ممكن تقولولي اذا كانت البيكانتو تنفع للسفر مسافات طويلة؟؟

[roty]

يا جماعة الحقيقة انا بفكر اجيب عربية وفيه ناس كتير قالتلي ان البيكانتو عربية كويسة وموتورها كويس وكمان مقدم تقسيطها صغير (عشرة الاف جنيه) على عكس العربيات التانية الشبابية اللي تشبهلها ومقدمها وقسطها عالي؟ والحقيقة هيه العربية شكلها عاجبني اوب بس انا خايفة اخد خطوة ف حاجة زي كده خصوصا اني اول مرة هشتري عربية ومش عندي اي خبرة ف مجال السيارات وكمان انا من اسكندرية بس بشتغل ف دهب 0جنوب سيناء) ومش عارفة اذا كانت العربية دي تستحمل السفر الطويل بيها كل شهرين او 3 شهور لاني بنزل اجازات منتظمة؟؟؟ ولو حد عنده برده اقتراح تاني ليه هكون ممتنة ليه جدا مع العلم اني محتاجة عربية مقدمها صغير وتستحمل المسافات الطويلة وكمان الشكل مهم بالنسبالي جدا وبتشدني العربيات الهاتش باك جدا!!
شكرا جزيلا ليكم مقدما :-))

[TELEBK]

أولا مبروك علي فكرة شراء السيارة وبالتوفيق ، ثانيا : موضوع السفر ومقدرتها عليه فمهم حضرتك تعرفي إن طول ماإنت بتخدي بالك من العربية وصيانتها " زي المياه والزيت ومواعيد الصيانة في التوكيل " تقدري تسافري بيها مش لدهب ده لحد أسوان من غير خوف إن شاء الله ، ومهم جدا تريحي في الطريق علشان متتعبيش من السواقة وتريحي العربيه ، فتوكلي علي الله ومتخافيش والبيكانتو عربية جميلة جدا للبنات ومناسبة ليهم شكلا وموضوعا .

[dexter]

تنفع طبعا انا شخصيا بسافر بيها باستمرار و مفيش مشاكل الحمد لله هي بس ممكن تكون خفيفة على السرعات العالية بس لو مش بتعدي ال 120 مش هتحسي بكده.

[roty]

ميرسيي اوي يا جماعة على رايكم بجد طمني كتيير
ومش تخاف انا عندي 23 سنة وعمري ما سقت عربية قبل كده ومعتقدش اني يوم ما اجيبها هعدي ال60 :-) بس انا كان عندي سؤال بالنسبة لشنطة العربية هيه صغيرة جدا زي ما بيقولو؟؟ يعني مش تشيل حتى شنطة سفر كبيرة واحدة؟؟ ولا ممكن اركبلها شبكة مثلا؟؟ بس اعتقد ان شكلها مش هيبقى ظريف خاالص :-( وبالنسبة لسعرها ومقدمها يعني هيه تعمل حاليا حوالي 53 الف جنيه ومقدمها ممكن 10000 فعلا؟؟ ودي الاتوماتيك ولا والفرق بين سعر المانيوا والاتوماتيك كبير؟؟؟

[TELEBK]

المشاركة الأصلية كتبت بواسطة roty ميرسيي اوي يا جماعة على رايكم بجد طمني كتيير ومش تخاف انا عندي 23 سنة وعمري ما سقت عربية قبل كده ومعتقدش اني يوم ما اجيبها هعدي ال60 :-) بس انا كان عندي سؤال بالنسبة لشنطة العربية هيه صغيرة جدا زي ما بيقولو؟؟ يعني مش تشيل حتى شنطة سفر كبيرة واحدة؟؟ ولا ممكن اركبلها شبكة مثلا؟؟ بس اعتقد ان شكلها مش هيبقى ظريف خاالص :-( وبالنسبة لسعرها ومقدمها يعني هيه تعمل حاليا حوالي 53 الف جنيه ومقدمها ممكن 10000 فعلا؟؟ ودي الاتوماتيك ولا والفرق بين سعر المانيوا والاتوماتيك كبير؟؟؟

السواقة مالهاش دعوه بالعمر أو بالسن ، هيه إحساس بالطريق ، بالنسبة لشنطة العربية هيه بالفعل صغيرة جدا جدا وتشيل شنطة سفر صغيرة أو مقاس في الشنط إللي بالعجل ، الوسط والكبيرة ماتتحطش فيها ، فالحل هوه الشبكة وديه ساعة السفر بس وبعدين تشيليها .