رينو تستعرض الجيل الرابع من كليو هاتشباك وواجن فى معرض باريس 2012

[professional25]

رينو تستعرض الجيل الرابع من كليو هاتشباك وواجن فى معرض باريس 2012



شركة رينو الفرنسية عرضت الجيل الرابع من كليو الهاتشباك اللى بخمس أبواب ، وكليو الواجن في معرض باريس الدولى للسيارات 2012 ، والسيارتين اتعرضوا جنب النسخة كليو RS 200 .

وبالنسبة لكليو الجديدة حسب "اى فرات" هاتيجى بمحرك بنزين تيربو سعته 900 سي سي وقوته 90 حصان ، وبعزم دوران أقصي 135 نيوتن.متر. وده هايخلى كليو الجديدة تستهلك وقود 4.3 لتر لكل 100 كيلو متر ، بالاضافة لمعدل انبعاثات 99 جم\كم.

وبالنسبة لمحركات الجديدة في تشكيلة كليو ، فهى محرك Energy dCi 90 وده متكون من 4 أسطوانات سعتها 1.5 لتر بقوة 89 حصان ، وبعزم دوران 220 نيوتن.متر. و المحرك الاقتصادي ده بيحقق معدل استهلاك وقود 3.2 لتر وقود فى كل 100 كيلو متر، و الانبعاثات الكربونية اللى خارجه منه 83 جم\كم. وممكن ان الجيل الرابع من كليو يتزود بمحرك جديد TCe 120 سعته 1.2 لتر وبيتكون من 4 أسطوانات قوتها 118 حصان ، وبعزم دوران أقصي 190 نيوتن.متر. ولكن بالنسبة للمحرك الأخير ده مش هايتم انتاجه الا في النص الأول من 2013.

وشكل رينو كليو 2013 الخارجى يعتبر افضل من الموديل اللى قبله ، لانه اول موديل فى رينو بيهم بمواكبة التصميم الجديدة ، اللى فيها مصابيح أمامية مسحوبة للخلف ، وكمان أقواس العجلات المفتولة وشبكة التهوية الأمامية المستمدة من DeZir. وكمان فى مقابض أبواب خلفية مدمجة ، بالاضافة لمصابيح بتشتغل بتقنية LED نهارية وتطعيمات لونها اسود.

ومن بين المميزات الاختيارية فى رينو كليو فيه نظام R-Link الترفيهي اللى متزود بشاشة عرض بتشتغل باللمس مقاسها 7 بوصة ، وكمان فيه نظام ملاحة TomTom مع الاتصال بالنت.

[محمد صالح - المحامى]

:THUMB_~112 ::28 6:

[albasha]

أيه الجمال ده دا لو كده أحسن من التحويل للغاز طالما إنها بتشم البنزين بالطريقه ديه

[م.محمد]

رينو هى رينو الافضل والاحسن والاقوى

[hossamdoaaaa]

وحتنزل مصر امتى ؟؟؟؟؟؟؟