استشارة عاجلة,ايهما افضل واكثر اعتمادية(افيو,فيرنا 2013)

[wafa ali]

ناوى ان شاء الله اجيب عربية زيرو تقسيط فى حدود (75 الى 85 الف )
بعض طول بحث وقراءة مقارنات كثيرة كان الااختيارات بين ثلاث عربيات (أفيو,فيرنا ,لوجان )
ولكن بعد الارتفاع الجنونى للوجان (10000 زيادة ) وعدم رضا بعض من اشتروها ,تم استبعادها من الخيارات لأنها لا تستحق هذا الثمن المبالغ فيه بعد الزيادة
اذن الاختيار بين ألافيو والفيرنا (مع العلم طبعا ان الافيو اغلى بحوالى 10000 جنيه عن الفيرنا
انا اعرف ناس معاهم افيو 2012 وبيشكرو فيها ومافهاش مشاكل زى الموديلات السابقة بس هما بيقولوا ان العفشة ناشفة شوية
اما الفيرنا,فهى معروفة للجميع
مع العلم اننى لما ركبت الافيو والفيرنا فى المعرض ,كنت مستريح للافيو اكثر بكتير من الفيرنا
وذلك لوسع الصالون وجودة خاماته وشكلها الجميل وارتفاعها عن الارض طبعا

عموما انا احتياجاتى هى (عربية عائلية ,صالون واسع ,شنطة كبيرة ,عفشة قوية ونفس الوقت ناعمة ,استهلاك بنزين وصيانة منخفض التكلفة )
الرجاء من خبراء المنتدى مساعدتى فى الاختيار المناسب وهل فرق السعر بين الافيو والفرنا يستحق ام لا

[ahmed el gendy]

انا كنت ف نفس الحيره اللي انت فيها وفي النهايه فضلت المضمون علي الشكل واخترت الفيرنا عشان مشاكل الافيو المعروفه ما اضمنش تظهر معايا ولا لا غير كده عيوب الافيو كلها عفشه وانا عندي يبقي العربيه فيها عيوب الدنيا لكن العفشه تبقي سليمه لان ودني بتبقي مع كل مسمار ف العربيه وبعدين مين اللي قال الافيو 2012 مظهرش فيها المشماكل المعتاده اديك رقم واحد صاحبي من القاهره تروح تجرب عربيته 2012 افيو وتعاين بنفسك
الخلاصه انت هتدفع مبلغ مش قليل يبقي ابعد عن الشر وغنيله

وبالنسبه لعيوب الفيرنا معروفه انها خفيفه ع الطريق وده انا عن نفسي مش باحس بيه غير بعد 130 فعلا العربيه بعد 130 خفيفه جداااا بس اللي يمشي ع السرعه دي اصلا يبقي يستاهل اللي يجراله اصلا وكفايه قوة الموتور انت ممكن تشد مع اتخن عربيه ع الطريق وتعرفه مقامه صح

[ahmed el gendy]

وبصراحه الللي يخليني ادفع في الافيو 85 تقريبا وادعي المشاكل مش تظهر معايا طب ما اكمل كمان 10 الاف واشتري اوبترا مانوال محدش يقدر يقول ف حقها ربع كلمه وحشه من حيث الارتفاع الصح والثبات والتكييف اللي الافيو ما فيش فيها ربع تكييف الاوبترا

[sherifabden]

كلام الاستاذ احمد الجندي تمااام جدا
بس للامانة الافيو اريح في الصالون والقعدة والشكل لكن الفيرنا احسن في الماتور والاداء وكمان مضمونة عن الافيو مفيهاش مشاكل الافيو
ومبروك مقدما

[wafa ali]

شاكر للراى المحترم للاستاذ احمد فتحى, مع انه قفلنى من الأفيو جامد بعد ما كنت ناوى اجبها خلاص
طيب عفشة الفيرنا اخبارها ايه,وهل هى ناعمة فى السواقة ولا خشنة
وفى انتظار اراء اخرى