مش عارف اختار نوع كاوتش للسيارة

[shico]

معى سيارة أفيو 2007 وكان الأطارات ماركة هانكوك مقاس 185/60/r14 وحاليا الافيو 2008
نازلة بكاوتش كومهو وانا عامل 60000 كيلومتر وحتاج اغير الكاوتش ضرورى
مش عارف اختار نوع كاوتش كويس ياترى ميشلان ولا بريدجيستون ولا كومهو ولا ايه.. افيدونا جزاكم الله خيرا

[hazem_khidr]

بريلي و ريح دماغك
كاوتش محترم و حيديك ثبات ممتاز

[islam_galal]

بالترتيب:
1- ميشلان ممتاز و غالي
2- بريدجستون ممتاز و غالي (الياباني) أهم مميزاته انه بيعطي هدوء عالي في السرعات العالية (يعني فوق الـ 150كم/س)
3- نانكنج + بريدجستون (الاندونيسي)
4- هانكوك + كومهو

نانكنج و بريدجستون (الاندونيسي) و هانكوك و كومهو تقريبا في نفس الفئة السعرية
و الله أعلم

[ahmed_kamel]

عن نجربه في عربيات عندنا في البيت
البريدجستون وخاصة طبعا الياباني من (تورانزا) مالوش حس على الأرض وفردة كاوتش عمرها طويل جدا ومحترمه للغاية وماتفكرش كتير عليك وعلى بريدجستون
وياريت تجيبها من الوكيل عشان ماتبقاش متخزنه وبايظه من سوء التخزين
وفروع توكيل بريدستون كتير
- عمارات العبور بالقرب من ام ام
- المنيل أمام مستشفى الندى للولاده بشارع المنيل
وخليهم هناك يظبطولك الزوايا ويرصصوا العجل ويتم نفخه بالنيتروجين
الخدمه هناك أكتر من هايله والنتائج ممتازه عن تجربه
أنا مش صاحب التوكيل ولا من قرايبه بس أنا بديك نصيحه لوجه الله عن تجارب شخصيه

[AbOnOrA]

انا مجرب الهانكوك كويس جدا (بالنسبة لسعرة) وشايف انة مناسب للشريحة ديه من العربيات وبستخدمة فى عربية الحاجة بصراحة وهيا لا بتجرى ولا فارق معاها صوتة بعد ال 140 ptmnlo123per1105

فى عربيتى بصراحة اكتر حاجة بتهمنى النقشة وبالنسبالى الماليزى كويس علشان فى المقاسات النادرة والنقشات بتبقى ارخص بس مع استخدامى (الشاق) بعمل حسابى انى اغير فردتين كل سنة

اعتقد البريدجستون والبريلى والميشلان عمرهم لازم يبقى اطول من كده (سنتين للطقم كلة) والا يبقى كتير (وديه وجه نظر شخصية) انى اشترىهم بالاسعار ديه خاصة ان الطرق عندنا فى مصر خسارة فيها كاوتش نظيف ptmnlo123per111