نظافه المصابيح الاماميه وحمايتها

[hyundai 2005]

المشاركة الأصلية كتبت بواسطة محمدصلاح القاضى الله ينور عليك هو دا الشغل :140109~34 7:

تسلم يا محمد من بعض ما عندكم

[miam0502788391]

شكرا على المشاركات المفيدة
طيب والسطح اللامع اللى جوه لو مطوس شوية ممكن يتلزق فعلا عليه ورق لاصق لامع ويزود الاضاءه ولا اى كلام ؟؟؟؟
لو حد جرب ياريت يفيدنا ويقول ازاى

[hyundai 2005]

المشاركة الأصلية كتبت بواسطة miam0502788391 شكرا على المشاركات المفيدة طيب والسطح اللامع اللى جوه لو مطوس شوية ممكن يتلزق فعلا عليه ورق لاصق لامع ويزود الاضاءه ولا اى كلام ؟؟؟؟ لو حد جرب ياريت يفيدنا ويقول ازاى

طبعا اي عربيه لو الوش بتاعها بيتفك بيتغسل وبعد كده في حلين لو الفانوس مسطح ممكن تروح تجيب زجاج مرايه من عند اي حد بتاع زجاج وتخليه يلزقها بسيلكون من جوه والنتيجه مبهره
اما الحل التاني لو فيه دورانات وكرفات يبقي لزق نيكل عالي الجوده يتلزق وبرضه حيحسن الاداء كتير جدا

[arif1973]

انا عندى لادا 2105 موديل 95 وفكيت المصابيح الامامية وكان عندى ورق المونيوم عريض زى السليتيب بتاع النقاشين عرض 5 سم وبطنت الفوانيس من جوه وركبتها زى ما كانت وما شاء الله نور ولا كلمه

[ramy safwt]

الله ينور

بص بالنسبة للعواكس الداخلية المعدن و العدسات بتاعة الفانوس

فى اسبراى فضة بيتباع فى شارع العسيلى عند بتوع ادوات النحت و الفن فى العتبة
و هو نفسه اللى بيتباع عند بتوع الاجهزة العلمية فى التحرير بس النحاتين بيبيعوه ارخص ب 75 ج التانين ب 105 مع انه نفس العبوة

المهم الاسبراى ده بدل ما تثقل المرايا و الكلام ده بيترش على اى سطح املس يحوله لمرايا بسيطة اهية و الطبقة اللى بتتكون بتكون معدنية و مقاومة للصداء و الحرارة و عاكس اخر الاجة

بالنسبة للفانوس من بره الاسيتون -مزيل المونيكير بتاع البنات - مع قماشة ملهاش وبر تمسح بيه الفانوس و بعد كده ترش عليه بورنيش تلميع الفوانيس و هيبقى زى الفل بلاش الصنفرة الله يكرمكم


موضوع الحماية بقى هو اللى مش لاقى ليه حل اخويا كان واخد العربية فى مره و بيركن لازم يبوس الرصيف بالاكصدام راح شارخ الفوج نصين و الحمد لله انها جت فى لمضه و ازاز

دية نحاول نفكر فيها مع بعض