|
|||||||
| فى رحــاب شهر رمضان قسم خاص للموضوعات عن الشهر الكريم والانشطة الخيرية فى رمضان |
 |
|
|
أدوات الموضوع |
|
|||||||
| فى رحــاب شهر رمضان قسم خاص للموضوعات عن الشهر الكريم والانشطة الخيرية فى رمضان |
|
|
|
أدوات الموضوع |
|
#1
07-08-2011, 02:40 AM
|
||||
|
||||
*||* أخي المصلي في المسجد في جماعة والمريض بالبرد أو الإنفلوانزا أو أي مرض معدي (صلي في بيتك وارحمنا الله يرحم أبوك) *||*
السلام عليكم ورحمة الله وبركاته وبعد كل عام وأنتم بخير بمناسبة شهر رمضان المبارك 1432 من هجرة سيدنا محمد صلى الله عليه وسلم أعصابي باظت وخربت النهاردة بعد ما واحد مسلم محترم نازل يصلي العشاء والتراويح في المسجد وهو مصاب بدور برد وحظي الجميل إنه كان جنبي وقاعد يعتص ويكح وحاجة صعبة جداً وإحنا يمينه وشماله نكتم في نفسنا يا أخي أرحمنا الله يرحم أبوك صلاة الجماعة غير مفروضة على المريض وخاصة المريض ذو مرض يعدي ويؤذي المسلمين إتقي الله يا أخي وصلي في بيتك وارحمنا وارحم نفسك من الذنوب اللي هتشيلها وتحطها فوق نفوخك عشان الأذى اللي سببته للمسلمين حولك إذا كان النبي محمد صلى الله عليه وسلم فرض علينا الإستحمام والإغتسال قبل صلاة الجمعة حتى لا يتئذى أي مسلم بأي أذى ولو بسيط فما بالك بمن ينزل ليصلي وهو مزكوم وينشر المرض في إثنين على الأقل من حوله حسبي الله ونعم الوكيل عليه وعلى كل من يفعل ذلك (يا رب إهديهم) إنه جهل ليس إلا يقول النبي صلى الله عليه وسيلم: إذا مرض العبد أو سافر كتب له ما كان يعمل من الأعمال وهو صحيح مقيم صدق رسول الله صلى الله عليه وسلم يعني حسناتك مضمونة وإنت نايم في بيتك أو في بيت والدك وبدون أذى للمسلمين عموماً البعض بيتواكل ويقول سيبها على الله وينزل وهو حالته برد وإنفلوانزا مبهدلاه ويقف في الصف هذا عليه أن يبشر بالجزاء الوافي عن كل أذى أصاب أي شخص حوله بسبب مرضه وهذا الكلام ينطبق على أي مرض معدي آخر حرام ولا يجوز لأي مسلم مريض بمرض معدي أن ينزل ليختلط بجماعة المسلمين في المسجد أو في أي مكان ويؤذيهم ولكن عليه أن يلزم بيته ليحمي نفسه من الأوزار والذنوب جتى يتم الله عليه الشفاء يقول النبي سيدنا محمد صلى الله عليه وسلم: من آذى مسماً فقد آذاني ومن آذاني فقد آذى الله ومن آذى الله يوشك أن يأخذه صدق رسول الله صلى الله عليه وسلم اللهم اشف كل مريض وارحم كل ميت والسلام عليكم ورحمة الله وبركاته -
__________________
التعديل الأخير تم بواسطة ahmed1981 ; 07-08-2011 الساعة 02:49 AM 
|
|
#2
07-08-2011, 03:09 AM
|
||||
|
||||
|
رد: *||* أخي المصلي في المسجد في جماعة والمريض بالبرد أو الإنفلوانزا أو أي مرض معدي (صلي في بيتك وارحمنا الله يرحم أبوك) *||*
احمد باشا معلش عندى دى امسحه فيا
ربنا يحفظك 
|
|
#3
07-08-2011, 04:20 AM
|
|||
|
|||
|
رد: *||* أخي المصلي في المسجد في جماعة والمريض بالبرد أو الإنفلوانزا أو أي مرض معدي (صلي في بيتك وارحمنا الله يرحم أبوك) *||*
يا ريت يا عم احمد تيجي علي اللي عنده برد بس
تعالي شوف اللي ضارب فحلين بصل قبل الصلاه وطول ماهو واقف جنبك فاتح بقه علي البحري زي التمساح وهو بيتشمس والريح بتاع البصل كله خارج عليك والله انا كان هيغم عليا قبل كدا كذا مره بسبب الموضوع ده بس مبعرفش اترك الصلاه وبستحمل
|
|
#4
07-08-2011, 04:39 AM
|
||||
|
||||
|
رد: *||* أخي المصلي في المسجد في جماعة والمريض بالبرد أو الإنفلوانزا أو أي مرض معدي (صلي في بيتك وارحمنا الله يرحم أبوك) *||*
المشكلة للاسف ان في عبادات الجماعة بتبقي اصعب وعشان كدة حتي بيبقي لها فقه خاص!!!
لان غير انك مشغول باحكام العبادة نفسها زي لو انت منفرد مثلا لازم كمان اكيد هتتعرض لمواقف من الجماعة المحيطة بك والموقف اللي حضرتك ذكرته دة من المواقف دي وطبعا يفترض بية انه فعلا لا يحضر ليعدي غيره ولكن للاسف هو برضة بيبقي مش حاسس انه عامل حاجه غلط ويقولك طب وفيها اية مش انا لوحدي اللي كدة او دة برد يعني حاجه بسيطة ان شاء الله وفي حاجات تانية كتير برضة مستفزة في صلاة الجماعة حتي في الحرم المكي نفسة التزاحم والخناق علي الاماكن وخصوصا في اوقات الذروة كرمضان والحج وكنت سمعت مرة عن الحج مثلا ان لو لقيت حاجه غلط تقول او لا تخيل انه قال لا متقولش ولا تتكلم لان هو جاي من بلدة ودارس الطريقة اللي هو عاملها دي ولو انت اتكلمت هتخش في جدال ولا جدال في الحج يبقي الحل اية ؟ مثلا الي بيعطس دة نحاول اما تغيير المكان منفعش امرك لله وحاول علي قد ما تقدر ماتركزش معاه وعشان متتضايقش في الصلاة بس ليس اكثر، ممكن مثلا تلتمس له العذر ان هو مثلا نفسه في الثواب او ممكن لو انت شايف انه اعتدي عليك تنبهه بطريقة بسيطة انك مثلا تديلة مناديل وموقف تاني سمعته من طفل كان بيقول لباباه بعد الصلاة هو لية عمو زقني انا بس وقالي ارجع ورا باباه حاول يقوله ان لازم الاطفال يصلو ورا الولد قالة الاول طب وهو انا طفل ؟ انا راجل ،.طب واشمعني الولدين اللي وراية مقالهمش كدة بصراحة الولد عنده حق يبقي نقول للاطفال دول اية اولا لازم الاب من قبل ما يروحو الجامع يبقي مفهم الولد الموضوع دة وعشان يقنعه طيب يقوله اية الطريقة التقليدية لو رجعت ورا هجيبلك حاجه حلوة وعادة مبتنفعش مع جيل اليومين دول وممكن بقي يقولة مثلا عشان انت هتقف ورا زي اللي بيحمو الناس زي المسلمين الاقوياء في الحرب بيخلوهم ورا او لو الولد بيحب الكورة اوي يقوله عشان زي حارس المرمي لانه اهم واحد في الماتش بيقف ورا وبكدة لو ولد سهل ممكن يوافق اما لو صعب خلاص بقي دة تسيبه في البيت! اللهم ارزقنا حسن التصرف والحكمة في الافعال جميعا شكرا للموضوع الجميل واعتذر للاطالة
|
|
| الكلمات الدليلية |
| المريض, المزكوم, إنفلوانزا |
|
|
