#شويه نصايح لمالكى السيراتو من خلال خبره و تجارب و لف وقراءه من كذا موقع سيارات

[moha4tec]

*يا جماعه انا نزلت شارع دمشق عند تجار قطع غيار كيا فقط و لقيت الاسعار قريبه قوى من اللى كاتبه العضو الفاضل فى موضوع اسعار قطع الغيار للنيو سيراتو و كمان بيديلك القطع الاصليه زى اللى فى التوكيل بالظبط و الله انا شفت العلب بنفسى عليها العلامه المائيه و كل حاجه,و فى كمان انواع تانيه تقل فى السعر عن اللى زكره العضو الفاضل بس مش الاصلى و لكن الفرق فى شكل العلب بس هما هما نفس الجوده و التصنيع واحد .
*انا سالت عن تيل فرامل امامى قاللى ب 325ج م .قلتله انا عربيتى خليجى و اشتريت ليها ضمان و سالت على سعره عند التوكيل اللى انا بعمل صيانتى عنده سعر التيل كام قاللى تقريبا 700 جنيه يعنى ضعف التمن ,قلت للراجل اللى فى شارع دمشق ازاااااااااااى عندك كل حاجه بنص التمن و كمان اصلى و عليها الختم و كمان هديلى فاتوره مختومه كمان عشان لو العربيه تبه شركه يعنى .
*قاللى:التيل هما بيحسبوه عليك ب 480 و بيحسبو ضريبه على الخليجى 30% هتعمل معاك فى حدود 600: 700 جنيه انت ممكن تاخد القطع الاصليه من عندى بفتوره و تقولهم يركبهولك اوفر ,و كمان لو مرضوش يركبوه رجعهولى و خد فلوسك بس تكون الحاجه حالتها سليمه.
بصراحه انا استريحت قوى و قلت فى نفسى الحمد لله كده اهون بكتيلر لحسن انا كنت حاسس ان انا اتدبست فى عربيه قطع غيارها غاليه موت بعد زيارتى لابو رواش عشان العربيه اتحكت منى فى الباب و التوكيل المهندس نفخنى و قالى ان الباب عاوز يتغير و كمان المفصله و كمان هيرش و هتتكلف فى حدود 3700 جنيه بسسسسسسسس يا سلام .
*انا شايف ان اللى هيصلح فى التوكيل ميمشيش و را كلامهم او عشان دول عيزين يكسبوا على حساب الناس و خلاص
ناس كتييييييييييييييييييييييي ر موت قالت لى ان الخرابي اللى فى الباب عاديه و ممكن تترد على البارد و مرشش العربيه خالص لانها ببصاته حكه هبله اوى.و لو فى رش هيبقى 1سم *2سم فقط خساره تعيب العربيهبالرش عشان حاجه تفهه زى دى بس المشكله ان فى 5.0سم نقره دخله لجوه من ناحيه المفصله و مش هتلاقى حد يعملهالك خالص لانها صعبه فعلا. ارجو النصيحه.

معلش يا جماعه بس انا سالت فى التوكيل عن سعر الباب الصاج فقط قاللى 2500 جم و فاللى عامل عندهم الضمان قالولى 2250 و فى المحل اللى فى شارع دمشق 1250جم فقط حبيت ازكر اللى حصل معايا عشان الناس تستفيد و كمان المحلات اللى انا سالت فيها عرفتها من مشاركه فى المنتدى الكريم ده و بكرر شكرى لانى استفدت خبره سنين من مجرد القرايه الكتير *اللى نفعتنى اوى خاصه انى جنت 17 حطيت نيتروجين و كمان بقيت اخد باللى كويس من المطبات و الحفر بس الضغط برضه لازم يكون(( 32 ))لان 30 مش كويس فى السرعات العاليه بيقلل الثبات بطريقه ملحوظه ,و العبيه اول مشتريتها كانت(( عفشتها نشفه موت ))و قرفت منها و عكننتنى و بقيت بمشى بحسس على الطريق ,لكن تقريبا بعد ال(4000كم )بقت (احسن كتير) و على ضغط 32 نيتروجين فى مكان موثوق فيه لان حصل معايا موقف منيل خصوصا ان انا بسافر كل اسبوع , الله يسامح الراجل اللى انا مليت عنده النيتروجين رحت عنده مرتين كل اسبوع عشان بسافر كتير و فضالى الاربع كاوتشات فى المرتين و بعدها لاحظت ان العربيه بقت على السرعات العاليه مش زى الاول خالص لا فى الملفات و لا فى الطوالى و لا فى الثبات و الا الغرز رحت اغس العربيه و انا فى المعادى فى بنزينه توتال اللى على الكورنيش عند فلفله ,لقيت و احد تانى معاه سيراتو جنت 15 قالى عربيتك 17 قلتله تمام قاللى ربنا يباركلك فيها المقاس ده فى الجنط فيه ثبات محصلش و سالته انت عربيتك خليجى و الا كيل قاللى وكيل و قاللى انه بيغير زيت ال10000كم هنا لان التوكيل بيضيع يوم كامل و حجز و كمان ,قاللى (زيت توتال 9000 ) احس من موبيل و شل و بيهدى صوت العربيه و انعم كمان ,قلتله انت كده هتخرج بره الضمان قاللى انا ليا اصحابى فى التوكيل و بيظبطونى و نصحنىى اعمل نيتروجين فى نفس البنزينه لانهم ناس تمام التمام و المصيبه انى لما شيكت على الاربع عجلات لقيط ضغطهم 26 اعدت ادعى على الراجل القديم اللى مليت عنده النيتروجين ((((خللى بالكو من الحته دى ))))
*و كمان موضوع (الحدفه) هى عندى شمال و يمين و تفسيره ان العربيه (بتتاثر بتضاريس الطريق )(((والحل))) فى صيانه ال 5000كم تعمل كروس و تشيك على الاتزان و الزوايا و الترصيص تشيك فقط و لاكن لاتعدل فيه لان انا رحت (بريدجستون) بتاع عمارات العبور و هما ناس امناء و محترمين قاللى يا باشا متلعبش فى زوايا و ترصيص العربيه لسه زيرو ,تظبيط الفبريكه متجيش جنبه قبل سنه.
*انصحكوا كمان تقروا الدليل كويس عشان فى ناس كتير بتسال على حجات كتير مش فهمينه و هى موجوده فى الدليل زى موضوع السخونه لما تكون فاتح خاصيه الهواء الخارجى فى التكييف و هو مغلق و الضغط للكاوتش و اه اللى بيتغير فى الصيانه و كل اد اه على حسب الاستعمال هناك طريقتين القياده فى الظروف العاديه او القاسيه اه اللى بيتشيك عليه و اه اللى بيتغير و كل اد اه عشان ميدحكش عليك بتغيير حاجه سليمه .

*اهميه ربط حزام المان و علاقته بالوساده الهوائيه و اماكن الحساسات
*موضوع البلاستيك اللى فى الكبوت عند الردياتير و تفسيره اللذى حوله من عيب الى ميزه
*اماكن قوه السياره عند التصادم و اماكن ضعفها و كيفية التغلب على مشاكلها القليله
*موقع هديه لكل من يريد ان يشترى العربيه بيفرجك عللى العربيه و بيفليهالك من فوق الى تحت
*المكان اللى تشترى من الاكسسوريز بنصف التمن من التوفيقيه بسعر الجملهزى الشماسات و الستائر الكبس و المنظفات بانواعها و الفرش الصيفى و الشتوى عشان فى فرش بيبقى تقيل اوى على الصيف.
*بعض الحجات اللى لازم تكون معاك دايما للطوارىء

[soloforever77]

merci ya basha

[tareksakr]

تسلم ايدك هو ده اللي احنا عوزينه ان كل واحد يحكي عن تجربته علشان كلنا نستفيد وهو ده الهدف من المنتدي جزاك الله كل خير

[مورو]

الله ينور عليك وكفايه انك عرفتنا حاجات جديده - وفى النهايه التوكيل هوه اللى خسران لان الناس مش هتبطل تجيب خليجى - يعنى يعمل صيانه او ميعملش الخليجى شغال شغال

والله يا موحه ربنا يجازيك كل خير علي المعلومات ديه