أستقالة حسنى مبارك من رئاسة الحزب الوطنى الديمقراطى

[د.كمال]

لا حول ولا قوه إلا بالله .....كل دول ثوره الشباب شالتهم ....مين كان يصدق إن يحصل ده من إسبوعين .
شباب الثوره دول معلش يعنى ليهم حق ودين فى جبين كل مصرى واللى ينكر كده يبقى,,,,,,.

[cheetosmini]

يارب القرارات دى تهدى الناس

[NicEgypt]

المشاركة الأصلية كتبت بواسطة samirayad أعتقد كده لاحت لنا وبرزت معالم توافر حسن النيه وبشائر الخير تجاه الشعب المصرى من قبل السيد الرئيس ويجب على الشعب حاليا أحترام وجهة نظر السيد الرئيس فى قراراته الأخيره وفض هذه المظاهرات فورا والإلتفات لمصالحنا وأعادة بناء ماتحطم من مصرنا الحبيبه _________________________ _____ فمعنا حاليا رغبة السيد الرئيس فى أنقاذنا كمصريين ولا نعلم نوايا الآخرين ممن يريدون الأصطياد فى الماء العكر

استاذ سمير ... ازي حضرتك
المشكلة ان الراجل دة عسكري .. ولا يقبل الهزيمة
وحضرتك عارف معنى رجل عسكري منذ الصغر للكبر ودة لة معنى واحد
انة هيخلص حقة واحد ورا التانى بكل هدوء وعقلانية وبدون محد ما يحس
والاعلام علية سحابة سودة من زمان وتعتيم على الاعلام كامل ومحدش هيعرف حاجة
وان كان ع العدد فحضرتك عارف ان الانسان المدرب عسكرياَ وحياتة عسكرية لا يهمة العدد
ولا يخاف ابداَ .. والهزيمة بالنسبة لة شيئ مؤلم جداَ ويتحقق فى كلمة التنازل .. اذن التنازل هزيمة
فالخوف ان الناس دى هتتشد ورا بعض .. طال الزمن او قصر ... دى كانت النقطة الاولي ..
النقطة التانية .. الانترنت اللى رجع لمصر
رجع للاسباب معلومة جداَ .. لم يرجع هبأ .. واكبر دليل .. ان المطارات والبنوك مازالت تعانى من
مشكلة الانترنت ! رغم انها رجعت لنا كأشخاص عاديين ! لان الهدف هو الشعب ... انا دوخت انهاردة
على مكنة ATM .. كذلك المطار .. اتصلت كتير واخر مرة من خمس دقائق اي الساعة 12 ونصف صباح يوم الاحد ... بعد منتصف ليل السبت .. وكان الرد كالعادة " عفوا .. لا يمكننا اتمام مكالمتك لانقطاع شبكات الانترنت فى مصر " ... اتصلت بصديق يعمل فى المطار بمكانة مرموقة وجيدة
يعنى مش موظف .. وحاول كتير وللاسف مقدرش يعمل حاجة ! وطلب منى انى اروح المطار وادوخ
وانا وحظى وهيحاول يساعدنى ف اللف معايا ! .. ودة يأكد معنى وصول الانترنت لنا وانقطاعة
عن مصالح كثيرة داخل البلد .بعيداّ عن اراء الناس فى بقاءة او عدمة .. بقاءة لة تمن .. وعدم بقاءة لة ايضاَ تمن .. والعقول تميز وتعلم الفرق بين هذا وذاك والاتنين لهم حسابتهم وعقابهم للمتظاهرين وعواقبهم ايضاَ . ويمكن دة اللى مخوف الناس من بقاءة انة يخلص طارة والله اعلم وانا حيران ومعرفش يعملو اللى يعجبهم ويريحهم .. بدعي ربنا يصلح الحال والبلد تتظبط ونشوف شغلنا واكلنا وشربنا

[MmFFoR]

كل القرارات في المرحلة القادمة حتبقى قرارات مايعة و ليس لها طعم و بتلف و تدور ! حيشيل الدو و يحط شاهين و بلاها نادية اتجوز سوسن
و في الاخر مفيش اي مطلب حيتحقق! كل اللي بيحصل حاليا من اجل شق الصف في الشارع المصري
و اخر اللي هوا بيعمله (مع شوية طبل و زمر من الاعلام المصري ) حتلاقي فعلا مظاهرة مليونية في الاخر بتهتف بيه و بحياته و بالاصرار على بقائه في الحكم حتى اخر نفس!
و مفيش حاجه حتكون اتغيرت اصلا في مصر غير تعديل وزاري و كام شوية اقالات كده و كده و ناس يتحقق معاها و هبل ! يقولوا العادلي اعتقل و بعدين يقولوا مين اللي قال الكلام ده معتقلش ولا حاجة خبر اعتقال العادلي في كل القنوات المحلية و الدولية و نفي اعتقاله سطر صغير جدا في قناة المحور
يقولوا حجزوا على عز و بعدين يقولوا محصلش (حجزوا على عز في كل القنوات و النفي يكون بخط صغير في قناة دريم
يقولوا منع سفر لفلان و علان و هما في الامارات اساسا من يوم الاربعاء اللي قبل اللي فات!
كل اللي بيحصل انه مبيحصلش حاجة غير تضليل اعلامي زي اللي عمله هامان على شعب مصر علشان خاطر فرعون
هامان هنا هو انس الفقي منه لله
يا مصريين فوقوا! والله لازم تفوقوا قبل ما ييجي قلم على قفانا كلنا يفوقنا بعد فوات الاوان و احنا كلنا في معتقل كبير!
شكرا لكل شاب و فتاه في ميدان التحرير اللي كانوا السبب اننا بنتكلم دلوقتي بحرية و من غير خوف

[MIDO-SPICY]

عم احمد التليفزيونات كلها - الحياهخ ودريم والمحور لغايه الساعه 12 بالليل بتقول ان حسنى ماستقالش