مشكلة في مروحة تبريد سايبا (رجاء مشاركة ابو نورا)

[amr_gafi]

المروحة كانت بتصفر وصوتها خشن جدا - رحت لكهربائي فك لحام المروحة من الأكس وشحمها وبعدين لحم وركب والصوت راح وكله تمام.
يوم الوقفة لحام المروحة فك من الأكس والعربية سخنت ركنت العربية طول فترة العيد.
لحمت المروحة مرة تانية لان الجديد بتاع العربية مش موجود و القديم بتاع الكيا برايد مش هتركب لاختلاف المقاس
بعد التركيب لمبة التشيك بتنور لما المروحة تبدأ تشتغل وصوتها عالي وبتشتغل علي السرعة العالية
المروحة تقريبا بتشتغل كل دقيقتين

ارجو الافادة هل يمكن استبدال المروحة بنوع سيارة اخري أو اسبدال الموتور فقط
وهل هناك مشكلة في الثرموستات بتاع المروحة
ولية لمبة التشيك بتشتغل مع المروحة

[AbOnOrA]

هى عربيتك موديل 2007 ؟؟

[amr_gafi]

المشاركة الأصلية كتبت بواسطة AbOnOrA هى عربيتك موديل 2007 ؟؟

العربية موديل 2009 سايبا برايد ايراني

[شريف كامل]

حصلت معايا نفس المشكلة بسبب خطاء في توصيل سلك المروحة يدل طرفي السلك المتصل بفميص المروحة وحتختفي المشكلة ان شاء الله
وانا سبق وغيرت موتور المروحة من التوكيل ب350 جنية لان التصليح عمرة قصير فيها , متور الشاهين مقارب في الحجم وممكن يشتغل لاكن مجربتوش واعتقد انة سرعة واحدة
وعرفت من التوكيل ان حتوصلهم قطع غيار قريبا خلال شهر او اثنين
ارجو ان اكون افتدتك

[amr_gafi]

متشكر جدا علي رد حضرتك
أنا فعلا رحت للكهربائي وغير فعلا المروحة بمروحة فيات سينا استيراد
صوتها هادي بس حجمها صغير شوية عن الأصلية
اللمبة بتاعة التشيك اختفت
الحرارة بتعلي عن الربع شوية صغيرة ولكن بتنزل بعد فترة مش كبيرة وده اعتقد أنه لصغر حجم المروحة
وان شاء الله هتابع مع الوكيل لحين ورود المروحة الأصلية