جيلي الصينيه ... تعيد افتكاس رولز رويس فانتوم

[ahmed_kamel]

ياناس محدش يتريق على الناس ديه
دول أول ناس عملوا أول عربيه صديقه جدا للبيئه وبدون أي إنبعاثات تضر بطبقة الأوزون أو كوكب الأرض أو المجره عامة
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
إنها النسخه الصينيه من الميني كوبر



ولو ركزتوا شويه حتلاقوا إن العربيه ديه بكرسي واحد قدام وكنبه من ورا وده عكس الرولز بتاعة سامح (أقصد بتاعة جيلي)

[sam ram]

جامده يا احمد باشا ....
وحشتنا مشاركاتك و موضوعاتك ptmnlo123per171

[drift]

المشاركة الأصلية كتبت بواسطة Ahmed Anwer لوقت طويل هتفضل السيارات الصينية افضل مصدر للمرح في منتديات السيارات مش عارف ليه الهبل اللي بيعملوه ده هما فاكرين نفسهم بيعملوا اي بوود صيني ( اللي مفهوش من الاي بوود غير الشكل ) بس للامانة شيري و بريليانس بيطوروا و عرفوا طريق بيوت التصميم الايطالية لكن بي واي دي و جيلي عايشين في دورات المياة العمومية

كل الناس بتهاجم الصيني وخلاص هي الجيلي لما تعمل الفانتوم تبقي وحشة امال عايزها تعملك اية لما تعمل فيات تبقي حلوة دي بقي مشكلة الشعب المصري اللي بيهاجم وخلاص من غير ميعرف وانت بتتكلم علي الفانتوم علي انها لانوس ياراجل كفاية التقنية دي لو انتججت هتعمل ضربة قوية في انتاج السيارات في العلم كلة وساعتها انت ممكن تركبها انتو بالكلام دة مش هتعرفو توصلو للناس اللي علي المنتدي المعلومة الصحيحة عن السيارات الصينية واللي بيقول علي الصيني وحش ييبقي مركبش برليانس او اسبرانزا او جيلي او بي واي دي جرب وبعدين قول رايك وبص لفرق السعار بين السيارات الكورية واليابانية من نفس الفئة

[sam ram]

المشاركة الأصلية كتبت بواسطة drift كل الناس بتهاجم الصيني وخلاص هي الجيلي لما تعمل الفانتوم تبقي وحشة امال عايزها تعملك اية لما تعمل فيات تبقي حلوة دي بقي مشكلة الشعب المصري اللي بيهاجم وخلاص من غير ميعرف وانت بتتكلم علي الفانتوم علي انها لانوس ياراجل كفاية التقنية دي لو انتججت هتعمل ضربة قوية في انتاج السيارات في العلم كلة وساعتها انت ممكن تركبها انتو بالكلام دة مش هتعرفو توصلو للناس اللي علي المنتدي المعلومة الصحيحة عن السيارات الصينية واللي بيقول علي الصيني وحش ييبقي مركبش برليانس او اسبرانزا او جيلي او بي واي دي جرب وبعدين قول رايك وبص لفرق السعار بين السيارات الكورية واليابانية من نفس الفئة

على فكره يا استاذ دريفت .. انا مش بهاجم الصيني او اي ماركه عربيات ... يعني ممكن تقول اني مش متعصب لا للأهلي و لا للزمالك .. لكن بشجع اللعبه الحلوه ..

وفي موضوع عملته عن معرض شنغهاي 2009 .. بصراحه انبهرت بالتصميمات الروعه اللي فيه
http://www.masrmotors.com/vb/showthread.php?t=7432

لكن بالنسبه للجيلي المفتكسه دي .. فمش قادر افهم ايه سر كرسي العرش ده !!!!!
ده غير انها فعلا تصميمها مستوحى جدا من الرولز فانتوم ...
دي لو فيات نفسها حاولت تقلد الرولز رويس ممكن الناس تتريق عليها .. لأنها ملهاش تاريخ في العربيات من النوعيه دي ...
كل شركه و ليها مجال خبراتها ... مرسيدس اول ما عملت الايه كلاس كان فيها مشكله في الثبات و حصلت فضيحه في الاختبار الصحفي و العربيه اتقلبت على ما اتذكر

وخبر على الماشي ...
مرسيدس رفعت قضيه على النوبل الصينيه في اليونان لأنها شبه السمارت فور تو ... و المحكمه اليونانيه رفضت الدعوه بحجه ان النوبل 4 ركاب في حين السمارت 2 بس و المواتير و المواصفات العامه مختلفه .. لكن الشكل اعتبرته المحكمه ناتج من تشابه طبيعه الفئه ...

يعني رولز رويس لو فكرت تقاضي جيلي بسبب تشابه الفانتوم مع الجيلي ... غالبا مش حتكسب القضيه ...
ومبروك للصيني ....

زي الناس ما كانت خايفه من الياباني في السبعينات ... و الكوري في التمانينات ... الناس خايفه دلوقتي من الصيني ... لكن حيجي وقته
والبقاء للأفضل

[حازم شاهين]

يكفيهم إنهم بعد عشر سنين بيركبوا عربيات من صنع ايديهم مش زى خيبة .........