استفسارات الاعضاء فى التامين 2010

انا عايزحد يفهمني يعني ايه تامين 3% بدون تحمل علشان انا اول مرة اجيب عربيه ومش فاهم ده يعني ايه بس يا ريت بسرعه وشكرا جدا ليكو

[TheSantos128]

المشاركة الأصلية كتبت بواسطة theprofessional السلام عليكم جميعا.... أنا الحمد لله اشتريت عربتي امبارح من سمير ريان .... هم ناس باين عليهم انهم كويسسين.... بص اما وصلنا لموضوع التأمين خلاني اجباري اامن تبعه في مصر للتامين التكافلي بنسبة 3% بدون تحمل مش عارف انا حاسس ان انتصب علية في الحتة دي ..... حد من المنتدى الجميل ممكن يفيدني لو عنده خبرة او جرب التامين تبع سمير ريان شكرا لكم مقدما

اولا ياباشا مبروك على العربيه وربنا يكفيك شرها ويملاها خير
سمير ريان من اكبر المعارض والاكثر احتراما انا لسه جايب الالنترا من شهر من عندهم وفى شهر 6 الماضى جبت سيراتو لاخويا ماس زى الفل معامله واسعار
لما جيبت الالنترا من شهر جبتها كاش ومحدش اتكلم معايا فى موضوع التامين خالص..بس احب اوضحلك فكره لاحظتها هناك بجانب الشباب السليز اللى بيبعوا فيه هناك مندوبين بنوك علشان التقسيط ومندوبين تامين ممكن والله اعلم يكون واحد من مندوبين التامين اصتادك وهو اللى كمل معاك اجراءت العربيه ودخلك فى التامين وعمتا لو انت مش حابب ممكن ترفض بذوق عادى جدا اصل مفيش حد هيحط ايده فى جيبك ويطلع من فلوس بالعافيه .. وبينى وبينك انا مش بحب بتوع التامين كلهم نصابين ..يستقبلك بالادب والاحترام ويفرش الارض بمبى و اول لما يتعمل حادث لاقدر الله ينفضلوك ويلطعوك اسابيع لحد لما يجيلك واحد يعمل معاينه ويعمل تقدير ااقل من قيمه التصليح ويقولك بالنص " لو مش عجابك هاتها نصلحها بره التوكيل " .. انا عشت معاهم شهر منيل بنيله فى عربيه الوالد وفى الاخر كنسلت التامين .. واساسا هو حرام
ومبروك للعربيه مره تانيه

[eman2205]

المشاركة الأصلية كتبت بواسطة TheSantos128 بينى وبينك انا مش بحب بتوع التامين كلهم نصابين ..يستقبلك بالادب والاحترام ويفرش الارض بمبى و اول لما يتعمل حادث لاقدر الله ينفضلوك ويلطعوك اسابيع لحد لما يجيلك واحد يعمل معاينه ويعمل تقدير ااقل من قيمه التصليح ويقولك بالنص " لو مش عجابك هاتها نصلحها بره التوكيل " .. انا عشت معاهم شهر منيل بنيله فى عربيه الوالد وفى الاخر كنسلت التامين .. واساسا هو حرام

احب اعلق على كلام حضرتك اولا بتوع التأمين مش نصابين و لا حاجة و لا قدر اللة فى حاجة التعويض حضرتك بتجيب المقايسة تانى يوم الخبير بينزل يعاين و بعد كدة لما العربية بتخلص حضرتك بتجيب الفواتير و بنصرف ليك الشيك خلال اسبوع او اسبوعين للمبلغ الاكتر من 5 الاف
و فى حاجات موجودة اصلا فى عقد التأمين يعنى فى حالة الاصلاح فى التوكيل العميل بيتحمل 10 % من قيمة الاصلاح و فى كمان 5 % استهلاك عن كل سنة بس مفيش اى حاجة تانى بتتخصم منك
المهم انك تختار الوسيط الصح اللى يقدر يخدمك فى حالة التعويض قبل الاصدار

[eman2205]

المشاركة الأصلية كتبت بواسطة غير مسجل انا عايزحد يفهمني يعني ايه تامين 3% بدون تحمل علشان انا اول مرة اجيب عربيه ومش فاهم ده يعني ايه بس يا ريت بسرعه وشكرا جدا ليكو

يعنى القسط بتكون 3% من مبلغ التأمين بمعنى لو العربية سعرها 100000بيكون قسط التأمين 100000X3%=3000
يعنى قسط التأمين هيكون 3000 جنية

[MmFFoR]

هوا التأمين حرام؟