تعبت مع الدايو ليجانزا و اعطالها و ارجو المساعدة العاجلة

[احمد على 1999]

ممكن برضه تجرب تعملها ايدل ليرن علشان مشكلة التبطيل

[I_AM_LEGEND]

اى عربية مستعملة فى الدنيا ليها مشاكل حتى الجديد........

خلى بالك طويل............

الليجانزا عربية حلوة ..........

وعايز اقلك على معلومة مهمة جدااااااااااااااااااااااا ............

موضوع استهلاك البنزين بسبب (سير الكاتينة مش مظبوط.....ايوة سير الكاتينة مش مظبوط..........ولو

مش مصدقنى .....روح عند ماسورة الشكمان هاتلاقى ريحة عادم نى صدقنى هو دة العيب ...........

واتحداااااااك........

للعلم مش اى ميكانيكى بيعرف يظبط سير الكاتينة بتاع الليجانزا والنوبيرا لان الموتور دة ( توين كام)

خطيبتى كان عندها واحدة ولسة بايعنها واللى خدها فرحان بيها قوى مع انها ماكنتش اد كدة يعنى وكانت لسة مغيرة فتيس..........

والفتيس الاوتوماتيك بتاعها ب2000 جنيه .........دة اخرة .........

واى حاجة انا معاك لانى عاشرت العربية دى وبفهم فيها كويس قوى..........

[ahmedjumpo]

السلام عليكم و اسف لانقطاعى و عدم الرد بسبب انشغالى باعطال العربية و اشكر الاخوة على مساعدتهم
الاخ I_AM_LEGEND بالنسبة لاستهلاك البنزين فقد قمت باعادة ضبط الكاتينة عند ميكانيكى اخر و غيرت البوجيهات و فعلا استهلاك البنزين تحسن كتير ثم قمت بتنظيف الرشاشات و غيرت فلتر البنزين وتحسن جدا موضوع التبطيل على السلانسية و لكنه مازال موجود و لا ادرى ما السبب كما انى اشعر فى الوقوف و الزحمة و كان العربية كهرباتها بتعلى و توطى برعشة بسيطة و لا ادرى ما السبب
هنالك عيب اخر حيث انه لما تكون فرامل اليد مرفوعة العربية بتمشى عادى و ايضا عند دوس فرامل او رفع رجلى من على الفرامل يحدث صوت تزييق و لا ادرى ما السبب و عند تشغيل السيارة و فرامل اليد مرفوعة او انى دايس فرامل الاقى العربية ما دورش الا بعد ثلاث اربع محاولات و الاقى لمبة ال ABS بتنور و بعدما تدور العربية بتطفى و لى استفسار اخر هل المفروض زيت الباكم ينقص مع الاستخدام ام لا لانى ملاحظ انه لا ينقص ابدا و هل من الممكن ان تكون الفرامل سبب الرعش و التبطيل

[Medo Tune]

بص يا استاذنا انا هقولك خلاصة العربية ديه
بالنسبة للتقطيع
1- ممكن تكون سلوك البوجيهات مش كويسة وديه لازم تجيبلها نوع نضيف او تجيب 4 استيراد في حدود 100 جنيه
2- ممكن وش الاسبراتير او الجاكوش مش كويس
3-ممكن تكون البوبينة منتهية
بالنسبة للفرامل
1-فرامل اليد ممكن تكون عاوز رجلاش او تغير التيل الخلفي
2- ممكن تكون فيه مشكلة في ماستر او سيرفو او abs الفرامل
3-بالنسبة لمشكلة الدوارة وانت دايس علي الفرامل فده اكيد عيب في ECU الي هوا الكمبيوتر
ولو عاوز اي حاجة فيها انا عندي واحد ميكانيكي 100/100 هيظبطهالك وهيخليها زي الفل
هوا في فيصل - العشرين
0196348590

[ahmedjumpo]

السلام عليكم
اخ Medo Tune بالنسبة لسلوك البوجيهات فقد عملنا تشيك و طلعت سليمة و بالنسبة للبوبينة ايضا طلعت سليمة و الدليل على ذلك ان مشكلة التبطيل تحدث فقط خلال النصف ساعة الاولى من تشغيل العربية اى ان العربية لسه ماسخنتش و لكن بعد ما بتسخن العربية امشى بيها باقى اليوم من غير ما تبطل و لكن بيكون فيه رعشة بسيطة مع دوس الفرامل هل من الممكن ان يكون هناك عيب فى البطارية مثلا حيث ان العربية فى اوقات كثيرة عندما تيجى تدور مبدورش من اول مرة بل تحتاج من ثلاث ال خمس محاولات حتى تدور علما انى اختبرت الرشاشات و قمت بتنظيفها و هى جيدة و بالرغم من ذلك يوجد استهلاك بنزين عالى
و رجاءا الميكانيكى اللى ذكرته قبلا هو راجل فاهم و كويس و ما هو اسمه و اين عنوانه بالضبط فى العشرين حيث انى اسكن بالقرب من العشرين و اكرر هو فاهم و كويس علشان انا اتهريت فتاوى من الميكانيكيا و شكرا