اللي بيفكر يظبط العربية يجي يشوف حالي

[esafegypt]

حرام عليك اوع تديها ل ابوك انت مستغنى عنه وال ايه ده خليها معاك لغايه ما امر الله ييجى عليها دى موش عربية بالطريقة اللى انت بتحكى عليها ده كابوس
انا كان عندى اللادا 2105 كنت اخرج بيها مره و اوديها للميكانيكى مره وكنا ماشيين على النظام ده كتير خروجه مره وميكانيكى مره لغايه ما ابويا اتخنق وراح مصلح كل اللى فيها وصرف له بتاع 3000 جنية ولما خلص خالص تصليحها راح بايعها و قبلها كانت فيات 124 بس كانت كويسه مكنتش تروح لميكانيكى ابدا كانت ديما تروح لسمكرى علشان اختى كانت ديما تخبطها لغايه ما اخر خبطة دخلت بيها فى اوتوبيس بتاع مدرسة بس الحمد لله ربنا ستر وجت سليمه بس العربية اتخرشمت والاوتوبيس اتدمر وساعتها احترمت العربية ال 124 جدا لانها لما دخلت فى اوتوبيس دمرته هههههههههههههههه اييييييييييه كانت ايام حلوة
المهم كان فى 127 مع نسيبى ومطلعة عينة وماشية بنظام اللادا تشتغل اسبوع وتروح للميكانيكى تريح عنده يومين او 3 بس هو تقريبا اتعود على النظام فخلاص وهو اساسا كده كده البنزين موش موجود فالموضوع ميزعلش عادى المشي رياضة بس فعلا العربية اللى تفتح فى المصاريف يا اما تشدها بسرعة او تولع فيها او تبيعها بسرعة وتسيب اللى هيشتريها يظبطها لنفسة

[hishamtoot]

أرجوكم أفيدونى ... معروض علية عرية كانشيل موديل 2000 .. سعرها كام و سعر إعادة البيع هايكون كام بعد حوالى سنتين
العربيات القديمة منها ما بقتش بشوفها
العربية دة فشلت و لا اية ؟؟؟و هية الأحسن و لا الماروتى 2000 و لا ماتيز 2000

[hishamtoot]

معايا كانشيل 98 و بحط 2 كيلو زيت فى الماتور بيطلع المفاس فوق الF الكلام دة مظبوط و لا المقاس بتاع الزيت مش بتاع العربية ؟؟؟

[Vanditta]

بص يا استاذ اشرف اللى يشوف بلوة غيرة تهون علية بلوتة
انا هاقولك بلوتى يمكن تهون عليك بلوتك
بدون ما ادخل فى تفاصيل عشان ماطولش
عربيتى القديمة فى خلال سنة صرفت عليها ما يقرب من 5000جنية او اكتر على الموتور والعفشة دة غير البهدلة عند الصنايعية دة غير الاعطال المفاجأة اللى مابتجيش الا اما تكون فى أمس الحاجة للعربية (عندك شغل الصبح - رايح فرح -رايح مشوار مهم - فى طريق زحمة - على طريق سريع .....الخ):w6w200504112220 146b
دة غير قطع غيارها اللى ماكانتش موجودة لدرجة انى قعدت ادور على جزء فى عصاية الفتيس ييجى 3 شهور مش لاقية وكنت ماشى طول الفترة دى اولانى تالت على طوول عشان المارش كان سوستة وتانى والعصاية كانت بايظة فكنت اما اجيب التانى الفتيس ينعر
وبعد البهدلة دى كلها والمصاريف دى كلها لاقيت الموتور رزع والعربية محتاجة موتور وبعتها بخسارة عن تمنها ييجى ب 4000 جنية
الحمد لله


بس فعلا زى ماحضرتك بتقول العربية احيانا تحس انها مش طاييقة اللى بيسوقها ولو طايلة تتقلب بية هاتتقلب

[myson medo]

ربنا يعينك وبالتوفيق