يا ريت الرد بسرعه وبلاش تريقه ارجوكم

[كنتوش]

متشكر جدا جدا ليكو يا جماعه على اهتمامكم ده واحساسكم بالواحد بس موضوع البيض ده واحد صاحبى اتعمل قدامه من سواق تاكسى وموضوع البن ده واحد بيعمله فى الوراق وزميلى ساكن جنبه وشافه وبيجيله ناس من كل مكان علشان يعملهم القصه والواد شافه بالصدفه وهو جايب بن واظن ان البن مش هيعمل متاهات ممكن البيض يعمل كده فعلا لكن البن مش هيعمل حاجه وطريقته كالتالى بنشيل خرطوم الميه اللى تحت وبعدين بنحط كمية بن وبعدين بنشيل الميه الخرطوم اللى خارج من الموتور بحيث ان الميه تخرج من الموتور على الارض ونوصل الخرطوم اللى تحت تانى كده الميه هتنزل على البن والبن هيمشى واى مكان فيه شرخ او خرم هيركز فيه ويسده والباقى الزيادات هتخرج على الارض مش على الرداتير لحد ما الميه اللى خارجه من الموتور تبقى نظيفه وبعدها اوصل الخرطوم للريداتير وبس
الكلام ده لو ما نفعش اعتقد انه مش هيضر ولا فيه حاجه مش واخد بالى منها

[احمد على 1999]

متابع ........................

[koashraf]

موضوع البن والبيض ده أول مره اسمعه..لكن اعرف ان فيه مواد كيماويه عباره عن عبوات بتتحط لنفس الغرض وهو سد الشقوق ولكنها غير منتشره واحيانا بشوف اعلانات ليها..فاسأل عن الموضوع ده وياريت لوحد من الاعضاء عنده معلومات بهذا الخصوص يفيدنا..

[M.TONSY]

انت لسة مقتنع بموضوع البن ده

[mr_astra]

روح عين شمس بالتحديد شارع 6 اكتوبر وادخل يمين من عند مكتبة الطفل ودى محطة اسمها محطة الوادى
اسال على" الحسن والحسين " بتاع المسامير ......هو مشهور جدا هناك
واما توصلة ان شاء الله اطلب منة المادة بتاعة شقوق وش السلندر لانى مش فاكر اسمها لكن هى عبوة حوالى ربع كيلو ولون العبوة احمر او بنى غامق والسائل اللى جواها لونة احمر وسعرها حوالى 23 جنية
وعند اى ميكانيكى بتروح بينزل مية الردياتير بالكامل وطبعا المية اللى جوة الموتور وبيدور الموتور حوالى 5 دقائق لغاية اما يسخن شوية ....وبعدين بيحط المادة المذكورة فى خرطوم سحب المياة اللى عادة بيكون فوق وبعدين بيركب خراطيم الموتور وبيزود مية وبامر الله بامر الله مش هتلاقى نقص فى المية ولا تسريب من الجوان والطرقة دى انا مجربها بنفسي
وربنا ييسر امورك ...ولك كل التحية