ارجو المساعدة

[MohabSaeed]

ايهاب بعد اذنك انا حنقل النقاش هنا علاشان يبقى فايده للجميع .

شكرا علي النصائح و الحمد لله تمت علي خير شراء السيارة والعربية طلعت فابريقة وحالة الموتور الله اكبر كويسة وربنا يكفينا شرها ويبارك لينا فيها باذن لله بس كانت عايز اعرف اية القطع الغيار المشتركة بين الانسر و البروتون واجا كما قلت في الرد السابق علي ..... اصدق !! لانسر 1600 الكرستال ولا البومة يارت الرد بس مش فارق الوقت الان اصل والدي هيودية الجراج وهيركب العربية بتعتي لغايت مارجع من السفر واجربة شوية ادهالة يمشي بية اصل هو كان متعود علي العربيات حجمها صغير مش كبير ذي دية علشان يتملكها في القيادة . بس عايز اعرف شي العربية الفرامل بتعتها ضعيفة بس مش اوي مش ذي العربية الشاهين 1400 بتاعت والدي بالرغم انة رياضية قرصية من الامام ومن الخلف بس مفاهش abs هل دة عيب ولا دي العادي بتع العربية دية.

الف مبروك يا باشا على العربيه .. ربنا يباركلك فيها و يكفيك شرها

هى العربيه ديه لونها كحلى غامق و كانت فى مدينه نصر ورا اولاد رجب ؟

بص بالنسبه للفرامل هى الفرامل مش ضعيفه لكن بيبقى فيها مسافه شويه ... يعنى بدال الفرامل مش حساس فى فراغ حوالى سنتى و نص ..... لكن جرب تكون مثلا ماشى على 60 او 70 و اضرب فرامل مره واحده حتلاقى العربيه كلبشت فى الارض ووقفت بسرعه و بثبات من غير ماتعوم .

و حتى و انتا ماشى بسرعه و بتجرى و جيت تفرمل بتلم معاك كويس ... لكن زيها زى معظم العربيات الكورى و الماليزى بدال الفرامل فيه فراغ شويه .

الحاجات المشتركه مع الانسر 1600... الموتور بالكامل ... و كل السيور و البوجيهات , فلتر زيت ... فلتر الهواء مختلف .
المساعدين الخلفيه و بعض اجزاء العفشه الخلفيه.
تيش الدركسيون .
ممكن يكون فى حاجات تانيه بس انا لسه ماعرفهاش .

مره تانيه الف مبروك على العربيه ربنا يباركلك فيها يا رب و مستنى منك تأكيد هى العربيه الى قولتلك عليها ولا .