تقـريـر شــامل عن بروتون ساجا (القنبله الجديده)

[modsaid]

انا شفتها في المعرض مرتين... بتفكرتي بالافيو كتير فعلا من الداخل
سواء الخامات او الاتساع

[tareksakr]

التقرير جميل جدا العربية كقيمة مقابل سعر رائعة بكل الكماليات دي ةاعتقد انها هتنتشر بس مش بسرعة لان في ناس كتير ما تعرفهاش +انا ما شفتلهاش اي اعلانات ياريت التوكيل يهتم بيها شوية

[modsaid]

انا كنت رايح احجزها امبارح

بس فيه اتنين في السكة حذروني من التوكيل... العربية كويسة وسعرها حلو.. بس عز العرب متجرب في الموديلات اللي قبل كده على كلام الناس وعندهم مشكلة في قطع الغيار.... مش قصدي طبعا السيور والتيل وكده... قصدي الحاجات بتاعه الحوادث

واحد مثلا بيحكيلي كان معاه واجا 2007 عربية الباب اتخبط جامد في 2009 واحتاج يغيره.. التوكيل قال له 3 شهور

[m77777]

السلام عليكم جمعيا اخوكم محمد رمضان من بنى سويف اول محافظة بالصعيد اتشرفت بالانضمام اليكم ومتابع للموقع من فترة ووجدت فية الاحترام وايضا المعلومة لدى سؤال ارجو الاجابة علية معى مبلغ 35000 وارغب بشراء سيارة جديدة قسط اتوماتيك لاتزيدعن 70000 ولان لى تجربة سيئة مع سيارتى الدوجان95 اتمنى ان تدلونى عن سيارة بالسعر السابق وكمان ما تسخن وايضا عالية عن الارض وايضا تكييفها قوى جدا ارجو الرد ولكم جزيل الشكر

[dr_eslam_66]

ptmnlo123per154
بعد السلام والتحية
بعتذر إذا كنت برد في موضوع قديم أو ردي جاي متأخر ptmnlo123per144
بس دلوقتي وبعد مرور فترة على طرح الساجا في الأسواق هل دا الي بيحصل حاليا دا هوا الي كان متوقع منها ياعني أنا راضي ذمتكوا ماخيبتشي أملكوا في إنتشارها وتسويقها عارفين السبب إييه
الــــــــــــوكيــــــــ ـــــــــــــل
العربية قبل ماتكون عربية بيتسئل عليها مين الي منزلها
والتسويق عمره ماكان سعر منافس وبس
عز العرب عمل خطوة حلوة قوي نزل عربية في وقت كويس وبإمكانيات كويسة وسعرها سعر تحفة يخليها تقدر تنافس بيه من هم أقدم منها باسوق ولااااااكن ptmnlo123per1106
هل دا كافي فقط إنه يخلي العربية تنجح وتتسوق لوحدها
هل دا كافي إنه يعدل سمعة عز العرب الي طول عمره بيغالي في قطع الغيار وتكاليف الصيانة دا لما من كتر الي بيعمله موت عربيات قبلها كتير كانت في إيده تخليه عز العرب غبور رقم إتنين في السوق.
معلش ياجماعة أنا مش بقول إني العربية فشلت أنا بقول إنها ماخدتش المنحنى الي المفروض تتسوق بيه عربية في سعرها ولصة الفرصة متاحة ياعني دلوقتي عز العرب لو ماعملش عروض تسوييقية جادة للعربية دي ماحدش هيخاطر ويشتريها ولو مافيش مجموعة خاطرت مش هيحصل عليها الإقبال الجماهيري المنتظر ياعني لغاية دلوقتي الناس لسة بتفكر تشتري فيرنا ولانوووس يانهار أبيض لانوووس إييه دي ياجدعان الي أكل عليها الدهر وشرب دا كفاية شكلها الخارجي والله العظيم لاكن الناس بتشتريها لسمعتها في السوق ولإسم وكيلها.
يبقى عز العرب بش بس بيسوق عربية جديدة دا المفروض يشيل التراب الي على إسمه الأول أو من خلال العربية دي.
محتاج عروض تقصيت مباشر من الشركة وحملة دعاية تعرف الناس إيه هيا العروض دي محتاج كمان إعلان أسعار قطع الغيار وبشفافية آه هي خطوة مش ناس كتير بتعملها بس هوا المفروض إنه بيبني جسور ثقة بينه وبين المستخدم بعربية إقتصادية يبقى لازم الراجل متوسط الدخل الي رايح يشتري عربية دا وهيخاطر بجزء كبير من مرتبه يبقى عارف لما هتبوظ منه ولا لاسمح الله تتخبط هيدفع عليها كام علشان تمشي تاني.ptmnlo123per172
نرجع نتكلم بقى عن العربية نفسها ومش هنجيب سيرة الوكيل تاني.
من أشد منافسين الساجا في الشريحة السعرية دي الفيرنا واللانوس وطبعا اللوجان.
زمان سمعنا إني سعر اللوجان ماحصلش قال علشان فيه إعفاء جمركي ليها بيوصل لـ 40% طيب إزاي بقى وعز العرب أهو دخل عربية في إمكانيتها أهو وبسعر أقل منها.... آه هتقولي لا ماهي الساجا 1300 مش 1600 زي باقي العربيات الي بتقارنها بيها ماعدا اللانوس 1500 وبردو اعلى منها أقولك يمكن بس ماتعملش الفرق دا كله في السعر.
وبكدة يبقى اللوجان الي هيا أرخص المنافسين للساجا طلعت مغالى في سعرها ماشي نبص بقى على الفيرنا واللانوس منافسين يحترموا فعلا وتقف كمان تضربلهم تعظيم سلام فيه فرق في السعر والماتور والحصان والإمكانيانت وتقريبا كدة صعب على الساجا تنافسهم يبقى هنرجع تاني للوجان ونلاقي مافيش قدامنا غيرها.
الساجا فيها مييزة ألا وهي (الأوتوماتيك والسينسور بارك)
بس الحلو مايكملش أوتوماتك ب 1300 سي سي يافرحة ماتمت أفتكر هيكون ضعيف قوي وأي كام كمان(أنا ماسوقتهاش على فكرة) طيب ليه ماتنزلش بفئتين اوتوماتك بسعة ماتور أعلى ومانوال بال 1300 بتوعها دول دلوقتي وبعدين أفتكر ماتور بالتكنولوجيا دي بتاعت ال 1300 الي بيدوني 97 حصان لو عليته لغاية 1500 يانهار هيعدي ال 110 حصان مستريح ويبقى كدة أنا عندي فئتين فارهة وإقتصادية وكدة يبقى الكلام معقول بردو واقدر أقارنها مع الفيرنا ويبقى مسحت اللانوس لامؤاخذة.ptmnlo123per122
ولاكن مش هنقعد نقول لو اللوجان بقى وكيلها بردو ماهواش الملاك ياعني لاكن لما نزلت بنفسي أسأل عليها لقيت تقصيت مباشر من الوكيل وبتسهيلات إييه عسل والله الناس دس والفايدة أفتكر والله كانت أحسن من المعارض عموما والبنوك بس والله العظيم مافاكر الفايدة كانت كام بالظبط.
اللوجان ماتور أكبر 1600 وحصان اقل حوالي 93 أو 94 على ما اذكر.
معلش العربيتين لابتوع حصان ولا سحب ولا جري بس لو انا عايز عربية أشقيها طول النهار وماتشتكيش يبقى أكيد ال 1600 يكسب.
مواتير الرينوو أصلا معروفة بالخدمة الشاقة وطولة العمر الغفتراضي.
اللوجان تقفيل مغربي ولاكن تصميم وعلامة أوروبية.
التصميم الخارجي للوجان مش قد كدة ويمكن الساجا احسن في النقطة دي ولاكنها أذواق.
اوسع واعلى وعفشة قاسية تستحمل مطباتنا أفتكر اللوجان تكسب.
آه وبالمناسبة بقى اللوجان اهي نزلت في مشروع إحلال التاكسي ياعني بكرة قطع الغيار تكتر وتكتر وماحبش حد يقولي بقى ياسلاااام وهوا أنا هركب تاكسي بقى إنشاء الله أمال إيه الي بيخليك تركب فيرنا ولا لانوس دا ياراجل الأوبترا الناس عملتها تاكسي جاي على اللوجان ياعني.

وعلشان ما أطولش أكتر من كدة علشان أنا خلاص حاسس الناس هتديني بالي في رجلها وسامع واحد من هناك اهو بيقولي غنزل بقى من على المسرح يانجم.
هقول الساجا عايزة إهتمام من الوكيل وهتبقى زي الفل اللوجان أفتكر إنها خلاص بتشق طريقها لفوق وللشعبية.
الفيرنا واللانوس مازالوا مسيطرين على الوضع.ptmnlo123per122