حصريا: تغطية وصول سـيــتــي 2012 الى مصر - أسعار ومواصفات وصور و مقارنه بالصور بين موديل2009و 2012

[YahiaAshraf]

حصريا: تغطية وصول سـيــتــي 2012 الى مصر - أسعار ومواصفات وصور

السلام عليكم
اعلن توكيل الفطيم في مصر عن نزول السياره هوندا سيتي 2012 الى مصر وهو الفيس ليفت للشكل القديم من 2009 الى 2011.
واليكم التفاصيل التي استطعت ان اجمعها واعذروني لو في أي خطا لاني مجمع المعلومات من اكتر من مصدر ومن الوكيل.








أولا : الفئات والاسعار
السيتي 2012 هتنزل في فئتين الفئه الاساسيه و هيكون تمنها 132الف والهاي لاين و تمنها 143الف ولكل اللي عارف الفروقات اللي في الموديلات القديمه احب ااكد ان تقريبا نفس فرق الكماليات تقريبا موجود في الشكل الجديد

الفئه الاساسيه فيها:
عدد 2 ايرباج - فرامل ABS و EBD - اتوماتيك 5 نقلات - كاسيت سي دي و ام بي ثري - وصله يو اس بي و اوكس - سماعتين اماميتين - طاسات على جنط 15 - امبوليزر للمفتاح لمنع السرقه - مرايات كهرباء - زجاج اوتو للسائق - قواعد موتور قابله للكسر عند حدوث حوادث قويه وذلك لمنع السياره من الانقلاب - شاشه معلومات عن استهلاك البنزين - التحكم في ارتفاع المصابيح الاماميه - التحكم في ارتفاع عجلة القياده
السعر: 132 الف جنيه مصري

الهاي لاين تزيد:
جنوط اسبور 16 بوصه - فتيس ستيب ترونيك 5 نقلات مع ناقل بالطاره - اشارات في المرايات - ملتي فنكشون للتحكم بالكاسيت من الطاره - 4 سماعات - جهاز انذار بريموت - فوانيس شبوره - اضائه خريطه - مسند يد خلفي - مسند يد امامي - كنب خلفي قابل للطي - اكر نيكل - ارتفاع كرسي السائق قابل للتغيير
السعر: 143 الف جنيه مصري


ثانيا: المحرك
المحرك هو نفسه محرك الفئه السابقه وهو 1500 سي سي و 118 حصان بتقنيه I-VTEC وخمس نقلات اتوماتيك او ستيبترونيك في الهاي لاين ومفيش اي تعديلات في المحرك او الجير بوكس. والميزه الكبرى للمحرك ده عن تجربه شخصيه استهلاكه القليل جدا للبنزين عشان فيه 8 بوجيهات مش 4 والحرق بتاع البنزين بيكون افضل اكيد.



ثالثا: الصور
ملحوظه: ده مش صور موديل مصر بس هحاول قدر الامكان تقريب وجهات النظر




































رابعا: الالوان المتوفره
سلفر فاتح - فيراني غامق - ابيض - نبيتي - اسود - والجديد بني غامق
تم الغاء اللون الازرق والاحمر الناري





خامسا: الفرق بين موديل 2012 وبين الموديل السابق:

طبعا موديل 2012 للاسف مفهوش تعديلات جامده كلها حاجات بسيطه جدا وتتلخص في الاتي:













1- شبكه اماميه جديده
2- اكصدام امامي وخلفي مختلف مع خلفيه سوداء لضوء الشبوره الامامي
3- كساحات خلفيه مع ضوء شبوره خلفي
4- جنوط جديده - اسواء من الجنوط القديمه في رائي
5- فانوس خلفي جديد
6- العدادات لونها اصبح ازرق
7-ال Paddle Shift اصبحت جلد بدل نيكل
8- الوان جديده - احمر و بني
9- كبوت جديد
10- خامات افضل لفرش الكراسي
11- السياره اعلى من الارض عن الموديل السابق بنصف سنتي

ملحوظه: نظام الاكو درايف وفتحة السقف ومثبت السرعه منزلوش في مصر مع انهم موجودين في موديل 2012 خارج مصر.



الموضوع من تجميعي الشخصي. اتمنى ان يعجبكم
منقول

[Marlborooo]

تقرير جااااااااامد يا ريس بس ده العادي بتاعك

بس بخصوص الهوندا سيتي انا مبقتنعش بيها ،
اولا سعر قطع غيارها غاااااالية زي السيفيك مع فرق العربيتين
ثانيا مش نفس احساس السواقة يتاع السيفيك
ثالثا بتخسسسسسسسسسسسر جامد في سعر اعادة البيع

فبصراحة بعتبرها صفقة خسرانة ، وعايز اعرف رأيك يا استاذ يحي

[YahiaAshraf]

المشاركة الأصلية كتبت بواسطة ابو الشوق كاديلك تقرير جااااااااامد يا ريس بس ده العادي بتاعك بس بخصوص الهوندا سيتي انا مبقتنعش بيها ، اولا سعر قطع غيارها غاااااالية زي السيفيك مع فرق العربيتين ثانيا مش نفس احساس السواقة يتاع السيفيك ثالثا بتخسسسسسسسسسسسر جامد في سعر اعادة البيع فبصراحة بعتبرها صفقة خسرانة ، وعايز اعرف رأيك يا استاذ يحي

متشكر جدا يك يا باشا على مرورك الكريم

انامعاك ان اليبتى بتخسر
بس انا اعرف ان الكلام ده فى الشكل القديم

بالنسبه للشكل الجديد معرفش الصراحه

بس الشكل الجديد شكله بيعجبنى جدا

و جذاب

تحياتى

[sherifabden]

تقرير رائع
تسلم

بس انا مبحبش عربيات الهوندا عموما
لانك تحس انها عربيات قبيحة جدا
لحد دلوقتي اليابانيين مش عارفين يطلعوا عربية شكلها حلو (الا اللانسر القرش)
وتقبل تحياتي

[YahiaAshraf]

المشاركة الأصلية كتبت بواسطة sherifabden تقرير رائع تسلم بس انا مبحبش عربيات الهوندا عموما لانك تحس انها عربيات قبيحة جدا لحد دلوقتي اليابانيين مش عارفين يطلعوا عربية شكلها حلو (الا اللانسر القرش) وتقبل تحياتي

:lov eu: