|
|||||||
| الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
 |
|
|
أدوات الموضوع |
|
#11
30-05-2009, 02:17 AM
|
||||
|
||||
رد: أدعو كافة الاعضاء للقراءة بعقلانية و دون هجوم بدون مبرر
بصراحة انا غير ناس كتير ممكن يكونوا بيبصوا على اسم العربية كماركة قبل اى حاجة
انا ببص على تاريخ العربية وعلى تصميمها واعتماديتها واقتصاديات تشغيلها فى طرقنا وقيمتها فى السوق وانتشار قطع غيارها وصيانتها اى حاجة تانية ثانوية بالنسبالى علشان كده عندى استعداد اشترى عربية زى الانوس او فيرنا او كيا برايد او جين تو او لايونسيل حتى ولو تجميع او تقفيل كولالمبورى مش صينى او مصرى كمان المهم التصميم عربية زى الايونسيل الصينى هى هى الانسر كريستالة يعنى بعد 100 الف كم على اقل تقدير يعنى بعد خمس سنين اللى هيوقع منها هلاقيلة قطع غيار يابانى وكورى وصينى ومن عزبة شلبى والحرفيين نفس الكلام على الانوس وعلى الكيا برايد وكل العربيات المعاد انتاجها تصميمات ناجحة حتى مع اعادة انتاجها بخامات اقل جودة مثلا هبقى كسبان مش خسران ده بالنسبة للتصميمات المعاد انتاجها بالنسبة للتصميمات الجديدة او بالاحرى التصميمات المجمعة اشى موتور متسوبيشى على عفشة تويوتا على صالون ستروين ديه حسبتها اصعب طبعاً ولازم اكون متاكد من توفر قطع الغيار ديه فى السوق بتاعنا وباسعار مقبولة ولازم اكون عارف ان قطع الغيار التانية (رفارف وكبوت واى اضافات صينية اخرى) سعرها كويس فى التوكيل وياريت تكون موجودة بره التوكيل بسعر معقول والكلام ده ينطبق على ال frv والشيرى والbyd ال byd استحالة اشتريها علشان توكيلها سىء جداً عن تجربة ال frv قطع غيارها غالية ومش متوفرة برة التوكيل الشيرى (سبيرانزا) التوكيل كويس وخبرتة فى الفئة ديه من العربيات (لانوس سابقاً) تشفع له بالاضافة لان قطع الغيار خرجت من عبائه التوكيل وبقت موجودة عند التجار بره فديه ممكن افكر فيها بس برضو المهم التصميم اما عن الطعم والمذاق والتقفيل ونوعية الخامات وملمسها والكلام ده مع احترامى مش محلة العربيات الصينى اللى موجودة فى السوق ولا محلة سوقنا اصلاً العربيات فى الفئات ديه مش مطلوب منها ان يكون لها طعم ومذاق وملمس المطلوب تكون عربية ترضى رغبات صاحبها وصيانتها وقطع غيارها متوفرين وبس 
|
|
#12
30-05-2009, 10:58 AM
|
||||
|
||||
|
رد: أدعو كافة الاعضاء للقراءة بعقلانية و دون هجوم بدون مبرر
كيف بدأ الصيني في مصر
أول القصيدة كان كفر شيري QQ و مابل ؟؟؟؟؟ البداية الحقيقية كانت مع أبو الفتوح و قام بتجميع شيري تحت اسم اسبيرانزا لتفادي السمعه السيئة و بكده بقي في عدد اتنين توكيل لشيري مقسمين الموديلات بينهم و لو اني اعتقد ان الموضوع مسألة وقت ليستأثر أبو الفتوح بـشيري طبعا كل من سبقني رد بما لا أنكره و أحب أن أضيف سمك الصاج لا يعني الأمان بل علي العكس تماما حتي بداية التسعينات كان هذا هو المفهوم السائد و لكن مع تزايد الاهتمام باختبارات الأمان وجد أن الصاج القوي في الحوادث الجسيمة بمثابة سكاكين تقطع الركاب لذلك تم تعديل التصميمات بوسائل أمان منها - تخفيف سمك الصاج - وضع قضبان حماية بتصميم معين حتي لا ينكسر أبدا في منطقة وجود الراكب - استخدام بعض المواد من البوليمرز كبديل للصاج كما في الرينو ميجان - استخدام الإيرباجز السيارات الصينية مازالت تعتمد الفكر القديم في الصاج السميك و هو ما لا يفيد إلا في الحوادث الخفيفة جدا التي لا تتخطي حكة صغيرة لماذا ، لأن هذا هو التصميم الأرخص و النتيجة أن هذه النوعية من السيارات الصينية لا تدخل أوروبا أو أمريكا المستقبل: المستقبل للسيارات الصيني ، في خلال 5 سنوات ستبدأ السيارات الصيني في توقعي باكتساح سوق السيارات في معاقل المصنعين المشاهير في أوروبا و أمريكا أما الآن و ما ينتج الآن فليس له مستقبل بعد ذلك لانها ستكون حتي بالنسبة لمصانع السيارات الصينية ماضي و انتهي
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#13
30-05-2009, 11:22 AM
|
||||
|
||||
|
رد: أدعو كافة الاعضاء للقراءة بعقلانية و دون هجوم بدون مبرر
حبيت بس اوضح ان مفيش فعلاً عربيات صينى فى امريكا واقرب ما وصلت ليه العربيات الصينى هى المكسيك وكانت الشيرى A113 تحت اسم دودج
|
|
#14
30-05-2009, 06:18 PM
|
|||
|
|||
|
رد: أدعو كافة الاعضاء للقراءة بعقلانية و دون هجوم بدون مبرر
اعزائى الاعضاء وكل من يقراء الموضوع دة
يمكن انا مش خبير كبير ب فنيات السيارات ويمكن خبرتى متكونش ال عن تجربتى فى انواع سيارت كثيرة بس ال اقدر احكم علية شى واحد بس ويمكن انا قولت قبل كدة سواء ان قبل العالم كلة وبما فيهم مصر بالسيارات الصينية او رفضها فان فى اقل من 10 اعوام سيكون السوق المصرى اغلبة سيارتن صينية اكثر من 70% منة سيارت صينية وهندية وفى العالم كلة ويمكن موضوع الازمة العالمية عجل من الموضوع دة ولان اغلب وكلاء السيارات فى مصر بدا فى الحصول على توكيلات سيارات صينية فدة مش لانهم يريدون دخول السيارات الصينية مصر كنوع جديد انما لان السوق فرض والمستهلك طلب ويبحث الان على ذلك فى ان السيارة يكون سعرها قليل وبها كمليات وبتالى الصين بقدر تحقق المعادلة دة هى والهند ولان الازمة العالمية فرضت على شركات تقليل انتاج ووقف انتاج مصانع ومع ذلك كل دة كان فى مصلحة المصنع الصينى والهندى
|
|
#15
30-05-2009, 08:45 PM
|
||||
|
||||
|
رد: أدعو كافة الاعضاء للقراءة بعقلانية و دون هجوم بدون مبرر
هوا الموضوع اتطرح بطريقة مش صح ،، متزعلشي مني يا اولد مان ،، الموضوع بصيغة يا اعداء الصيني ،، رايكم غلط !!!!!!!!!!! انا كنت عامل موضوع في منتدي اخر ،، باناقش فيه السيارات الصينية بس باسلوب اخر ،، امتي هتغيروا رايكم في السيارات الصينية ،، هانقله ان شاء الله المنتدي هنا ،، لما موضوع حضرتك ياخد وقته علي فكرة انا مش من أعداء الصيني انا من اعداء المخاطرة بس ،، و انتا في الصيني بتخاطر بتلت حاجات ،، 1- الجودة و الاعتمادية ..................... عشان مالهاش تاريخ و تجارب سابقه نحكم عليها 2- التوكيل ...................... معظم توكيلات الصيني في مصر مغموره باستناء ابو الفتوح و البافارية 3- توافر الصيانة و قطع الغيار و ما يترتب عليهم مستقبلا من اعادة البيع عشان كده لما حد بيسأل علي العربيات الصيني بقوله خليك مع اسبرانزا و بريليانس ،، نسبة المخاطرة اقل لقوة توكيلاتهم
__________________
|
|
|
|
