سخونية السيارة فى السفر و الدائري

[Hisham.Elgazzar]

الإسبراتير لو مش مظبوط يسخن العربية فى الطوالى وجوة البلد ماتسخنش

ده عن تجربة ، والله أعلم

[محمدصلاح القاضى]

المشاركة الأصلية كتبت بواسطة Hisham.Elgazzar الإسبراتير لو مش مظبوط يسخن العربية فى الطوالى وجوة البلد ماتسخنش ده عن تجربة ، والله أعلم

كبير يا هندسه

[atgps]

المشاركة الأصلية كتبت بواسطة atgps واحتمال آخر شوف اتجاه سحب مروحة التبريد من بره لجوه وده الطبيعى ولا بالعكس؟؟؟

ياترى كشفت على التجاه هواء المروحه؟

[hobaus3000]

كشفت على سحب المروحة ولقيتة بيجيب من بره لجوا يعنى الطبيعى لاى مرحة

[hobaus3000]

كشفت على سحب المروحة ولقيتة بيجيب من بره لجوا يعنى الطبيعى لاى مروحة وتم الكشف على الراداتير مره اخرى عند بتاع الراداتير وقال انه سليم وقال الراداتير جديد وبيقول اللى يقولك من الميكانيكية ان الموضوع تبع الراداتير (حط صباعك فى عينيه زى ماقال) وعلى فكره ده الراجل بتاع الراداتير اللي بتعامل معاه ومش هو اللى مركبه انا ركبته عند واحد تانى جنب الميكانيكى اللى عمل طقم الشمبر يعنى من الاخر مش هنقول خايف يعيب فى شغله بالعكس كل ما اروحله يقولى الراداتير جديد ومش محتاج حاجة وبعدين فكينا كوعة المياة للتأكد من عدم وجود سيلكون سادد مجارى المياه ولم نجد شئ وفكينا الماسورة اللى خارجة من الطرمبة ورايحة على كوعة المياة برضه للكشف ايضاً عن اذا كان فى سيلكون مضيق فتحة خروج المياه من الطرمبه ولم نجد شئ كده فى دورة المياة مش فاضل غير طرمبة المياة وانا لسه مغيرها فى شهر 12 اللي فات يعنى بقالها 7 شهور هى تمنها مش غالى يعنى 100 جنية الايطالى الاصلى يعنى ممكن اغيرها لكن حرام اغيرها وفى حاجات تانية شاكك انها سبب المشكلة بعدين هل فى خلال 7 شهور تكون تقليبها قل؟
السؤال اللي لسه محدش جوابنى عليه انه هل كده الجوانات كفايه ولا لأ بعد الكشط مرتين 15 من ميه و 15 من ميه يعنى هل بكده تم تصغير الغرف فأدت الى سخونة العربية زيادة يعنى كده النسبه اد ايه اللى اتكشطت من الوش يعنى نعوضهم بكام جوان وسمكهم اد ايه يعنى اتنين دوبل ولا واحد دوبل وواحد عادة ولا اتنين دوبل ولا ايه

تاني سؤال هل لو فى مشكلة فى الصبابات والقواعد والدلايل هل ده بيسمح بهروب جزء من السخونة الى منطقة التكيهات مع العلم ان كاوتش الصباب سليم الدليل عدم وجود دخنة من الشكمان اول الدوارة الصبح طيب وهل ممكن يكون هروب جزء من الكبس هو اللى يسخن العربية بالدرجة الكبيرة دى