هل هناك علاقة بين مسمار الهواء والسخونية؟

[nassser]

اخي الحبيب / أ. هشام
ان مشاركتك بالنصيحة للغير رغم ظروف عربيتك انما يدل على انك انسان محترم ..
انا تحت امرك في اية مساعدة رغم قلة خبرتي بالنسبة لك فأنا تحت امرك لو محتاج عربيتي المتواضعة نروح نشتري حاجة لعربيتك من اي حته قولي بس وانا تحت امرك ودي مش عزومة وخلاص اامر بس

اما بالنسبة ليه : انا لسه مغير باب واكس بس برضو بتاكل بنزين والميكانيكي مجاش جنب الاسبراتير هو بس غير وضع مسمار الهواء وكان فيه انبوبة كده جاية من ناحية الاسبراتير فضل يحطها على فمه ويشفط هواء ويختبرها هي وجزء كده عامل زي فلة السنارة اسطواني متركب فيها عامل زاي النحلة اللعبة بتاعة الأطفال بصراحة مفهتمش عمل ايه .
مش برضو لو الهوا زاد من المسمار بيدفع معاه بنزين كتير؟ وبكده لفات الموتور تزيد وتسخن؟ واللا انا فاهم غلط ؟

[nassser]

المشاركة الأصلية كتبت بواسطة Hisham.Elgazzar بص على البوجيهات وياترى هو قدم الكهربا من الإسبراتير ولا لأ ؟ لو الكربراتير بيرمى بنزين بزياده هتسخن بسرعة الكارونة اتكسرت منى يوم الجمعه اللى فاتت والعربية مفكوكة ومرمية عند البيت

ايه اللي كسر الكرونة ده انت لسه بتحاول نرممها .. وكلفت نفسك وجبتلها مرمم .. لا حول ولا قوة إلا بالله .. ربنا يكرمك ويعوض ليك ... بس ايه السبب انا فاكر انها كانت مغلباك زي حالاتي .

[Hisham.Elgazzar]

المشاركة الأصلية كتبت بواسطة nassser اخي الحبيب / أ. هشام ان مشاركتك بالنصيحة للغير رغم ظروف عربيتك انما يدل على انك انسان محترم .. انا تحت امرك في اية مساعدة رغم قلة خبرتي بالنسبة لك فأنا تحت امرك لو محتاج عربيتي المتواضعة نروح نشتري حاجة لعربيتك من اي حته قولي بس وانا تحت امرك ودي مش عزومة وخلاص اامر بس ربنا يعزك منتحرمش الحمدلله الدنيا ماشية هنعمل اه كله بأمر الله ، انا راكب فيات من زمان والحمدلله ومقتنع بيها ومش عاوز أدخل فى اى شبهات قروض ولا اى حاجة من الكلام ده لكن واضح كدا انى مليش رزق فى ال 131 اللى شفته منها ما حصلش معايا ف البولونيز من عشرة 18 سنة والصراحة من فات قديمه تاه انا اللى استاهل بس هى الظروف اللى بعدتنى عنها واضطريت أجيب ال131 ودى كانت تانى أكبر غلطة أغلطها فى حياتى بعد الجواز لأنه مكانش اختيار كويس وانتهى بمأساه واخرتها العربية مركونة تحت البيت مرفوعه على صخرتين اما بالنسبة ليه : انا لسه مغير باب واكس بس برضو بتاكل بنزين والميكانيكي مجاش جنب الاسبراتير هو بس غير وضع مسمار الهواء وكان فيه انبوبة كده جاية من ناحية الاسبراتير فضل يحطها على فمه ويشفط هواء ويختبرها هي وجزء كده عامل زي فلة السنارة اسطواني متركب فيها عامل زاي النحلة اللعبة بتاعة الأطفال بصراحة مفهتمش عمل ايه . ده خرطوم الفاكيوم اللى بيقدم كهربا للإسبراتير بشفط الهوا من الكربراتير حاول تفك الخرطوم من عند الإسبراتير وطببه أهم حاجة طببه وجرب شوف هتسخن ولا لأ ولو سخنت ................ مش برضو لو الهوا زاد من المسمار بيدفع معاه بنزين كتير؟ وبكده لفات الموتور تزيد وتسخن؟ واللا انا فاهم غلط ؟ بالظبط كده تقريبا لو الهوا دخل بزيادة بياخد معاه جزء كبير من البنزين وبالتالى العربية بتسخن

ربنا يخليك يا أستاز ناصر منتحرمش ، انا ركنتها تحت البيت وماشى بالعربية التانية كام شهر كدا على ما ربنا يسهل وأجيب كرونة وفتيس
سبب تكسيرها ان الزيت بينفخ من الأولسيهات نفس اللى حصل فى القديمة

واللى اتوصلتله انه بيحصل الآتى:
الفتيس بيرزع بين الغيارات الكارونة تبوش-و تون-و تنفخ الزيت وبعدين تتكسر من نقص الزيت

[nassser]

يعني ايه اطببها ؟ معلش مش فاهم

[Hisham.Elgazzar]

المشاركة الأصلية كتبت بواسطة nassser يعني ايه اطببها ؟ معلش مش فاهم

سده عشان ميشفطش تراب يدخل يبوظ الكربراتير او يبوظ الأكس والباب