تسقيف مع 80

[shur3000]

بقالى سنة من ساعة ما جبت العربية وانا ممشيها على 90 او 92 والصراحة مابيقعدش معايا خالص امبارح حطيت 80 وتقريبا كان التنك قرب يفضى مفيش فرق فى السحب او ممكن يبقى فى اختلاف بسيط بس كنت طالع مطلع كوبرى عالى شوية وحسيت وانا على الثالث وبسرعة 40 بتسقيف شوية فى العربية واختفى دة عادى ولا اية واستمر مع 80 ولا ارجع ل90

[adamlion]

البنزين 80 سيء لانه مع كمبيوتر الاعطال فى السيارات الحديثة بيدى منتج جازولين
وهل السيارة كاربيتير ولاانجكشن ونوع العربيه ايه وموديلها ايه.
لو عاوزتعمل توفير استخدم بنزين 80 حوالى 66%من التنك والباقى 34 %بنزين 92 وده فى العربيه مش انجكشن.
تحياتى ادم

[sayed2077]

على فكره اللى حضرتك قلته ده الطبيعى مع ال 80

الفكره بس ان حضرتك مع ال 80

تظبط رجلك شوية

بمعنى متنقلش على التانى قبل ما تجيب 20
ومتنقلش على الثالث قبل ما تجيب 45
ومتنقلش على الرابع قبل ما تجيب 70-80
ومتنقلش على الخامس قبل ما تجيب 100

وممكن تقلل شوية الارقام ديه بس فى حالة انك مش طالع مرتفاعات ونصيحتى ال80 مفيش فرق بينه وبين الانواع التانية خالص فى السحب نهائيا

بس الحكاية كلها تظبط رجلك على البنزين ومتديش غيار قبل معاده وعموما بعد تفويلة ولا اتنين هتبقى محترف سواقه ببنزين 80

وهتعرف تظبط رجلك عليه
والعربيه مش هتسقف منك متقلقش

بس اللى عاوز اعرفه من حضرتك
انت جبت بنزين 80 منين ده انا بقالى 4 ايام بدور على بنزين 80 فى المعادى وحلوان مش لاقى خالص

لدرجه انى خلاص اول ما حسيت انى على مشارف انتهاء البنزين روحت اخدت جركن 25 ليتر من الاحطياطى اللى عندى وديه اول مره اعمل كده فى حياتى انى اخد من البنزين الاحطياطى

الاول وفى عز الازمات
كان بيفضل الجراكن الاحطياطى فى مكانها وكنت بلاقى بنزين فى حلوان قد كده دلوقت مش لاقى خالص

[mr_astra]

عربية حضرتك لانوس على ما اعتقد

واللانوس من انسب العربيات اللى بيشتغل معاها بنزين 80 لان نسبة انضغاطها اقل من 10:1

[shur3000]

انا لاحظت الموضوع دة خاصة انى بنقل بدرى يعنى فى 90 او 92 بجيبب ثالث على سرعة 30 وخامس على 55وكنت بشعر بنزين بمعنى الكلمة. بتهيألى لازم ازود شوية فى الدوسة وربنا يكرم لان 90 و92 خراب بيوت