غسلت الموتور وبعدها العربية بتقطع اعمل اية ؟؟؟؟

[b A d R]

المشاركة الأصلية كتبت بواسطة Bahi فعلا أنا مع كل الآراء السابقة حاول تنشف البوجيهات والاسبيراتيربالهوا كويس وان شاء الله حتبقى تمام. بدر بك ... مالكش دعوة بالاسكندرنية من فضلك لحسن أفسخ الخطوبة. طول عمرى كنت بغسل موتور الفيكترا بالجاز والهوا ومحصلش أى مشكلة. بس أعترف أن الفوم أحسن كتير علشان مبينشفش الخراطيم ويخليها على المدى الطويل تشقق زى الجاز. الجاز مبيعملش مشاكل فى الكهرباء زية زى الفوم بالضبط لكن لازم تنشف بعدة بالهواء كويس قبل ما تدور علشان لو حصلت أى شرارة ...بوووووم...

هههههههههههههههههههه و الله غسلتها في البنزينة اللي علي أول شارع البيطاش و من بعدها العربية قعدت إسبوعين زي الزفت .. و لما سألت الميكانيكي بتاعي قالي الموتور جه عليه ميا و إوعي تعمل كدا تاني .. فأنا بستنتج إن الواد في البنزينة ممكن يكون حاطط ميا علي الجاز مثلا ..

و بعدين أنا مقدرش أغلط في الأسكندرانية دول حبايبي ياعم

[koashraf]

غير طقم كهرباء(بوجيهات وابلاتين وكوندنسر) وان شاء الله حتيقى تمام.

[Bahi]

أيوة كدة يا بدر اعترف ان الموضوع كان فية مية مش جاز بس وبالنسبة لاسكندرية افتكر دايما: "بلدك فين يا جحا؟ اللى فيها خطيبتى" علشان تسلم منى.

[b A d R]

ههههههههههههههههههههههههه حاضر حاضر مش هقدر أتكلم ياعم أحسن أتحبس دا عمها لواء أمن دولة و علي وش مدير أمن

[asfour phon]

ماتخفش ده حصل معايا هاتعمل حاجه وحده بس افتح الكبوت وحت العربيه فى الشمس لمده يومين بس وهاتبقى كويسه وتخفش