العربيه بتبطل وهيا ماشيه (جولف 2)

[alaafahmy]

السلام عليكم ورحمة الله وبركاته /

انا عاجبنى الموقع ده اوى وبتسفيد منه كتير فى معرفة معلومات عامه عن اعطال السيارات لانى مستجد جدا فى موضوع العربيات واول ماجبت جبت جولف2 , موديل 1988 متعدله 1989 وعندى مشكله دلوقتى ان العربيه بتبطل وهيا ماشيه ولما بيحصل كده مش بتدور الا بصعوبه اوى يعنى المرش بيفضل يلف يلف يلف والموتور مش بيدور يا اما بيدور ويبطل على طول بعد ما الاوتوماتيك بتاع المرش يرجع تانى ( يعنى حوالى 5-10 ثوانى تقريبا)
للعلم هيا بتعمل كده وانا ماشى على سرعات (70 او 60 مثلا ) مش وانا بركن او بطلع يعنى اقصد مش عيب سواقه بس وبفضل ادوس على دواسة البنزين مش بيحصل حاجه
وبعدين سعات بفضل دايس على الدواسه يقوم الموتور شغال تانى

وللعلم انا مغير بوجيهات ومنضف كربراتير من حوالى شهرين واسبوع
ملحوظه اخيره : العربيه سعات وانا ماشى تفضل تشحط كده (تنتش يعنى) الموتور يبطل ويدور على طول)

انا شاكك انها طرمبة البنزين الى بتخليها تعمل كده بس انا سمعت ناس بتتكلم عن البوجيهات او سلك البوجيهات او الكربراتير او الموبينه

ياريت لو حد صادفته المشكله دى قبل كده او يعرف السبب يقولى
انا كده كده رايح للميكانيكى بتاعى فى الحرفيين بس عايز ابقى فاهم برضه الدنيا فيها ايه

بالمناسبه لو حد يعرف سعر طرمبة البنزين موتور 1600 كربراتير يقولى كام

وشكرا جزيلا ليكو
م / علاء فهمى

[احمد على 1999]

انا فعلا و انا بقرا الموضوع مخى و ايدى جاهزين ان اقولك مطخة بنزين بس انت سبقتنى
فعلا وصف المشكلة تخليك تشك فى ضغط البنزين عامة
1- فلتر البنزين
2- المضخة
3- مواسير و خراطيم البنزين
4- الكاربريتير نفسه كبنزين (ابره - عوامة - بكات - )

و الله اعلم و ان شاء الله بسيطة

[alaafahmy]

المشاركة الأصلية كتبت بواسطة احمد على 1999 انا فعلا و انا بقرا الموضوع مخى و ايدى جاهزين ان اقولك مطخة بنزين بس انت سبقتنى فعلا وصف المشكلة تخليك تشك فى ضغط البنزين عامة 1- فلتر البنزين 2- المضخة 3- مواسير و خراطيم البنزين 4- الكاربريتير نفسه كبنزين (ابره - عوامة - بكات - ) و الله اعلم و ان شاء الله بسيطة

لا هو مش فلتر بنزين لانى غيرته وفضلت المشكله موجوده واضح انى لازم ابص على دورة البنزين
اشكرك على مرورك الكريم واتمنى اقدر اساعدك فى حاجه ليك قريب

[احمد على 1999]

شكرا لذوقك الجميل
و متنساش تطمنا

[alaafahmy]

المشاركة الأصلية كتبت بواسطة احمد على 1999 شكرا لذوقك الجميل و متنساش تطمنا

ان شاء المولى لما احل المشكله هقول سببها عشان لو حد حصلتله يبقى عارف برضه