فولكس فاجن سوران 2009 تقرير كامل و بالصور من انتاجى الشخصى حصرى على مصر موتورز

[YahiaAshraf]

بسم الله الرحمن الرحيم

انا عارف انى كونت عامل تقرير قبل كده عن السياره
بس كان اى كلام لانى كونت لسه مبتدىء بالمنتدى

و حبيت اعملكم تقرير محترم عن السياره

************************* *********

السياره موديل 2009
الفئه الفول اوبشنز مانوال
و ليست الهاى لاين مانوال

************************* ****
تم استلام السياره فى شهر 3 - 2010
موديل 2009
و سعرها الاساسى كان 99900 جنيه مصرى
و الهاى لاين ب 110 الف

بس كان عليها خصم الفول اوبشنز ل 90 الف

المهم دى صور من تصويرى الشخصى الاول
و بعدين نتكلم









































































************************* ************************

مميزات و اوبشنز السياره
*************************
تكيف
باور
سنتر
4زجاج كهرباء
4 وحدات رفع
2 مرايات كهرباء
قفل مركزى للابواب
كاسيت ( سى دى - mp3 - ريدر - فلاشه - يو اس بى )
بلوتوث

هاتف بلوتوث يعنى لو معاك موبايل فى بلوتوث ممكن تتصل و تيتقبل من غير متمسك الموبايل عن طريق مدخل الصوت فى السقف عند الانوار
و هتسمع الصوت واضح من خلال السماعات
6سماعات نقيه جدا
شكلها الخارجى يبدوا صغيرا نسبيا الى السيارات السيدان بس من جوه حكاية كانها ملعب كوره ههههههههه
صالون فخم جدا اول مرة اشوف صالون و فرش بالفخامة دى
اماكن تخزين كثيرة

بالنسبه لخامات التابلوه هى مش زى الباسات و الجيتا
هى اقل منهم جوده فى الخامات
لكن مقارنه بعربيات كتير جدا كويسه
و انا شايف ان الخامات كويسه جدا
و تقفيل ممتاز

كمبيوتر معلومات للسائق
2 مفتاح
( ريموت - عادى )
العربيه ما شاء الله عاليه جدا عن الارض
و بتاخد المطبات من غير اى حك نهائى مهما كان حجم المطبات
حتى لو مركب معايا ناس كتير

2 حزام امام امامى
و 3 خلفى
مخادع راس اماميه و خلفيه
عفشه ناعمه و جميله جدا
و كمان العربية فيها ميزة لما تفتح العربية من غير ما تدورها ممكن 2 دقيقة و تقفل لوحدها و كمان لما تيجى تفتح بالريموت انوار الصالون تفتح لوحدها
ثابته جدا على الطريق خصوصا انها عالية بث ثبات رائع خصوصا انى بسافربيها كتير حامل اكواب
موتور 1600 سىسى يولد 102 حصان
بس موتور حكاية
( منفس موتور الجيتا )
الابعاد :
طول السيارة 4166 مم بينما يبلغ عرضها 1654مم وارتفاعها 1547مم
سعه صندوق

الأمتعة إلى 1580 لتر بالإضافه إلى أماكن التخزين المختلفه من مكان للتليفون المحمول و2 زجاجه مياه لتر ونصف و 2 حامل أكواب فى الكونسول الأمامي و حامل

للجرائد فى الكراسي الخلفية و درج أسفل كرسي السائق.
طارة مالتى فانكشن
مساحة خلفية كاوتش عريض
على فكرة دى صناعة المانى تقفيل ارجنتينى و عاور اعلق على نقطة طبعا لما الناس بتسمع عن كده بتخاف ده مجرد علشان العمالة فقط لكن الجوده هى هى يعنى الباسات دلوقتى تقفيل صينى مع ذلك نفس الصناعة الحكاية مجرد تغير مكان بس الشغل ميه ميه
فوج لايت
طبعا الصيانات الدوريه بعملها دايما فى التوكيل
فرامل ebd و مفيهاش abs
فرش قماش جميل جدا
طاره مالتى فانكشن
الكاسيت فيه شاشة معلومات
بالرغم من أنها سيارة عائلية الا أن ذلك لا يتعارض مع آداء السيارة الرياضى فأقصى سرعة تصل إليها السيارة هى 170 كم/ساعة مع نسبة أستهلاك وقود إقتصادية 6.2 لتر لكل 100 كم.
يعنى موفرة جدا فى البنزين
التسارع من 0 الى 100كم/ساعة (ثانية) 13.3
صاج متين
حامل جرائد خلف


************************

اهم العيوب من وجهة نظرى

***********************

*التكيف كويس جدا
بس فى الجو الحر جدا جدا
لازم تعمله على 3 او 2
لكن بليل بعمله على 1 و بيبقى تلااااجه

* البطاريه بتاعت السياره توفت الى رحمة الله تعالى بعد سنتين فقط ( الاصليه )
مع انها جافه

* طرمبة المياه الاصليه للسياره ضربت بعد سنه

* شوية فيوزات اتغيرت

* صوت الموتور عالى لما بتكون بدوس بنزين و انت على الاول
لكن بمجرد انك بتنقل التانى الموتور بيبقى مش مسموع
لكن فى نفس الوقت ناااااعم جدا جدا
* العلامه الاماميه للسياره من الحجم الكبير
و مش هتلاقيها بسهوله فى السوق
لانى جربت بتاعت الباسات و الجيتا صغيره حاجه بسيطه
و هى من النوع الكليبسات

************************* **

بالنسبه للتوكيل


اسوأ توكيل فيكى يا مصر


**********************

بالنسبه لقطع الغيار غاليه جدا بالتوكيل

و انا لاقيت ليها قطع غيار خارج التوكيل
زى الطاسات و المرايات و الفوانيس الاماميه و الخلفيه

الحاجات دى موجوده فى الاسكندريه


و دى نماذج لاسعار قطع الغيار
طقم طاسات سوران اصلى : 1000 جنيه مصرى
داخل التوكيل

يعنى الطاسه ب 250 جنيه

خارج التوكيل : 60 جنيه الواحده استعمال

---------------------------------------

الكلاكس الاصلى ب 270 جنيه داخل التوكيل
------------------------------------------

طرمبه المياه الاصليه ب 1400 جنيه داخل التوكيل
--------------------------------------------

يارب التقرير ينال اعجابكم
و قريب هبقى اجيبلكم صور للموتور و المفتاح و الشنطه و هى مفتوحه


التقرير من اوله لاخره مش منقول نهائى وكله من مجهودى الشخصى
حتى الصور كلها من تصويرى الشخصى


ملحوظه
ممنوع منعا نهائيا نقل الموضوع لاى منتدى اخر


تم بحمد الله

YAHIA ASHRAF
: CONGRA~238::C ONGRA~238:

[Sniper1612]

ربنا يديك خيرها و يكفيك شرها و شر الطريق و هى عربية جميلة جداً

و تقبل مرورى

[YahiaAshraf]

المشاركة الأصلية كتبت بواسطة Sniper1612 ربنا يديك خيرها و يكفيك شرها و شر الطريق و هى عربية جميلة جداً و تقبل مرورى

الاجمل هو مرورك الكريم يا باشا

: CONGRA~238::C ONGRA~238:

[mostafa mamdouh]

شكرا على التقرير يا يحيى>>>> ممتاز كالعاده
بس للاسف التبلوه شكله فقير جدا جدا

[YahiaAshraf]

المشاركة الأصلية كتبت بواسطة mostafa mamdouh شكرا على التقرير يا يحيى>>>> ممتاز كالعاده بس للاسف التبلوه شكله فقير جدا جدا

انا معاك ان التابلوه شكله فقير ( مفيهوش الحاجات الكتير اللى بتبقى موجوده )
بس بيريح فى السواقه

يعنى مش بيلخمك و تفضل تدور ده فين و ده فين


و اشكرك يا باشا على مرورك الكريم

وجزاك الله كل خير