يا من يركب الصينى كيف ترى نفسك ؟ ... و كيف يراك الناس ؟

[Hussein_Rawi]

أنا بقى تقريبا اول واحد جاب عربية صينى فى الفيوم
وطبعا سمعت كلام كتيرررررر كله نقض فى العربية
تقريبا مفيش حد شكر فيها

لكن دلوقتى كله بيعتذر عن جهله وعن رأيه فى العربية مقدما
وأعتقد وخصوصا الأسبيرانزا فى الصينى خلاص محدش يقدر يتكلم أو يشكك فيها دلوقتى

[vortec]

أولا:سلام عليكم؟

أنا موافق تماما لرأي أ.ايهاب بس أنا بسافر الصين مرتين في السنة نظرا لظروف عمل والدي في التجارة وبنتعامل مع المصنعين شخصيا وأنا شايف من وجهة نظري ان المستقبل مش هيكون للياباني ولا حتي الأوروبي المستقبل كله هيكون صيني وأكبر دليل علي كدة الأزمة الاقتصادية اللي العالم بيمر بيها واللي ضربت قلعة وأساس صناعة السيارات في أمريكا وحتي شركة تويوتا أعلي مبيعات في العالم انضربت أقل سوق اتأثر بالأزمة هو السوق الصيني لأنه قائم علي أسس وقواعد راسخة . بالنسبة للتطوير الصيني في صناعة العربيات هنلاقيهم بيطوروا في المحركات والأجهزة الالكترونية ولكن في البودي الخارجي للسيارة يعتمد بنسبة 100%علي التقليد وأكبر دليل الشيري لما قلدت نيسان ألتيما في صناعة البودي الخارجي ولكن السيارة في الاستخدام أكتر من رائعة وملهاش أي مشاكل ولكن الطبيعي ان نجد الشعب المصري بيرفض أي شكل من أشكال التطور وده مع العلم ان الصيني حقق نسبة مبيعات كبيرة جدا في السوق المصري بس أبشرك ان الصيني هيتفوق قريبا جدا.

ENG.Mohamed Essam

[ihabyahia]

فعلاً
وبالمناسبة أنا لى مقولة من ثلاث سنوات بأقولها و هى :

المستقبل للصينى

[afakhry1]

السلام عليكم انا اخوكم فخرى انا اخدت اكبر خذوق فى حياتى لما فكرت اشترى عربية صينى وكانت شيرى 11 موديل 2005 وكانت غلطة حياتى ابتدت عندما اتممت 1000 كيلو متر قولت اطلع مراقيا والاسرة معايا والساعة 2 بالليل على الطريق الصحراوى وسرعتى كانت حوالى 160 لقيت العربية بتعمل صوت غريب وفجاء كل الانوار اطفت فرملت ولما وقفت العربية بطلت وفعدت حوالى ربع ساعة لحد اما اشتغلت تانى ولكن لم افدر ازود السرعة تقريبا عن 60 كيلو متر فى الساعة وطبعا العدادات مش شغالة المهم التوكيل رفض ياخدها من مراقيا اضطريت اسوقها لحد القاهرة المهم التوكيل ان لله وان اليه راجعون المهم العربيه فضلت فى ارابيزى لمدة 3 سنوات شوفت المرار فيهم من تغيير شاشة الالكترونى مرتين المره 2000 جنيه بالخناق وحجات تانية كتيره المهم قررت ابيعها وطبعا خسرت كتير حوالى 26 الف جنيه والحمد لله والحمد لله معايا نيسان صنى 2008 وطبعا عرفت يعنى اه ركوب العربيات المهم نصيحه اخويه لكل الاخوه لا تشتروا اى عربيه صينى ولو ببلاش السلام عليكم واسف لللاطاله

[Hussein_Rawi]

المشاركة الأصلية كتبت بواسطة afakhry1 السلام عليكم انا اخوكم فخرى انا اخدت اكبر خذوق فى حياتى لما فكرت اشترى عربية صينى وكانت شيرى 11 موديل 2005 وكانت غلطة حياتى ابتدت عندما اتممت 1000 كيلو متر قولت اطلع مراقيا والاسرة معايا والساعة 2 بالليل على الطريق الصحراوى وسرعتى كانت حوالى 160 لقيت العربية بتعمل صوت غريب وفجاء كل الانوار اطفت فرملت ولما وقفت العربية بطلت وفعدت حوالى ربع ساعة لحد اما اشتغلت تانى ولكن لم افدر ازود السرعة تقريبا عن 60 كيلو متر فى الساعة وطبعا العدادات مش شغالة المهم التوكيل رفض ياخدها من مراقيا اضطريت اسوقها لحد القاهرة المهم التوكيل ان لله وان اليه راجعون المهم العربيه فضلت فى ارابيزى لمدة 3 سنوات شوفت المرار فيهم من تغيير شاشة الالكترونى مرتين المره 2000 جنيه بالخناق وحجات تانية كتيره المهم قررت ابيعها وطبعا خسرت كتير حوالى 26 الف جنيه والحمد لله والحمد لله معايا نيسان صنى 2008 وطبعا عرفت يعنى اه ركوب العربيات المهم نصيحه اخويه لكل الاخوه لا تشتروا اى عربيه صينى ولو ببلاش السلام عليكم واسف لللاطاله

لا حول ولا قوة الا بالله ربنا يعوض عليك
بس دى مش علشان صينى ... ده حظ سيئ .. ووكيل أسوأ
أنا لى صديق أشترى لانسر 2007 أوتوماتيك كانت بحوالى 110 ألف وبعد 35 الف كيلو متر ... حصلت له مشاكل الدنيا وفى الأخر كارتة الكمبيوتر أتحرقت... كده كملت بقى معاه .... طبعا سب ولعن فى اللانسر وباعها وخسر فيها حوالى 40 ألف جنيه وفى الأخر أشترى بالفلوس الباقية فيرنا .. وقال هى البلد دى بتاعة فيرنا وبس
فهل اللانسر عربية سيئة ؟ طبعا هو حظه كده .
يعنى مش من حالة نحكم على عربية وعلى منتج