ماهى الاضافات الممكنة

[yasso2008]

السلام عليكم :

الف مبروك علي العربية و ربنا يكفيك شرها و يديك خيرها ان شاء الله ,
انا برضه بفضل الله اشتريت العربية من 3 اسابيع و عملت صيانه الالف (تغيير زيت و فلتر ) .
انا اشتريت العربية من ناشونال موتورز بضمان 3 سنين او 60000 كم ..( شركة امان الشرق - ب 1700 جنيه)
-- ولا صدمة و لا حاجة التوكيل هو الخسران ..عربيات كيا في السوق من زامان و قطع الغيار لازم تكون موجودة في كل حته...و بعدين التجار الي جابو العربية من بره اكييييييييييييد جابو قطع غيارها ...و انا حاسس انه قريب جدا التوكيل هيعمل صيانة للخليجى مع فرق في المصنعية بس
- موضوع الاضافات ده الي انت عايز تعملوا مش كويس للعربية ..خصوصا ABS لان دة نظام للفرامل متطور و في شغل كتير جدا في الميكانيكا ..صعب جدا علي اي حد ان يركبوا و نفس الكلام عن كمبيوتر البنزين ..
موضوع المساند انا عندي مخدع قدام و مسند واره ..انت اشتريت العربية من عند مين ؟؟؟
بالنسبة لموضوع الصيانة في مراكز خدمة كتير ممكن تعملك صيانة ( علي فكرة انا سمعت ان اي مركز خدمة ممكن يعمللك صيانة ..حتي هيونداي ) ...
انا سمعت عن AAA بس بالامانة معرفش هم كويسسين ولا لاْ...

و مرة تانية بالتوفيق و ربنا يباركلك في العربية

ربنا يديك خيرها ويكفيك شرها ونصيحة من اخوك حاول تتعرف علي اي حد معاه السيراتو المصري اللي هيه توكيل مصري وتعرف في كل صيانة كان بيغير ايه اساسي عنده واعمل زيه بس بره وفي الغالب بيكون تغير زيت وفلتر وبوجيهات عند 20000 الف كيلو وكمان توديها اي بنزينه تترفع وتخليهم يقرطوا علي الفرامل ويعملولك ريجلاش للفرامل ويربطوا العفشة وهكذا وتقبل تحياتي

المشاركة الأصلية كتبت بواسطة tofy82 اولا بعد السلام عليكم وتحية لمنتدى فعلا ممتاز...ومحستش بية غير لما جبت السيراتو الخليجى يوم الخميس الى فات وابتديت ادخل على المنتدى دا...فعلا حسيت اد اية فى ناس محترمة وهدفها خدمة الغير.... جعلة الله فى ميزان حسناتكم. ثانيا....انا جبت سيراتو 2010 خليجى....وطبعا اول ما جبتها امبارح صدمت صدمة العمر لما اتصلت بالوكيل وقلتلة انا عاوز ارتب لصيانات الدورية معاكوا وعلى حسابى اتصدمت بردهم انهم مش بيقبلوا الخليجى قلتلهم انا عارف انكوا مبنتدوش ضمان زى ما اعلانتوا فى الجرايد...قلتلى بمنتهى البرود ولا صيانة طبعا تقبلت الصدمة سريعا لانى والحمد لله عملت استخارة قبل ما اشترى فاكيد دا فية الخير لية...... لو سمحتم لية بعض النقط عاوز اتكلم فيها.... -عربيتى خليجى وفيها "شل المحرك" رغم انى مشفتوش فى الوكيل+مرايات منيوال....ودا شيفها رخمة شوية ياترى دا طبيعى وهل ممكن اغير لا اوتومتيك حين ميسرة؟ -معنديش اى مسند ورا او قدام....فعلا الخليجى السعودى كدا؟ -معنديش اوبشن بتاع البنزين وفاضل اد اية ولا اى بى اس للفرامل.......ممكن اركبهم وبردوا حين ميسرة؟ -واخيرا واكثر اهمية بالنسبة لى انا بس عاوز اقولكوا انى كان معايا قبل السيراتو مازدا 323 موديل 1982...والحمد لله كدا يعتبر اتنقلت نقلة كويسة وناوى باذن الله انى احافظ على العربية وبالاخص فى الصيانة الدورية...فكدا بعد خلاعون التوكيل حد ممكن يدلنى على مكان محترم وكويس المستوى اعمل فية صيانة دورية واتابع معا...انا ساكن فى المقطم على فكرة....بس لو بعيد وكويس مفيش ادنى مشكلة......؟ -اخيرا ....المعرض عرض عليا انى اعمل ضمان للعربية عن طريق شركة AAA ياترى اعملة ولا لا؟ بصراحى دا تكلفة زيادة عليا اوى ولو عملتو هتعب شوية بس لو للاهمية فطبعا هضغط على نفسى فا رايكوا اعمل الضمان ولا لا؟ ولكم منى كل الشكر وخير السلام

الف مبروك علي العربية و ربنا يديك خيرها و يكفيك شرها
ممكن تشوف الرابط ده
http://www.masrmotors.com/vb/showthread.php?t=23918
تحت امرك فى اى استفسار

[tareksakr]

مبروك العربية وربنا يديك خيرها ويكفيك شرها بالنسبة لموضوع الصيانة ففي مركز خدمة احد الاعضاء عمل فيه الصيانة اسمه امير وجوزيف وهو في اللينك ده حضرتك ممكن تكلمه وتسأله وربنا يوفقك للي فيه الخير

http://www.masrmotors.com/vb/showthread.php?t=23918

[tofy82]

المشاركة الأصلية كتبت بواسطة yasso2008 السلام عليكم : الف مبروك علي العربية و ربنا يكفيك شرها و يديك خيرها ان شاء الله , انا برضه بفضل الله اشتريت العربية من 3 اسابيع و عملت صيانه الالف (تغيير زيت و فلتر ) . انا اشتريت العربية من ناشونال موتورز بضمان 3 سنين او 60000 كم ..( شركة امان الشرق - ب 1700 جنيه) -- ولا صدمة و لا حاجة التوكيل هو الخسران ..عربيات كيا في السوق من زامان و قطع الغيار لازم تكون موجودة في كل حته...و بعدين التجار الي جابو العربية من بره اكييييييييييييد جابو قطع غيارها ...و انا حاسس انه قريب جدا التوكيل هيعمل صيانة للخليجى مع فرق في المصنعية بس - موضوع الاضافات ده الي انت عايز تعملوا مش كويس للعربية ..خصوصا ABS لان دة نظام للفرامل متطور و في شغل كتير جدا في الميكانيكا ..صعب جدا علي اي حد ان يركبوا و نفس الكلام عن كمبيوتر البنزين .. موضوع المساند انا عندي مخدع قدام و مسند واره ..انت اشتريت العربية من عند مين ؟؟؟ بالنسبة لموضوع الصيانة في مراكز خدمة كتير ممكن تعملك صيانة ( علي فكرة انا سمعت ان اي مركز خدمة ممكن يعمللك صيانة ..حتي هيونداي ) ... انا سمعت عن AAA بس بالامانة معرفش هم كويسسين ولا لاْ... و مرة تانية بالتوفيق و ربنا يباركلك في العربية

انا اشتريت العربية من المصرية اتومتيك ب 100000
طيب ينفع اضافة الفوب ليت ومرايات كهرباء؟
حاجة اخيرة ...اية الفايدة الراجعة على الضامن انو ياخد بس 1500 جنية ويديك ضمان ممكن لا قدر الله يكلفة اضعاف اضعاف؟