العودة   مصر موتورز مجتمع السيارات > السيارات الصينية والهندية > شيرى إسبيرانزا CHERY SPERANZA > A 113


إضافة رد
 
أدوات الموضوع
  #6  
قديم 11-10-2010, 04:47 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: عيوب بالجملة في سبرانزا a113 زيرو

هو فيه إحتمال إنك تكون شوفت عربية متبهدله من المعرض

و 365 كتير على طنطا المفروض حتى لو العربية جاية من المصنع سواقة يبقى عدادها ما يزيدش عن 150 كم معنى كده إن حد فى المعرض ده إستخدم العربية 200 كم

المهم شوف فى معرض تانى أو عند الموزع المعتمد (عيسى)
لكن أنا برضه حاسس إنك مش هتتبسط ﻹنك مستريحتش فى كرسى العربية و إعتبرت الماروتى اريح منه
لو فضلت على رأيك ده فى العربية إصرف نظر عنها فورا و دور على حاجة تانية
أهم حاجة فى شرا عربية جديدة إنك تبقى راضى عنها و فرحان بيها لكن
رد مع اقتباس
  #7  
قديم 11-10-2010, 04:48 PM
corsair
Guest
 
المشاركات: n/a
افتراضي رد: عيوب بالجملة في سبرانزا a113 زيرو

لا حول ولا قوة الا بالله حاجه غريبة فعلا لما تكون عربية زيرو وفيها كل ده وامال بعد استعمال شهر هيكون شكلها عامل ازاي

يا بشمهندس انتا تريح دماغك وتجيبلك حاجه فيرنا او لوجن هتدفع اللي معاك مقدمة وتقسط الباقي علي راحتك علي الاقل هتركب عربية مضمونه وبيني وبينك ارحم من اني ارمي مبلغ ذي ده في عربية لادا متساويش في نظري 20000 جنيه او ارمي الفلوس في حاجه صيني هصرف قد اللي دفعته فيها علي عيوبها

ربنا يوفقك لما فيه الخير
رد مع اقتباس
  #8  
قديم 11-10-2010, 05:50 PM
الصورة الرمزية Eng . Mano
Eng . Mano Eng . Mano غير متواجد حالياً
 
تاريخ التسجيل: Dec 2009
المشاركات: 206
Eng . Mano has a spectacular aura aboutEng . Mano has a spectacular aura aboutEng . Mano has a spectacular aura about
افتراضي رد: عيوب بالجملة في سبرانزا a113 زيرو


المشاركة الأصلية كتبت بواسطة egypttoc مشاهدة المشاركة

سلام عليكم

معلش استحملوني يا جماعه اصل ال 50 باكو اللي معايا غاليين عليا شوية علشان كدة عملت موضوع تحويشة عمري في اسبرانزا ولا لادا و الناس نصحتني بالاسبرانزا قلت اروح اشتريها
رحت التوكيل بتاعها اللي في احد المحافظات بدون ذكر اسماء اتفرج عليها

و للعلم انا جاهعل عربيات مبعرفش اسوق ولا بفهم فيها اصلا قلت اتفرج علي العربية اللي حدفع فيها دم قلبي وجدت الاتي

1- التالبلوة الوسطاني مش متقفل صح نهائي يعني كل جزء فية مفارق من ناحية و زيادة من ناحية و كمان تحس انهم بيتلخلخوا
ده على فكرة مش سوء تقفيل ، ده فعلا تصميم التابلوه ان هو بيبقى جاى بفرق بسيط من عند الكاسيت ، و لو حضرتك عايز تتأكد اضغط على الحتة المفارقة دى لجوة حتلاقيها مكلبشة و مش بتروح و تيجى معاك و ده دليل ان فعلا تصميمها كده . و انا شوفت كده فى 6 عربيات علشان اتأكد انه مش فى عربيتى بس .

2- الزراير من خامة بلاستك ضعيفة جدا جدا هي عربية ب50 صح لكن مش لدر جة يوفروا ربع جنية فرق بلاستيك نضيف للطابلوة
هى مش ردئية للدرجة اللى حضرتك وصفتها دى ، يعنى هى بتأدى غرضها على اكمل وجه و مش مطلوب منها اكتر من وظيفتها ، سواء انك تشغل بيهم كاسيت او تكيف او انوار . يعنى مش شرط نقعد نضغ على الزراير مليون مرة لغاية ماتطلع فى ايدينا و نقول انها ضعيفة . انا شايف انها مناسبة لسعر العربية تماما ( 50 الف ) يعنى مش مطلوب انها تبقى زى خامات الاوبل او الفورد .

3- دهان الباغه بتاع الطابلوة بيتقشر بسهولة و عرفت كدة لاني شفت اجزاء متجرحة منة و بتوحي انة مش حيقعد شهر و حتلاقية بس زي الموبيل الصيني بعد ما يتجرح
بصراحة الموضوع ده ما اخدتش بالى منه كويس علشان اتكلم فيه ، انما بصراحة التابلوه قدامى مافيهوش اى تقشير او مشاكل .

4- الكبوت الامامي من ناحية قافل كويس و الناحية التانية لا
اكيد بقى ده عيب فى العربية اللى حضرتك شوفتها لان الكلام ده مش معايا ولا مع اى حد اعرفه معاه العربية

5- الجوانات الكاوتش بتاعه الزجاج و الابواب مش ثابتة في مكانها وواضح ان خامتها رديئة و ان بعد كم قفلة في الباب حتقع لوحدها
انا معاك فعلا انها مش متثبتة كويس ، و ممكن يظبطوها فى الصيانة . انما مش ممكن تقع لوحدها ( لانها ممكن تكون سايبة حوالى 1 سم من الطرف ، يعنى مش الجلد بتاع الباب كله سايب )

6- الكراسي مش مريحة نهائي اعتقد بتاعه الماروتي اريح منها و واضح ان خامة الفرش تعبانة و التنجيد بتاعها سيء لدرجة اني مستحملتش اقعد فيها كم دقيقة
هو حضرتك الموضوع ده بيختلف من شخص لشخص اخر ، يعنى الحمد لله الكراسى بالنسبة لى مريحة هى و الكنبة . ( ممكن الاحساس ده جاء لحضرتك لان التابلوه اعلى شوية من وضعية القيادة هو و العدادات . )

7- العداد بتاعها كان عامل 375 كيلو !!!!!!!!!!!!!!!
ده طبعا غلط جدا و المعرض يتسأل فى الموضوع ده .

8- فتحت الكبوت لقيت وش الموتور بلاستيك و دي اول مرة اشوف عربية موتورها اجزاء منة بلاستيك و نفس الماتور بتاعها بشوف صورة علي النت بيكون معدن بالكامل
هو بيتهيألى مادة تديلك احساس انها شبه البلاستيك ، لان استحالة و من رابع المستحيلات يكون غطاء موتور بلاستيك ( لانى كنت فى مشوار للتجمع الخامس و بعد كده روحت للشروق و من الشروق رجعت القاهرة ، بعد ما خلصت و قفلت العربية فتحت الكبوت اطمن على مستوى مياه التبريد ، مالقيتش الغطاء سايح مثلا او معوج ) اكيد خامة تشبه للبلاستيك فى الشكل و لكن اكيد ظروف استخدامها تختلف عن البلاستيك .

دة اللي ان شفتة. نيجي للكدب بتاع الموظف

1- بيقولي العفشة و الماتور ماليزي ( اصلة شاف الفيل اللي كنت راكنة علي الباب)
2- بيقولي انها زير مش 375 كيلو و دة بسبب ان المصنع بيجرب موتور العربية الاول
3- بيقولي انها استيراد من الصين و مفيهاش مكونات مصري و مش بتتقفل في مصر ( مفكرني هندي)
4- كل ما اقولة عيب فيها يقولي اصلة علي قد تمنها هو يقصد تمنها في الصين ابو 35 الف جنية ولا تمنها بعد ما صنعوا 40% منها في مصر بجودة اقل بكتير من الصيني و رفعوا سعرها الي 50 الف؟

و كل دة يا جماعه و انا مبفهمش في العربيات و مبعرفش اسوق يعني ولا دورت العربية و لا سوقتها و سمعت صوتها ولا اي حاجة من الحاجات دي يعني مجرد نظرة خارجية و المثل بيقول اللي برة الله الله و اللي جوةى يعلم الله دلوقتي لما يبقا اللي برة كدة امال الي جوة ؟ دة غير اني ولا شغلت الراديو ولا التكييف حتي

السؤال بتاعي دلوقتي

1- هل كل العربيات الزيرو فيها العيوب دي كلها ؟
لأ طبعا اكيد دى حالة فردية
2- اذا كان التقفيل سيء من الخا رج فما بالك بالداخل و المكونات ؟
و الله المكونات من جوة جميلة جدا و سهلة الاستخدام ، يعنى هى مش عايزة هلك و طحن ، و انما استخدام هادى ، زى اى عربية .
3- العربية دي تعيش عمر افتراضي زي اللادا او الشاهين او حتي اللوجان ؟
و الله انا اعرف واحد معاه العربية دى مو2008 ماشى بيها 85 الف كيلو و بيشكر فيها جامد جدا جدا و مرحاه على الاخر .
4- هل المشاكل اللي قلتها عيب في العربية دي بس ولو شفت في معرض في بلد تانية حتبقا العربيات عدلة شوية؟
جميل جدا من حضرتك انك تقول كل اللى شوفته فى العربية دى ، علشان نفتح ساحة حوار و نقاش محترم نتبادل فيه الاراء حول الموضوع ده ، و لكن زى ماقولت لحضرتك اكيد فعلا العربية دى حالة فردية و ده مش معناه ان كل الاسبرانزا كده . ياريت حضرتك تروح معرض تانى يكون موزع معتمد لابو الفتوح و تحاول تبص للعربية من نظرة تانية . و صدقنى انا كلامى ده مش اقناع ليك بالعربية بل بالعكس انا عايزك تجيب معاك للاخر علشان ممكن تكون العربية اللى حضرتك شوفتها فعلا متبهدلة و بكده نظلم باقى العربيات .
و على فكرة انا معايا هيونداى اكسنت بجانب الاسبرانز ، يعنى الحمد لله اقدر افرق بين الخامات السيئة و المتوسط و الجيدة و الممتازة ، و انا بجد بقولك خاماتها جيدة و مقبولة جدا .
منتظر رد حضرتك و لك منى جزيل الشكر و بالتوفيق فى عربية كويسة بأذن الله ؛؛
رد مع اقتباس
  #9  
قديم 12-10-2010, 11:27 AM
egypttoc egypttoc غير متواجد حالياً
 
تاريخ التسجيل: Sep 2010
المشاركات: 10
egypttoc is on a distinguished road
افتراضي رد: عيوب بالجملة في سبرانزا a113 زيرو

اشكركم جدا يا اخواني علي الاهتمام
انا رحت شفت العربية في معرض تاني و لقيت الحالة بتاعتها احسن بكتير ما عدا عيب تقفيل التابلوة هو فية اجزاء مفارقة حوالي نصف سنتي من ناحية و الناحية التانية راكبة فوق اللي جنبها و مغطياها بربع سنتي او اقل
و لان العربية مكنتش متهانة محستش ان الزراير ضعيفة او التابلوة بدأ يقشر زي ما شفت العربية الاولي
كمان الكبوت كان معدول
وجوانات الباب ماسكة نفسها بس واضح انها ضعيفة
انا عامة حسيت الفرق بين العربيتين حتي في قفلت الباب لاني نسيت اقول ان الاولي بابها كان لازم يترزع علشان يقفل و متاكدتش من كدة الا لما شفت العربية في معرض تاني و لقيت المشكلة دي مش موجودة
و فية حاجة لاحظتها انة فية بعض اجزاء من العربية مدموغ عليها علامة دايو بجوار علامة شيري زي الزجاج الامامي و الاكياس اللي علي الفرش

و للعلم انا اتفرجت علي الاي 10 في معرض تاني بالنسبة للتقفيل فية فرق السما من العما في كل شيء لكن خايف من الاي 10 علشان الماتور اضعف من الاسبرنزا و البتالي مش حتستحمل سفر ولا حعرف اشغل التكييف و انا راكب
رد مع اقتباس
  #10  
قديم 12-10-2010, 11:43 AM
sayed19 sayed19 غير متواجد حالياً
 
تاريخ التسجيل: Oct 2010
المشاركات: 2
sayed19 is on a distinguished road
افتراضي رد: عيوب بالجملة في سبرانزا a113 زيرو

يا جماعة أنا معايا العربية من مدة و مش ذى مابيقول الأستاذ خالص .
هى مريحانى جدا جدا وسريعة جدا جدا لدرجة أنى سفرت بيها الغردقة مسافة 500 كيلو من غير ماريح فى اى أستراحة بس حطيط بنزين ورحت فى 4 ساعات ورجعت فى 3.5 ساعة وعربية روعة وجميلة جدا ومفيهاش كل الكلام دة .
الاستاذ واضح انه راح لمعرض واحد نصاب .
وشكرا
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:45 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017