مساعدة فى تعديل فيات 125

[kesho125]

السلامـ عليكم ورحمة الله وبركاته
اذيكم يا جماعه يارب تكونو كلكم بخير
انا معايا فيات 125 دلوقتى انا بشدها فمحتاج مساعدتكم اوى
انا عملت شغل السمكره لانها كان فيها مرمات كتير شويه وكله تمام
انا دلوقتى ادتها فيلر وركنتها عاوز اعمل اكصدمات وعتب فيبر ياريت اللى يعرف سعرها كام بالظبط وياريت لو حد يعرف حد فى الحرفيين ممكن اروحله اوكى
وكمان عاوز اغير التابلوه فهل عندى يركب تابلوه الاوبل الكورسا لانى شفته راكب فى 128 وكان بصراحه تحفه
وعاوز كمان رايكم لانى عاوز اوطى العربيه واركبلها جنط 17 لانى شفته فى 124 وكنت عاوز اسال صاحبها هوه عملها تعديل ولا لاء بس للاسف ملحقتش ... منتظر الرد
وجزاكمـ الله كل خير
ونردهلكم فى الافراح

[kesho125]

وياريت عاوز اغير الشبكة الاماميه دى من الشكل ده لان ده شكلها العادى


للشكل ده

[ابوشروق]

اولا ارحب بيك عضو بين اخوانك فى المنتدى وعلى فكرة اخوك معاه 125برضو من ناحيت العتب والفيبر مش هقدر افيدك لاكن من ناحية التابلوه بتاع الاوبل كنز مش هينفع هيبقا صغير لاكن فى واحد صاحبى كهربائى نصحنى بتبلو لادا 2107 الحديثه وقالى هشغلك كل العدادت حتى rbm وقالى سعره 500 جنيه فى عزبة شلبى بمسطرد وعلى فكره هو شاطر قوى لواحتجت تعمل الكهرباء وعيزك تعرفنى على السمكرى عشان انا ناوى اشد العربيه قريبا ويريت تفرجنى على صور العربيه لما تخلصها ان شاء الله وتفرجنى على شغل الفيبر عشان اعمل زيه ولك تمنياتى بلتوفيق

[hazem_khidr]

اهلا و سهلا بيك في مصر موتورز
ال 125 عربيه اصيله و محترمه و شافت معايا ايام حلوه
بالنسبه للتعديل حيبقي شكله بايخ جدا عليها
افضل حاجه تعمل سمكره مضبوطه و نضيفه و دهان كويس
و تركب كل حاجتها الاصليه و تشوف اكصدامتها الاصليه و تركبها
علشان تبقي شبه الصوره في توقيعك
الاكصدامات حتلاقيها غاليه لو موجوده بس تستاهل و ممكن تشوف اكصدامات البولندي حتركب برضه
و تجيب طاره دركسيون ابارث استعما حتركب من غير تعديل و حيبقي شكلها شيك
و الشبكه النيكل الاصليه برضه و طقم جنوط 14 ما تزودش عن كده مش حتستحمل
و حتلاقي العربيه واقفه نضيفه و فايقه
انما اي لعب حيخلي شكلها مش كويس ابدا

[kesho125]

المشاركة الأصلية كتبت بواسطة ابوشروق اولا ارحب بيك عضو بين اخوانك فى المنتدى وعلى فكرة اخوك معاه 125برضو من ناحيت العتب والفيبر مش هقدر افيدك لاكن من ناحية التابلوه بتاع الاوبل كنز مش هينفع هيبقا صغير لاكن فى واحد صاحبى كهربائى نصحنى بتبلو لادا 2107 الحديثه وقالى هشغلك كل العدادت حتى rbm وقالى سعره 500 جنيه فى عزبة شلبى بمسطرد وعلى فكره هو شاطر قوى لواحتجت تعمل الكهرباء وعيزك تعرفنى على السمكرى عشان انا ناوى اشد العربيه قريبا ويريت تفرجنى على صور العربيه لما تخلصها ان شاء الله وتفرجنى على شغل الفيبر عشان اعمل زيه ولك تمنياتى بلتوفيق

اهلا بيك يا ابو شروق ومتشكر اوى على الاهتمام بص يا باشا في واحد كهربائى قالى حكايه تابلوه اللادا ده بص هوه هيبقى اشيك من تابلوه العربيه الاصلى وممكن انزل عزبة شلبى اشوفه بس هوه انا هلاقيه جديد ولا مستعمل ؟؟
وياباشا بالنسبه للسمكرى هوه ماشاء الله عليه صنايعى وبيتقى الله فى شغله اوى لو حابب اعرفك عليه معنديش مانع وعلى فكره هوه فى الهرم
وعلى فكره انا هصورلك العربيه بس لسه شويه يعنى لانى لسه في شغل كتير عاوز اعمله وبما انك معاك 125 خد الموقع ده جااااامد مووووت هتشوف العربيه دى معمول فيها ايه بس اوعى تتعقد لان اخوك اتعقد جدا هههههههه
http://www.fiat125sportclub.com. ar/
هوه للاسف مش انجليزى ادخل على fotos واتفرج وادعيلى ...