام من الكثير الغير شرفاء لذا يجب توخى كافه الحزر فى التعامل مع مثل هذه الشركات ولا تفكر فى عرض سيارتك سواء بسائق او بدون الا لمن تثق فى سمعته جدا جدا جدا فى السوق ودول مع الاسف اقلاء اتمنتى اكون افدت الاخوه الزملاء والسلامِ

وده اعلان للشركه الثانيه

مفاجاة كبرى لعملاء شركة ابار للخدمات البتروليه تطلب سيارت للاستثمار مع كبرى شركات البترول بدخل شهرى مميز جدا تعلن الشركة عن حاجتها لسيارت موديل 2009حتى 2012 للعمل فى مواقع الشركة بدخل شهرى مميز جداالشركة مسؤلة عن عمل الصيانة الدورية للسيارة فى التوكيل امكانية معاينة السيارة خلال مدة العقد مدة العقد تبدا من سنة حتى 4سنوات تقديم كافة الضمانات للعميل للحفاظ على حقوقة فى سلامة السيارة خلال مدة التعاقد مع اعطاء مميازات للعميل البنزين والزيت والفلتر على الشركة تسليم السيارة بالحالة التى كانت عليها ماعدا الاستهلاك تسليم السيارة عند انتهاء مدة التعاقد عن طريق التوكيل التوكيل للاستعلام : 0222876966 / 01140002404 / 01140003405 / 01062066659