حد جرب رينو فلوانس يفيدنا من تجربته

[haithamnc]

انا معايا الفلونس وهى يجب متابعتها من خلال التوكيل عشان كمان ميسقطش الضمان وكما هى ممكن يتحط فيها بنزين 92

[AGAMISTA]

انا شايف ان اغلب الناس بتشكر فيها بس المهم اسعار قطع الغيار كلها
بودى وميكانيكا

[ahmedama]

المشاركة الأصلية كتبت بواسطة r_elsewedy ربنا يباركلك فيها وبالنسبة لقطع الغيار اخبارها اية هل يمكن التعامل برة التوكيل في اي اعمال صيانة

لحد دلوقتى معملتش معايا اى حاجة
وكل حاجة ف التوكيل
مجربتش برة خالص

[thisisman]

أسعار قطع الغيار ايه نظامها ؟؟؟

[magelad]

المشاركة الأصلية كتبت بواسطة wael - mohamed اخي العزيز انا معايا فلوانس موديل 2012 وهلخص لك الموضوع في عدة نقاط 1- من حيث الشكل والكماليات العربية فوق الممتازة والصالون واسع جدا والكراسي مريحة والعدادات شيك وواضحة والكماليات الداخلية غزيرة جدا . 2- من حيث الثبات العربية ثابته جدا وانا جربتها على180 وكنت محمل فيها وراجع من الغردقة كانت جميلة جدا والعفشة جيدة جدا 3- من حيث السحب فالسحب فب الاول ضعيف شوية ولكن بعد ال60 العربية كويسة جدا بالنسبة لي على الاقل علشان انا بعتبرها عربية عائلية وقورة مش رياضية 4- من حيث الشنطة فحجمها كويس جدا والعربية عالية عن الارض حتى في حالة التحميل 5- من حيث صوت الموتور والنعومة فالعربية ناعمة ولكن لا تقارن بالياباني مثلا 6- استهلاك البنزين عادي بالنسبة لفئة 1600 وان كان بيزيد مع التكييف وسط البلد طبعا 7- الفرامل ممتازة وعن تجربة الحقيقة فوق الممتازة اما التكييف فمعقول بالنسبة للسيارات الاوربية الصنع انا عامل بالعربية 10000 لم يظهر حتى الان مشاكل كبيرة والحمد لله وعلى فكرة هي عربية جميلة تشتريها علشان تركبها وتتمتع بيها مش تتاجر بيها علشان متخسرش ارجو ان اكون افدتك وانا متواجد للرد على اي استفسار في حدود معلوماتي

ارجو التكرم بالرد على اسئلتى
1- بالنسبة ان موتورها 105 حصان بس - ده كفاية عليها
2- ايه اخبار قوة التكييف جوه البلد
3- ما هى بلد الصنع
4- هل مشكلة مؤشر البنزين تم حلها

وشكرا للافادة