هل نظام ال ABS ضرورى للغاية فى أى سيارة ؟؟؟

[dj etsh]

السلام عليكم و رحمة الله و بركاته ؛

أخوكم عضو جديد و يحتاج مساعدتكم

طبعا مثلى مثل الكثيرين فى حالة الانبهار الشديد التى أشعر بها تجاه السيارة الالنترا (الشكل الجديد)

و قد عقدت النية و سأستخير الله عز و جل على شراء هذه السيارة

و لكننى سأشترى الفئة التى لا تحتوى على فرامل ABS !!!
فكنت أريد ان أسأل أهل الخبرة ؛ هل الفرامل ال ABS مهمة للغاية ؟؟ علما بأنى لست من هواة السرعة و لا أمشى على أى طرق منزلقة

أرجو منكم الرد و الافادة و لكم جزيل الشكر

[احمد على 1999]

رد محير
المشكلة ان في عوامل خارجة عن ارادتك ساعتها ال abs حيفرق
بعدين اكيد حبيت شكل وش العربية فال abs حيساعدك تحافظ عليه

[msfayad]

باختصار شديد ال ABS بيساعد فى حالات كتير وبيخلى العربيه under control فى وقت الضغط الشديد على الفرامل فى حاله ان حد وقف قدامك بسرعه او اى سبب تانى فالعربيه مبتتزحلقش او تاخد زاويه زى الفرامل العاديه
وللاسف ال ABS فيه ناس فكره انه للطرق المنزلقه فقط او الميه والثلج لا هو اساسا مانع لانغلاق العجله على اى سطح سواء اسفلت او مايه او تلج او عجله و عجله يعنى مثلا عجله فى تراب ناحيه اليمين وعجله على الاسفلت ناحيه الشمال عمر ما العربيه هتزحف وعجلها مقفول لا هتلاقى العربيه بتتحجم اكنك بتكارك فرامل بس بسرعه عاليه جدا طبعا كذا مره فى الثانيه الواحده (لو تعرف تكارك فرامل بالسرعه ديه يبقى نفض لل ABS
على فكره انا برده الحمد لله اشتريت العربيه بس لسه مستلمتش و قعت فى نفس الحوار ده ودورت كتييييييييييييييييييير وفى الاخر بصراحه مرضتش استخسر الفرق لانى فى الاخر هندم واقعد اقول ياريتنى كنت جبت ABS خصوصا انك متعرفش تركبه بعد كده بره صعب اوى مش زى جنط مثلا او xenon
يا رب اكون افدتك بمعلوماتى الضئيله

[dj etsh]

المشاركة الأصلية كتبت بواسطة msfayad باختصار شديد ال ABS بيساعد فى حالات كتير وبيخلى العربيه under control فى وقت الضغط الشديد على الفرامل فى حاله ان حد وقف قدامك بسرعه او اى سبب تانى فالعربيه مبتتزحلقش او تاخد زاويه زى الفرامل العاديه وللاسف ال ABS فيه ناس فكره انه للطرق المنزلقه فقط او الميه والثلج لا هو اساسا مانع لانغلاق العجله على اى سطح سواء اسفلت او مايه او تلج او عجله و عجله يعنى مثلا عجله فى تراب ناحيه اليمين وعجله على الاسفلت ناحيه الشمال عمر ما العربيه هتزحف وعجلها مقفول لا هتلاقى العربيه بتتحجم اكنك بتكارك فرامل بس بسرعه عاليه جدا طبعا كذا مره فى الثانيه الواحده (لو تعرف تكارك فرامل بالسرعه ديه يبقى نفض لل ABS على فكره انا برده الحمد لله اشتريت العربيه بس لسه مستلمتش و قعت فى نفس الحوار ده ودورت كتييييييييييييييييييير وفى الاخر بصراحه مرضتش استخسر الفرق لانى فى الاخر هندم واقعد اقول ياريتنى كنت جبت ABS خصوصا انك متعرفش تركبه بعد كده بره صعب اوى مش زى جنط مثلا او xenon يا رب اكون افدتك بمعلوماتى الضئيله

الف شكر على اهتمامك ؛ انت جبتها برضو من غير ABS ؟؟؟؟

[msfayad]

لا ياباشا جبتها ب ABS طبعا ادفع شويه زياده بس هتفرق اكيد معاك