هل ممكن تركب عربية صيني

[aymanlaw]

المشاركة الأصلية كتبت بواسطة corsair علي ايه يا عم سعيد القلق اروح اجيب عربية صيني ويبقي مصيري زي مصير الاستاذ عماد وغيرهم كتير ونادرا لو نصيبي طلع زي ابو الاسعاد اللي شوفته انا ما بين كل 100 عربية صيني ممكن تلاقي بتاع 10 كويسين والباقي غرقان في المشاكل لكن بالنسبة لبقية العربيات ما بين كل 100 عربية ممكن تلاقي عربيتين تلاته فيهم مشاكل والباقي زي الفل والمشاكل كمان سهل حلها مش يبقي فيها مشاكل ومش عارف احلها وملهاش قطع غيار موجودة والاستاذ عماد يشهد علي كدا من الاخر مش هشتري صيني ولو فكرت في بيع الفيرنا هجيب لوجن

حضرتك بتتكلم عن تجربة واحد او100 ,مش ده محور الموضوع,اذا كنا بنتكلم عن سيارات يبقى لازم نتحدث بحيادية,يعنى جنرال موتورز سحبت العديد من سيارات كروز لوجود مشاكل وهذا هو الخبر(
وقالت شركة "جنرال موتورز", في بيان لها نقلته وكالة رويترز للانباء, إنها " ستستدعي أكثر من 154 ألف سيارة من طراز شيفرولية كروز الذي يلقى رواجا, للتأكد من أن جذع المقود جرى تركيبه بالطريقة الصحيحة", مشيرة إلى أن "من هذا العدد سيجري أيضا فحص أكثر من 120 ألف سيارة بناقل سرعة أوتوماتيكي للتأكد من صحة تركيب وصلة نقل السرعة".

وكانت شركة "جنرال موتورز" سحبت في شهر نيسان الماضي 2100 سيارة كروز لفحص عجلة القيادة.

وأنتجت "جنرال موتورز" السيارات المزمع سحبها في مصنع في لوردستاون بولاية أوهايو وباعتها في الولايات المتحدة وكندا.

وتعد "جنرال موتورز" ثاني أكبر منتج للسيارات في العالم بعد شركة "تويوتا", تأسست عام 1908, مقرها الرئيسي في مدينة ديترويت الأميركية, وهي توظف نحو 266 ألف موظف في مصانعها المنتشرة في 35 دولة، وقد حققت عام 2005 رقما قياسيا إذ باعت 9.15 مليون سيارة تحت أسماء كاديلاك، وبيويك، وشيفرليه، وجي أم سي وهمر وهولدن وجي أم دايو وأوبل وبونتياك وساب وساترن وفاكسهول, أما عام 2007 فقد جاءت الشركة بإيرادات بلغت 181 مليار دولار لكنها عانت من خسائر فادحة بلغت نحو 38.7 مليار دولار.)اظن كمان هناك أخبار عن موديلات أو شركات كبرى مثل تويوتا,المهم نخلص من كل هذا انه شىء وارد لوجود عيوب فى اى سيارة من أى نوع ,ولكن ان يخطأ الكبار فهذا هو بيت القصيد,ولكن ان يخطأ الصينيين,فهذا فى الوقت الحاضر شىء وارد,لذلك يجب ان يعلم الجميع ان من يذهب لشراء سيارة صينى فهو انسان عاقل كامل الاهلية يتصرف دون ضغط واقع عليه من احد ,وبعدين مش موديل فى ماركة يحدث فيه بعض المشاكل يبقى الصينى كله مشاكل كما إن هذه السيارات على وجه الخصوص يتم تجميهعا فى مصر ويتم العمل فيها بضمير للأسف كعادة المصريين اللذين يهم فى المقام الأول سوى تحقيق الربح مهما كان الثمن من خسارة السوق وانعدام الثقه.
يأخى العزيز اسأل نفسك سؤال ليه كل القوى الصناعية للسيارات اتجهت الى الصين واندمجت معها,يعنى احنا الى فهمنا الصينيين وهما لا,ولا إحنا الى مش فهمين اى حاجه للأسف.

[Devill Blood]

عايز رأى؟بالكاد الكورى قادر يثبت نفسه ذى ما بنشوف أى فيرنا بعد سنتين عاملة أزاى وخامات الألنترا بتاعت التابلوه اللى ذى البلاستيك.
أمال الصينى بقى نعمل معاه أى؟؟؟
الموضوع موضوع انت متوقع من عربيتك أى؟
بتاع الصينى يقولك هاتعطل بعد 3 سنين وبتاع الكورى 5 سنين وبتاع اليابانى 8 سنين وبتاع الألمانى 10 سنين مثلا يبقى احنا كده صح

[MANDO09]

والله الصينى طبعا بدأيثبت نفسه ولو حد فاكر الأدب بتاع ثانوية عامة لما كان بيقولك الأدب الاندلسى بقى قوى ازاى؟
1 - الترجمة
2 - المحاكاة
3 - الابداع
فانا شايف ان العربيات الصينى على نفس المنوال وعموما انا شايف انها متفرقش كتير أوى عن الكورى

[سيف الدين سعيد]

المشاركة الأصلية كتبت بواسطة corsair علي ايه يا عم سعيد القلق اروح اجيب عربية صيني ويبقي مصيري زي مصير الاستاذ عماد وغيرهم كتير ونادرا لو نصيبي طلع زي ابو الاسعاد اللي شوفته انا ما بين كل 100 عربية صيني ممكن تلاقي بتاع 10 كويسين والباقي غرقان في المشاكل لكن بالنسبة لبقية العربيات ما بين كل 100 عربية ممكن تلاقي عربيتين تلاته فيهم مشاكل والباقي زي الفل والمشاكل كمان سهل حلها مش يبقي فيها مشاكل ومش عارف احلها وملهاش قطع غيار موجودة والاستاذ عماد يشهد علي كدا من الاخر مش هشتري صيني ولو فكرت في بيع الفيرنا هجيب لوجن

ياراجل يا مفترى .
مانت عندك السيراتو ماليانه مشاكل .
وحتى النيسان بتاعة عم سعيد ناس كتير بيشتكوا منها من ساعة مابدأ تقفيلها فى مصر .
المشكله دائما بتظهر فى العربيات اللى بتتجمع هنا .
انا ركبت الإسبيرانزا اول ما نزلت من بلدها ولغاية ما بعتها بعد 3 سنين كانت العربيه كأنها خارجه من شركتها من اسبوع . وحتى استبنها لم يستعمل . ولم اشتكى منها الا فى نشوفية العفشه . ودا لأنها رياضيه .
ومعايا الجاك برضو صينى . تقفيل بلادها وماشاء الله عليها حدث ولا حرج .
والهيونداى بتاعة سيادتك ياعم أحمد سريعه آه . ممكن يكون التحضير بتاعها سريع . ودا ميزه حلوه برضو بس ناس كتير بيشتكوا منها من حيث عفشتها الضعيفه ونظام تعليقها وانخفاضها على الأرض . وضعفها من حيث الأمان . وخفة وزنها على السرعات العاليه .
انا شايف ان مش لازم جنان الشباب يخلينا نحكم على العربيه من وجهة نظر سرعة جريها وسحبها فقط . المشاكل موجوده فى كل ماركات السيارات حتى المرسيدس وال بى ام . نخلينا موضوعيين شويه فى اصدار احكامنا . ونجرب وبعدين نحكم .

[سيف الدين سعيد]

المشاركة الأصلية كتبت بواسطة Devill Blood عايز رأى؟بالكاد الكورى قادر يثبت نفسه ذى ما بنشوف أى فيرنا بعد سنتين عاملة أزاى وخامات الألنترا بتاعت التابلوه اللى ذى البلاستيك. أمال الصينى بقى نعمل معاه أى؟؟؟ الموضوع موضوع انت متوقع من عربيتك أى؟ بتاع الصينى يقولك هاتعطل بعد 3 سنين وبتاع الكورى 5 سنين وبتاع اليابانى 8 سنين وبتاع الألمانى 10 سنين مثلا يبقى احنا كده صح

لأ طبعا مش صح وباختلف مع حضرتك كتير . لأن كمان ممكن نحكم على العربيه من اللى راكبها .
يعنى مثلا انا ممكن اشترى عربيه بى ام أحدث موديل . وعشان اتمنظر بيها ادام شوية عيال من أصحابى أقوم آخد بيها غرز وخمسات وأأمرك وأحرق فيها . وأوعدك انها ممكن بعد اسبوع واحد تترمى فى مقبرة السيارات خرده .
احنا بنجيب السياره عشان تشيلنا وتحمينا من بهدلة المواصلات ولازم نكون احنا أكتر ناس نحافظ عليها مش نحرقها .