ماهو رأيكم في mp3 الي بيشتغل علي الولاعة

[نبيل عبدالرحمن]

المشاركة الأصلية كتبت بواسطة حسن بكر بالنسبة للــ MP3 عملي وممتاز ولكني لاحظت عليه أنه فعلا يتأثر بالظروف المحيطة يعنى في ملف وشارع ضيق مثلا ويتم ضبطه على موجة FM ويمكن ترتيب المحتوى الموجود فيه عن طريق فهرسة الفلاشة بالآتي : 0001 ثم 0002 وهكذا حتى بعد 10 أغاني يكون 0010 ثم 0011 وهكذا حتى بعد ذلك يكون 0111 وهي ممتازة ومريحاني

طريقة ممتازة لترتيب محتوى الفلاشة سنحاول تجربتها شكرا يا أستاذ حسن بكر

[omry40]

انا شايف انه اختراع ممتاز وغير مكلف

[sheekoo]

اختراع 100 /100

[hazem_khidr]

المشاركة الأصلية كتبت بواسطة حازم شاهين مميزاته المرونه فى إضافة أو حذف أى عدد من الأغانى بعكس السى دى و الكاسيت القدرة على الإستماع بكم كبير جدا من الأغانى حسب سعة الفلاش ميمورى الحفاظ على مشغل الكاسيت أو السي دى و خاصة من الشرايط أو السى ديهات المضروبة عيوبه يجب ظبط تردده فى كل مرة ترغب فى تشغيله إرساله أحيانا يتأثر بالظروف المحيطة إذا لم تحفظ ترتيب الأغانى سيصعب عليك الوصول إلى أغنية تفضلها بسرعة صعوبة التحكم فى ترتيب الأغانى أصلا لا يوجد طريقة لفهرسة و تصنيف الأغانى

المشاركة الأصلية كتبت بواسطة فادى هو عملى و بديل رخيص لكاسيت الام بى 3. لكن له العديد من العيوب, اولها انو بيستهلك مكان الولاعة, و طبعا مش هتقدر تستخدمها فى اشعال السجائر او شحن الموبايل. ساعات كتير بيعلق, و بتضطر لنزعه و وضعه عدة مرات لكى يعمل بشكل صحيح, و لو هزيته برجلك أو خبطت فيه دون قصد بيعلق و تضطر الى اعادة نزعه و تركيبه عدة مرات اخرى!! لا يوجد امكانية لترتيب الاغانى, و هيبقى الموضوع سمك لبن تمر هندى عند 200 اغنية مثلا و مش عارف اغنيتك المفضلة رقم كام. مع الوقت طبعا بتنسى تاخد الفلاشة معاك عشان تنزل عليها اغانى و هتكسل تنزل تجيبها, و ده اللى بيحصل معايا. ده ليس الوضع مع السى دى لأنك بتطبع السى دى و تاخدها معاك العربية.

طبعا كلام الاستاذ حازم و الباشمهندس فادي لا غبار عليه
اضيف حاجات بسيطه علي كلامهم
لو الراديو بتاع عربيتك نضيف و ماركه محترمه حتلاقي الصوت كويس و مش حتلاقي شوشره او ما شابه ذلك

بالنسبه للاغاني بتنزل حسب ترتيبها و انت منزلها من الكمبيوتر للفلاشه
بمعني انك اول اغنيه حتحطها هيا دي اول اغنيه حتشتغل و تاني و تالت و اخر اغنيه بالمنظر دا
يعني لو عاوز تسمع الاغاني بترتيب معين او حتحط 4 او 5 شرايط ورا بعض
يبقي تعمل كوبي و بيست لكل شريط لوحده علشان تسمع الشريط علي بعضه و بعدين تيجي للشريط اللي بعد كده
دي نقطه و انا عرفتها بعد استعمال حوالي اسبوع لهذا الاختراع الغريب!!!!

عيبه الوحيد بالنسبالي هو اني لو حبيت اسمع اغنيه طويله لام كلثوم او عبد الحليم حافظ مثلا
يبقي لازم اكون مسافر مش جوه البلد لاني لو طفيت العربيه و شغلتها تاني الاغنيه بترجع من الاول!!!!


حاجه كمان و دي من النقط المهمه فيه
انك لما تنزل اغاني تنزلهم جوه الفلاشه من غير ما تعمل فولدرات
لانك لو عملت فولدر فيه مجموعه اغاني و وصلت للاستماع عند الاغنيه الرابعه مثلا من مجموع 10 اغاني في الفولدر
و بعدين طفيت العربيه و جيت شغلتها تاني حيشتغل من اول الفولدر خالص!!!

[ميدوستار]

الحقيقة انا استغنيت عن السي دي بعد ما ركبته لانه عملي ورخيص ولاتوجد له تأثيرات سلبية علي اجهزة السيارة.