هل ممكن تركب عربية صيني

[abo-gamal]

للاسف جميع رجال الاعمال الذين يقومون بالاستيراد من الصين دائما يقومون بتحديد سعر متدنى جدا للسيارة وبالتالى نجد ان السيارة المستورده من الخارج خاماتها رديئة وممكن نلاحظ ده من فيديوهات الاعلانات لتلك السيارات فى الصين وقارن بينها وبين الموجود فى مصر
ناهيك عن موضوع تجميع السيارة من فيلم اغنيه يعنى ممكن تلاقى راكب موتور تويوتا مع عفشة لانسر مع فتيس صينى يعنى حاجة كده ملخبطة
اخر حاجة واهمها الثقة فى الصناعة الصينى يعنى ممكن تكون السيارة ممتازة ومحترمة ولكن عدم وجود الثقة فى كل ما هو صينى يخليك دائما قلقان وغير مرتاح بالمرة للسيارة

[s0144862631]

انا مع العربيات الصيني بفتكر حنه من فيلم جائنا البيان التالي مع محمد هنيدي
لما كان بيقول العلبة بتاعت اللبن 1/4 لتر كانت ب 5 جنيه
و بقدرة قادر العلبه اصبحت 1 لتر و برده ب 5 جنيه اكيد العلبه دي فيها فيل و في الاخر طلع الفيل هرمون يسبب السرطان
نطبق المثل على العربيات الصيني
لمل تبقى اللانسر ب 105 الف و فيها نص الاوبشنز اللي في اسبرانزا
و نلاقي الاسبرانزا ب 65 الف و فيها كل الابشن يبقى اكيد العربية فيها فيل
و الفيل هنا خامات رديئة توكيل تعبان قطع عمرها الافتراضي متدني
عوامل الامان صفر
و في مثال اخر
تيريوس 1 مستعمله موديل 2000 ب 45 الف
اكس بلوجن زيرو بكماليات و موتور 1500 سي سي وكاسيت و تكييف مش عارف ايه و دي فيدي و حوارات و ب 59 الف على ما اعتقد يبقى اكيد فيها فيل
و معلش محدش يقنعني ان شركة زي متسوبيشي هبله علشان تدي مواتيرها لمنافس يركبه عنده في عربياته و يوقف حاله اكيد لو عملت كده تبقى في حاجه غلط
وعلشان كده انا لم و لن افكر في الصيني

[BASSEM BESO]

يااستاذ سعيد وياكورسير ياحبيبى انا هوضحلكوا بطريقه بسيطه ومن غير متونش فيها نقاش كتييييييييييييييير :

انا اما جبت عربيتى كانت ب68.900 ج زيرو والفيرنا الكامله مانوال ساعتها كانت عامله 69.000 ج زيرو برده
السؤال انا ليه اخترت ال516 ومااخترتش الفيرنا ؟؟؟؟؟؟؟؟؟؟؟؟؟؟؟؟؟؟؟؟؟؟
الأجابه ببساطه لأن اللى محدش يعرفوا انى منت راكب فيرنا مانوال كامله موديل 2008 وبعتها قبل مااجيب الأسبرانزا يعنى جبتها وبعتها كده بدون سبب
لأ اكيد فى سبب وهو انى لقيت ال516 هتفدنى اكتر من ناحيه كل حاجه عن الفيرنا الا العفشه ودى مقدور عليها . ومش عايز اتكلم على عيوب الفيرنا عشان متزعلوش منى ولاعيوب النيسان برده على الرغم يااستاذ سعيد خالى معاه صنى سوبرصالون موديل 2009 ومريحاه على الأخر وبيشكر فيها لكن دايما يتواجه بعيوبها ولو عايزنى اتكلم فيها مفيش مشكله بس عشان النقاش ميخدناش لمرحله احنا مش عايزين نوصلها .
وفى الأخر دى مسأله اذواق واراء وكل منا له ميوله ورأيه الخاص ولا ايه رأيكوا

[s0144862631]

المشاركة الأصلية كتبت بواسطة BASSEM BESO يااستاذ سعيد وياكورسير ياحبيبى انا هوضحلكوا بطريقه بسيطه ومن غير متونش فيها نقاش كتييييييييييييييير : انا اما جبت عربيتى كانت ب68.900 ج زيرو والفيرنا الكامله مانوال ساعتها كانت عامله 69.000 ج زيرو برده السؤال انا ليه اخترت ال516 ومااخترتش الفيرنا ؟؟؟؟؟؟؟؟؟؟؟؟؟؟؟؟؟؟؟؟؟؟ الأجابه ببساطه لأن اللى محدش يعرفوا انى منت راكب فيرنا مانوال كامله موديل 2008 وبعتها قبل مااجيب الأسبرانزا يعنى جبتها وبعتها كده بدون سبب لأ اكيد فى سبب وهو انى لقيت ال516 هتفدنى اكتر من ناحيه كل حاجه عن الفيرنا الا العفشه ودى مقدور عليها . ومش عايز اتكلم على عيوب الفيرنا عشان متزعلوش منى ولاعيوب النيسان برده على الرغم يااستاذ سعيد خالى معاه صنى سوبرصالون موديل 2009 ومريحاه على الأخر وبيشكر فيها لكن دايما يتواجه بعيوبها ولو عايزنى اتكلم فيها مفيش مشكله بس عشان النقاش ميخدناش لمرحله احنا مش عايزين نوصلها . وفى الأخر دى مسأله اذواق واراء وكل منا له ميوله ورأيه الخاص ولا ايه رأيكوا

يا باسم قول رئيك و احنا لازم نحترمه وياعم قطع في النيسان يعني هي كانت مراة خالي مثلا قول و ما يهمكش حاجه قلي عاوزك قولي يعتك


ايه ده انا قلبت عبد الحليم ولا ايه

الاختلاف في الراي لا يفسد للود قضية
هي دي الديموقراطيه

المشاركة الأصلية كتبت بواسطة corsair علي ايه يا عم سعيد القلق اروح اجيب عربية صيني ويبقي مصيري زي مصير الاستاذ عماد وغيرهم كتير ونادرا لو نصيبي طلع زي ابو الاسعاد

المشاركة الأصلية كتبت بواسطة corsair اللي شوفته انا ما بين كل 100 عربية صيني ممكن تلاقي بتاع 10 كويسين والباقي غرقان في المشاكل لكن بالنسبة لبقية العربيات ما بين كل 100 عربية ممكن تلاقي عربيتين تلاته فيهم مشاكل والباقي زي الفل والمشاكل كمان سهل حلها مش يبقي فيها مشاكل ومش عارف احلها وملهاش قطع غيار موجودة والاستاذ عماد يشهد علي كدا من الاخر مش هشتري صيني ولو فكرت في بيع الفيرنا هجيب لوجن

والله ضحكتني

عموما انا وجه نظري اني لازم افكر و احكم عقلي اولا ثم اختار و انا معنديش مانع ان اركب صيني و هي بالفعل معايا

بالنسبه للصيني ففي عربياااااااااااااات لا تعد ولا تحصي من الصيني وفي منها الوحش و في منها الحلو و الاروع

وفي برضو عربيات مركات و شركات عن وجه نظري المتواضعه متستحقش لقب سياره من الاصل مش ادفع فيها مليم

اي عربيه لازم اشوف امكانياتها و قدراتها و كل حاجه فيها و اقيم ده بالنسبه لسعرها مقارنه باسعار العربيات التانيه

والله لو لقيت ان الصيني " او العربيه الي وقعت عليها اختياري " مقاومتها ومميزتها افضل من عيوبها " الي طبعا اي عربيه فيها عيوب مفيش حاجه كامله " فلي افكر بطريقه سلبيه وامنع نفسي من اختيار قد يكون صائب ؟؟؟؟

كل واحد فينا له طريقه في السواقه و طريقه استخدام و استهلاك
يعني في ناس مبتسافرش خالص كلو جوا البلد فاحتياجه لعربيه مثلا مساعدنا ناعمين جدا غير واحد مثلا كل شغلو طريق سريع فيحتاج الثبات علي حساب نعومه المساعدين وهكذا لو حسبنا كل قطعه في العربيه

فاسلم حل نفرد قدامنا ورقه كبيره بكل العربيات و الاسعار و نعيش بقي و نختار بدون تفكير عنصري
وبالتوفيق للجميع

تقبلو جميعا خالص تحياتي