لو سمحتو عايز حد بيفهم .. عايز اركب سماعتين فى عربية لانوس . Plz Help

[Injection]

المشاركة الأصلية كتبت بواسطة حسام البورسعيدى بص يا باشا ... انت تجيب سماعتين بايونير 400 وات وتركبهم فى العربيى على الكاسيت بتاعك وهيدولك صوت ممتاز ... ولما امكانياتك تسمع تقوم جايب لهم كاسيت محترم (يفضل بايونير او كينوود) وتركبه وهيفرق معاك جامد .. وعلى فكرة ممكن تجيب سماعات بايونير للابواب برضه مع اللى ورا .. سعر السماعات البايونير 400 وات 300 جنية ... ولو مش نافع تركب على الكوبستة بتاعتك حلها بسيط تجيب لها قواعد بلاستيك وتركبها عليها او تعمل كوبيسته جديدة ...

المشكلة مش فى الكوبستة ياباشا, الكوبستة تحتها الصاج بنفس شكل السماعات المدورة يعنى لازم يقص الصاج والكوبستة علشان السماعات الجديدة, أو يعمل قواعد.

أتفق مع رأى حضرتك فى السماعات, بس الكاسيت ضعيف أصلا, السماعات الجديدة هتبقى أحسن فى جودة الصوت وأنضف, بس هتفقد نص قدرتها تقريبا لو فضل معاه الكاسيت القديم.

[elnaser_m]

المشاركة الأصلية كتبت بواسطة Injection عايز الحق, الكاسيت تعبان ملة, اللانوس 2 بتنزل بكاسيت كلاريون برضه تقريبا 60 وات×4 , والسماعات اللى العضو أقترحهم حوالى 60 أو 70 وات فعليا, الكاسيت بتاعك ميقومهمش كويس, أنا مركب طقم كينوود ب210 منهم على الكاسيت المذكور أعلاه وشغالين تمام. هتلاحظ فرق بعد تركيب السماعات فى جودة الصوت, ولو السماعات القديمة بتيجى على الأخر وتخروش بقى هتلاحظ فرق فى أرتفاع الصوت (الخروشة لأن السماعات القديمة أقل من الكاسيت فى القدرة). بس الفرق مشابه لماسورة مياه بيمشى جواها ضغط معين, لو كبرت الماسورة والضغط هو هو أنت ما أستفدتش حاجة فعليا. ممكن تصبر نفسك بجوز سماعات صينى 30 أو 35 وات (الرقم ده أسمه الأر أم أس RMS وهو اللى بيحدد القدرة الفعلية للسماعة) وهيدوك صوت مش بطال بحوالى 60 جنيه, ولو الراجل عمل بهلوان أسأله على الأر أم أس بتاعها أو حاول تقراه من على العلبة, وهات سماعات فى حدود قدرة الكاسيت أو أكبر. وممكن تغير الكاسيت بواحد مقدرته أعلى وتجيب طقم سماعات فى حدود قدرة الكاسيت الجديد, أو تركب جى أم (أمبليفاير) على الكاسيت القديم وطقم سماعات قوى وده هيديك صوت خيالى بس بسعر عالى. بس خلى بالك من حاجة مهمة أوى, الفتحات بتاعة السماعات اللى فى اللانوس مدورة مش بيضاوية, بمعنى لو جبت سماعات بيضاوى ياهتضطر تركب قواعد ليهم أو تقطع فى الصاج علشان تركبهم.

بصراحة انا قريت ردك اكتر من 5 مرات لغاية ما قدرت افهمو كلو كويس
طبعاً انا اول مرة اخد بالى وافهم ال RMS اللى انت شرحتو

بس انا مش عايز اشتري سماعات صيني وارميها

انا مع رأيك الاول فى اني اشتري كاسيت جديد على سماعتين تمام اسمع صوت تمام
عايزك بقى تنصحني بكاسيت يكون سعرو معقول ونضيف (واية رأيك فى المستعمل)

بجد انت ردك شامل كل حاجة كنت عايزها توضح
Thanx Injection

المشاركة الأصلية كتبت بواسطة حسام البورسعيدى بص يا باشا ... انت تجيب سماعتين بايونير 400 وات وتركبهم فى العربيى على الكاسيت بتاعك وهيدولك صوت ممتاز ... ولما امكانياتك تسمع تقوم جايب لهم كاسيت محترم (يفضل بايونير او كينوود) وتركبه وهيفرق معاك جامد .. وعلى فكرة ممكن تجيب سماعات بايونير للابواب برضه مع اللى ورا .. سعر السماعات البايونير 400 وات 300 جنية ... ولو مش نافع تركب على الكوبستة بتاعتك حلها بسيط تجيب لها قواعد بلاستيك وتركبها عليها او تعمل كوبيسته جديدة ...

المشاركة الأصلية كتبت بواسطة Injection المشكلة مش فى الكوبستة ياباشا, الكوبستة تحتها الصاج بنفس شكل السماعات المدورة يعنى لازم يقص الصاج والكوبستة علشان السماعات الجديدة, أو يعمل قواعد. أتفق مع رأى حضرتك فى السماعات, بس الكاسيت ضعيف أصلا, السماعات الجديدة هتبقى أحسن فى جودة الصوت وأنضف, بس هتفقد نص قدرتها تقريبا لو فضل معاه الكاسيت القديم.

متشكر اخي الكريم حسام زي ما انت قولت بالظبط انا كنت عايز اعمل كدا اشتري سماعتين كويسين ولما ربنا يفرجها اشتري كاسيت بس Injection بيقول ان قدرتهم حتقل لغاية ما اكون جبت كاسيت جديد

ان شاء الله حبقى اركب قواعد بدل ما نقطع فى الصاج

[Injection]

أنا مش قصدى ياباشا هتفقد نص قدرتها, هى هتطلع نص قدرتها, هتطلع الطاقة اللى الكاسيت هيديهالها, زى ما أركب صب 1000 وات مثلا على كاسيت العربية مباشرة, هتشتغل بس مش هتطلع 1/10 من قدرتها.

طقم السماعات هيبقى ضعف قدرة الكاسيت, يعنى زى مثال الماسورة , الماسورة كبرت بس المياه (اللى طالعة من الكاسيت) ضغطها ثابت.

الكاسيت ياباشا فيه سونى وبايونيير فيه منهم موديلات بتبدأ من 650 جنيه فيما فوق حسب المميزات اللى حضرتك عايزها, يو أس بى, الشاشة والجرافكس بتاعة الجهاز, أيبود compatibility وهكذا, وبما أن حضرتك شغال بالموديوليتور (كار أم بى ثرى) فمش هتحتاج المميزات دى وممكن تجيب حاجة الخرج بتاعها عالى وخلاص علشان تشغل السماعات كويس.

السماعات زى ماقلنا حسب ال rms بتاعها, اللى هيبقى زى بتاع الكاسيت أو أكبر حاجة بسيطة, وزى ماقلت برضه أنا كنت جايب طقم كينوود 65 rms و 300 وات ماكس ب210 جنيه بالظبط, وصوته تحفة والبيز بيسمع فى العربية, والبايونيير والسونى هيبقوا أغلى شوية صغيرين.

المفاهيم الأساسية البسيطة فى الموضوع هى الوات والrms

الوات المكتوب على السماعة اللى بيضحكوا علينا بيه ده أعلى حاجة السماعة تقدر تشتغل بيها لثوانى, دبة واحدة مثلا مش أكثر, وهكذا, وبيبقى مكتوب على العلبة بالبنط العريض, وغلط جدا أنك تشترى حسبه لأن السماعات قدرتها الحقيقية مش بالرقم ده, فيه سماعات صينى مكتوب عليها 700 وات, لكن ال rms مكتوب بخط صغير جدا أنه 15 بس وبتبقى سماعات تعبانة طحن.

ال rms هو أقصى طاقة السماعة مصممة لأحتمالها لفترات طويلة, يعنى لو سماعة 30 وات مثلا على كاسيت بيخرج 60 وات, هتعلى الصوت وهتيجى عند نص الفوليوم وهتخروش علشان مش مصممة للقدرة دى, ولو ضغطت عليه أكثر ممكن تبوظ, على عكس لو ركبنا طقم 70 وات مثلا ممكن تعلى الكاسيت على الأخر والصوت يطلع مظبوط ونقى.

ياباشا السماعات الصينى دى بقت شغلتى, أنا شارى حوالى 4 أطقم سماعات وجربت كل حاجة وأترموا كلهم الحمد لله

المستعمل فى الكاسيت أو السى دى مانصحش بيه الا لو اللى هيبيعهولك حد معرفة, علشان الحاجات دى بالذات عيوبها بتظهر بعد فترة من الوقت, السى دى بلاير بيفوت تراكات, أو مبيرضاش يخرج السى دى, أو بيفصل, فبالنسبة لى الأمان أحسن طبعا.

أنما السماعات ماشى, بس لازم تفحصها كويس جدا وتتأكد أن كل حاجة فيها سليمة, وتجربها وتعلى الصوت وتوطيه و تهزها وهى شغالة علشان لو ملمسة ولا حاجة وهكذا, وتتاكد ان كل البلاستيك المحيط بيها طرى مش ناشف علشان ميتقطمش بعد كده, والقماشة اللى جوه الفريم (الأسبيدر) اللى ماسك القمع بتاع السماعة من تحت سليم ومش مقطوع.

أسف على الأطالة ياباشا, و you are welcome

[elnaser_m]

المشاركة الأصلية كتبت بواسطة Injection أنا مش قصدى ياباشا هتفقد نص قدرتها, هى هتطلع نص قدرتها, هتطلع الطاقة اللى الكاسيت هيديهالها, زى ما أركب صب 1000 وات مثلا على كاسيت العربية مباشرة, هتشتغل بس مش هتطلع 1/10 من قدرتها. طقم السماعات هيبقى ضعف قدرة الكاسيت, يعنى زى مثال الماسورة , الماسورة كبرت بس المياه (اللى طالعة من الكاسيت) ضغطها ثابت. الكاسيت ياباشا فيه سونى وبايونيير فيه منهم موديلات بتبدأ من 650 جنيه فيما فوق حسب المميزات اللى حضرتك عايزها, يو أس بى, الشاشة والجرافكس بتاعة الجهاز, أيبود compatibility وهكذا, وبما أن حضرتك شغال بالموديوليتور (كار أم بى ثرى) فمش هتحتاج المميزات دى وممكن تجيب حاجة الخرج بتاعها عالى وخلاص علشان تشغل السماعات كويس. السماعات زى ماقلنا حسب ال rms بتاعها, اللى هيبقى زى بتاع الكاسيت أو أكبر حاجة بسيطة, وزى ماقلت برضه أنا كنت جايب طقم كينوود 65 rms و 300 وات ماكس ب210 جنيه بالظبط, وصوته تحفة والبيز بيسمع فى العربية, والبايونيير والسونى هيبقوا أغلى شوية صغيرين. المفاهيم الأساسية البسيطة فى الموضوع هى الوات والrms الوات المكتوب على السماعة اللى بيضحكوا علينا بيه ده أعلى حاجة السماعة تقدر تشتغل بيها لثوانى, دبة واحدة مثلا مش أكثر, وهكذا, وبيبقى مكتوب على العلبة بالبنط العريض, وغلط جدا أنك تشترى حسبه لأن السماعات قدرتها الحقيقية مش بالرقم ده, فيه سماعات صينى مكتوب عليها 700 وات, لكن ال rms مكتوب بخط صغير جدا أنه 15 بس وبتبقى سماعات تعبانة طحن. ال rms هو أقصى طاقة السماعة مصممة لأحتمالها لفترات طويلة, يعنى لو سماعة 30 وات مثلا على كاسيت بيخرج 60 وات, هتعلى الصوت وهتيجى عند نص الفوليوم وهتخروش علشان مش مصممة للقدرة دى, ولو ضغطت عليه أكثر ممكن تبوظ, على عكس لو ركبنا طقم 70 وات مثلا ممكن تعلى الكاسيت على الأخر والصوت يطلع مظبوط ونقى. ياباشا السماعات الصينى دى بقت شغلتى, أنا شارى حوالى 4 أطقم سماعات وجربت كل حاجة وأترموا كلهم الحمد لله المستعمل فى الكاسيت أو السى دى مانصحش بيه الا لو اللى هيبيعهولك حد معرفة, علشان الحاجات دى بالذات عيوبها بتظهر بعد فترة من الوقت, السى دى بلاير بيفوت تراكات, أو مبيرضاش يخرج السى دى, أو بيفصل, فبالنسبة لى الأمان أحسن طبعا. أنما السماعات ماشى, بس لازم تفحصها كويس جدا وتتأكد أن كل حاجة فيها سليمة, وتجربها وتعلى الصوت وتوطيه و تهزها وهى شغالة علشان لو ملمسة ولا حاجة وهكذا, وتتاكد ان كل البلاستيك المحيط بيها طرى مش ناشف علشان ميتقطمش بعد كده, والقماشة اللى جوه الفريم (الأسبيدر) اللى ماسك القمع بتاع السماعة من تحت سليم ومش مقطوع. أسف على الأطالة ياباشا, و you are welcome

تمااااااااااااااااااااااا ااااااام والله فعلا انت الحد اللى فاهم اللى اقصدو فى عنوان الموضوع

خلاص يا باشا الروئية كلها وضحت بالنسبالي .. تسلم

انا هنزل النهاردا اشوف الجو اية فى المحلات حشوف اسعار الكاسيت والسماعات
اخد فكره عن اسعار الكاسيت والسماعات وتكلفتهم النهائية اللى فى استطاعتي وابقى انزل اشتريهم

تسلملي دماغك يا عم Injection

[elnaser_m]

انا نزلت فعلا انهاردا واشتريت سماعتين بايونير 400 وات تايلاندي

http://www.pioneer.com.au/en/Product...%20A6973E.aspx
بصراحة انا كنت نازل اتفرج بس الواد بتاع المحل اتحايل عليا اجربهم
ولما جربتهم حسيت بفرق كبير وزي ما قلت يا Injection
قالى السماعات حتبقى احسن بكتير على كاسيت احسن من اللى عندك
Injection



ان شاء الله اسبوعين تلاتة وحشتري كاسيت بايونير

متشكر جدا يا رجالة على الافادة وشكر خاص ليك اخي Injection
وعلى فكرا انا كمان فى تانية تجارة بس انجلش .. اتشرفت بيك يا باشا