الحمد لله-لوح خشب وقع علي سقف الفيرنا-نصايحكم

[HaShiMoto]

قدر الله وماشاء فعل يا استاذ احمد

هو مبدئيا حضرتك محتاج حد متخصص فى الفرش سروجى سيارات زى ما بيقولوا لو حضرتك هتفك الفرش ومتعتمدش على اى سمكرى يتولى المهمة ديه اما الاصلاح على البارد ولا تدهنها كلها فانا برجح بردوا تتعمل على البارد بس لو صح لان لو ادهن هتقلل من تمن العربية فى حدود 5000 جينة ده غير تكاليف الدهان

نصائج بسيطة

1- جرب تضغط على الصاج من جوه العربية خاصة المناطق الاكثر تاثرا بالخبطة باستخدام اليد كمطرقة باليد مضمومة او بكلوة اليد

2- استخدم الكمبواند لازالة اثار الاحتكاك وللوقوف على مدى تاثر الدهان

3- جرب استخدام الماء الساخن او السيشوار او الهوت جن hot gun لاكن بحرص مع الهوت جن ومن مسافة لاتقل عن 10 سم

4- لاستخدم ابداء ادوات حادة زى الشاكوش سواء للطرق على الصاج من الداخل او من الخارج

5- فى حالة الطرق على السيارة من الخارج يفضل تشحيم المكان الذى سيتم طرقة لتفدى تاثر البوية بالاحتكاك والطرق

وانا شاء الله سليمة وابقى طمنا عملت ايه

[Payoo]

مش عارف اقولك أيه والله يا "أبوحميد" بس الحمد لله على كل حال

أما بالنسبة لرأيي فانا شايف أنك تصلحها وتصلحها صح الصح كمان وسيبك من حكاية إن تمنها هايقل عشان رشه بره لأني بصراحة ماقدرش أمسي خمس سنين بعربية سقفها متطبق عشان واحد هايجي في يوم من الأيام يشتري العربيه وماينزلش من سعرها كثير (مع انه برضه ساعتها وهي مخبوطه كده هاينزل من سعرها كثير قوي)

ثاني حاجه بالنسبة لمركز خدمة "كارتك" فهما عندهم قصور شديد جدا في فنيين السمكة والدوكو ودايما في شكاوي منهم باستمرار وشغلهم في الجزئية دي ضعيف جدا جدا مانصحكش بيهم

وبصراحة مش عاوز ادلك على مكان تاني عشان لو لا قدر الله حد قصر معاك ماتقولش "بايوو" هو إللي دبسني .... لكن على أي حال مركز الأقصى في السمكرة والدوكو ممتاز جدا جدا وأنا دخلت عنهدم معمل الدهانات .... حاجه تفرح بجد وبيستخدموا أرقى انواع الدهانات "سكينز" ومافيش أيد بتلمس الدهان لكه كومبيوتر في كومبيوتر حتى التقليب كومبيوتر أنا صورت المعمل بتعهم فيديو هابقى أحطه عشان تشوفه بنفسك

وربنا يوفقك إن شاء الله لما فيه الخير

أه على فكره هما تبع الجمعية المصرية للتأمين التعاوني ....يعني مش هاتدفع حاجه

[Ahmed Anwer]

المشاركة الأصلية كتبت بواسطة Payoo أما بالنسبة لرأيي فانا شايف أنك تصلحها وتصلحها صح الصح كمان وسيبك من حكاية إن تمنها هايقل عشان رشه بره لأني بصراحة ماقدرش أمسي خمس سنين بعربية سقفها متطبق عشان واحد هايجي في يوم من الأيام يشتري العربيه وماينزلش من سعرها كثير (مع انه برضه ساعتها وهي مخبوطه كده هاينزل من سعرها كثير قوي)

شكرا يا بايوو علي الرد

هوا عموما انا هاجرب الأول الحلول علي البارد من غير فك ،،

و كده كده مش هاخسر حاجة ،،

و الله ماضبطتشي بالنسبة اللي ترضيني

اصلحها صح الصح زي ما بتقول

الفكرة بالنسبة ليا كمان مش سعر اعادة البيع الفكرة فك فرش الصالون انتا عارف الحاجات دي لو اتفكت صعب ترجع زي الأول كلها فيبر و كلبسات و كبس يعني ممكن تضايق اكتر

المشاركة الأصلية كتبت بواسطة Payoo وبصراحة مش عاوز ادلك على مكان تاني عشان لو لا قدر الله حد قصر معاك ماتقولش "بايوو" هو إللي دبسني ....

لا تقلق يا باشا ،،

أنا مبفكرشي بالطريقة دي ،،

أنا عارف ان اي حد بينصح ، بينصح نتيجة لتجاربه و وجهة نظره للأمور ،،

اكيد مش عايز يضر حد و خاصة حضرتك



و الله يا جماعة انا عملت بحث علي النت

و فيه طرق جامدة جدا لرد النوع ده من الخبطات قايمة علي فكرة الشد و الشفط سواء بلصق معده و بمادة لاصقة و شد الصاج منها و بعد كده ازالة المادة اللاصقة

او بالشد عن طريق مغناطيس كهربائي

يا ريت يكون فيه حاجة زي كده في مصر

[Payoo]

المشاركة الأصلية كتبت بواسطة Ahmed Anwer [SIZE=3] هوا عموما انا هاجرب الأول الحلول علي البارد من غير فك

من غير أييييييييييه ؟ angryhead دا مين إللي قالك أنه ممكن يسمكر السقف من غير ما يفك الفرش ؟


دا أنت كده هاتقضي على الفرش نهائيا

[hazem_khidr]

قدر الله و ما شاء فعل يا احمد باشا
هيا ان شاء الله تترد علي البارد
بس طبعا زي ما هاني باشا قالك كده لازم السقف حيتفك
روحي لسروجي يفك الفرش و تحتفظ بكل الكليبسات الي خارجه حتي لو مكسوره علشان تجيب زيها
و بعدين تشوف سمكري نضيف و ربنا يسهل حيعملهالك علي البارد
عاوز بقي ترش ابقي رش
لو شكلها عجبك و انت متقبلها كده يبقي ما ترشش
بس انا لو مكانك كنت حعملها كلها عادي و ارشها بس عند صنايعيه محترمين
بحيث ان كمان تلات اربع سنين اللي حيبص للعربيه مش حيعرف اذا كانت راشه سقف ولا لاء.