#1
|
||||
|
||||
ارجوا الدعاء وكمان لو فيه نصيحه
السلام عليكم ورحمه الله وبركاته
عملت طقم شنبر من حوالي 6 شهور ولكن لقيت الزيت بينقص كل غيار حوالي كيلو المهم ان السياره مافيهاش اي دخنه فتشنا في السياره وجدنا اولسيه الكرنك وتم عمله لقينا الزيت بينقص بس اقل من الاول المهم مشيت بالسياره فتره بسيطه ووجدت لمبه الزيت بتنور عند لما اهدي العربيه وانا ماشي قال الميكانيكي ان احنا حكمنا الموتور من اعلي فغالبا السبيكه خفيفه حل من تحت ولقي فرده سبيكه خفيفه المهم اتصرف في فرده من عنده وسنفر الكرنك وقفل ومشيت العربيه زي الفل المهم امبارح لقيت دخنه زي عربيه الناموس ودخنه بيضا رحت للمكانيكي قال لي غالبا الشنبر نوعه وحش هههههههههه وايه المطلوب قال احنا نعمل الصح وننزل الموتور ونجيب نص كامل طبعا بالكرنك والسبيكه وطلمبه الزيت والبساتم وده اقل تكلفه من ان احنا نشتري طلبات ونروح للخراط وخلافه طيب ماشي بس دلوقتي النص ده يعني الفارغه كامله طيب كده دخلنا في موضوع تغير رقم موتور والسياره معايا توكيل بيها ومش عايز ادخل في متاهه المرور وللعلم العربيه من السويس وانا من الجيزه فيصل فقلتله احنا نغير كل حاجه ونركب الفارغه القديمه والحمد لله الشمايز جيده السؤال الاول هل فعلا ممكن يكون الشنبر ال تركب كان وحش ولا عيب ميكانيكي مع العلم الميكانيكي صاحب يعني ومبيشتغلنيش 2 هل كلامه مظبوط من ناحيه ان احنا نجيب استيراد احسن ونشترى دماغنا من البضاعه المغشوشه في السوق 3 ايه رايكم اركب الفارغه القديمه ولا اجيب نص كامل بالفارغه وامشي في موضوع المرور انا اسف للاطاله ومنتظر النصيحه من اهل الخبره
__________________
{الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً } |
#2
|
||||
|
||||
رد: ارجوا الدعاء وكمان لو فيه نصيحه
انت المفروض الراجل دا اصلا لا تتعامل معاة تانى وشوف حد غيرة لانة شاكلة كدة بيتعلم عليك ويجرب فيك
|
#3
|
||||
|
||||
رد: ارجوا الدعاء وكمان لو فيه نصيحه
طيب ما تجيب ماتور استيراد على بعضه و تمشى فى موضوع المرور و بالمرة تسجل عشان تطلع كارت البنزين
__________________
سبحانك لا علم لنا الا ما علمتنا |
#4
|
||||
|
||||
رد: ارجوا الدعاء وكمان لو فيه نصيحه
السلام عليكم
ازيك يا ابو جهاد والله انا شايف ان الميكانيكى ملهوش اى ذنب لو شغلة مش مظبوط ما تشتغلش 3 شهور كويس الفكرة كلها فى الخامة او البضاعة وقطع الغيار اللى فى البلد دى كلها مغشوشة ومضروبة وحاجة فعلا تزهق الحل الامثل من وجهه نظرى انك تجيب شورت بلوك بدون ادوات تغذية هايعمل حوالى 1750 جنية (كنت شارية شهر 4 2013) بالسعر دة وتبيع الشورت بلوك بتاعك لو بعتة لبتاع خردة هايجيب 350 جنية هانقول ان دول اجرة الميكانيكى يبقى التكلفى كلها 1750 جنية وموضوع المرور والله ما فيش مشكلة خالص حتى لو كان معاك توكيل التاجر هايديلك فاتورة اصل + صورة من الافراج الجمركى بتاع الموتور والمفروض يبعت اصل الافراج على مرور الدراسة هاتستنى حوالى شهر او اكتر وتروح تسال هناك فى الافراجات هل جة ولا لسة وبصراحة لو عاوز تخلص نفسك بينفع تجيب جواب من الدراسة للمرور اللى انت تبعة بيقول ان اصل الافراج وصل الدراسة والاصل يجى بقى على مهلة ملناش دعوة احنا وتاخد الجواب من الدراسة وتروح المرور بتاعك تفحص بالموتور الجديد عشان يتثبت فى الرخصة دة لو هاتنقل ملكية وخلى بالك مدينة السويس مش بتطلع شهادات براءة زمة وانما بيديلك جواب بالترخيص والتجديد بتروح المحكمة هناك بتاخد جواب موجهه للمرور بتاعك انك تجدد او تفحص لان المرور عندهم اتحرق انما لو شلنا مكونات الموتور بتاعك ونقلناها فى الموتور القديم فكرة مش هاتنجح صدقنى الشنبر طالما خرج من البستم مش بيقفل تانى كويس الشنبر عمل مكان فى الشميز بتاعة ما ينفعش يشتغل على شميز تانى دة انت لو بدلت بستم بالشنبر بتاعة مكان بستم تانى فى نفس البلوك هاينفخ زيت او لسة هايلين نصيحة بلاش كدة خااااااااااالص هاترمى فلوسك وتضيع وقتك والنتيجة حتمية الفشل
__________________
يااااااااااااا رب إرحمنا بقدرتك علينا |
#5
|
||||
|
||||
رد: ارجوا الدعاء وكمان لو فيه نصيحه
ربنا يكرمك وان شاء الله خير
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
|
|