عايز عربية في حدود 25000

[karim_shindy]

يا رب يرزقك بحاجة كويسة

اللهم آميين, جزاكم الله خيراً على المعلومات القيمة.

إن شاء الله قريباً جداً أبتدي آحد خطوات جادة وأوافيكم بالجديد وربنا يوفق الجميع يارب

[Vanditta]

المشاركة الأصلية كتبت بواسطة mr_astra يبقى خليك فى الموديلات العالية وطبق نظرية انك تجيب احسن حاالة بفلوسك وما تطمعش فى نوع احسن لكن حالتة اقل املا وطمعا منك انك هاتشدها وتبقى عروسة والكلام دة لان الزمن دة انتهى والله لا فى قطع غيار ولا ميكانيكية خليك فى الجديد حتى لو مش ماركة عشان ترتاح وتريح اللى معاك جيلى سباركى ممتازة والله وموتورها موتور تويوتا بص عليها كدة واقرا عنها شوية

+1111111111111
نصيحة لوجة الله عشان ماتكرهش العربية وتكرة نفسك بعد كدة
شوف عربية تكون قطع غيارها رخيصة وتكون متوفرة فى مكان قريب ليك
واهم حاجة الحالة وكل ماتكون موديل اعلى كل ماهتكون حالتها افضل بأذن الله

وصدقنى موضوع الراحة النفسية دة هيجيلك بعد اقتناء العربية

لو ماقلتش بأصلها معاك هاتحبها وترتاحلها نفسيا مهما كان نوعها ولو قلت بأصلها هاتكره امها لو كانت حتى لامبورجينى :1259 35~148:

لو مش عاجباك الماروتى وحاسس انها صغيرة (مع انى ساعات بشوفها شايلة 5 اشخاص) شوف كيا برايد العصفورة الهاتش باك



اكبر من الماروتى وقطع غيارها متوفرة ورخيصة وشكلها كويس الى حد ما
واعتمادية وموفرة فى البنزين (1100 سى سى تقريبا )
وبال 25 الف ممكن تجيب حالة جيدة ان شاء الله

وبالتوفيق ان شاء الله

[mr_astra]

الجكد لله لقيت حد بيسند
طب خد صور بقى عشان نقضى عليك خالص

[mr_astra]

طب بص موتورها



كل دة وبـ 25 الف

[karim_shindy]

طب خد صور بقى عشان نقضى عليك خالص

هههههههه أنا فعلاً شفت الصور وأتلوحت الصراحة بس تقريباً في إجماع من ناس عندهم العربية إن قطع الغيار غالية ومش حلاقيها بسهولة وأنا عايز عربية أصلحها عند الميكانيكي اللي تحت البيت معنديش استعداد أضيع الأجازة في البحث عن قطع غيار, كمان الأمان بتاعها صفر وده بخلاف الصيني المحترم اللي بينزل في أوروبا وأمريكا طبعاً فأنا قررت أبعد عن الصيني خالص.

شوف كيا برايد العصفورة الهاتش باك

دي فعلاً من العربيات اللي شفت ناس كتير بتشكر فيها ومشفتش حد قال عليها كلام مش كويس وشكلها فعلاً مقبول بس لقيت سعرها من 28 إلى 30 ألف فهل هو ده سعرها ولا الناس بتبالغ ؟؟

طيب لو قلنا الكيا برايد, هل الأنسب الهاتش باك ولا السيدان ؟؟ يعني هل فيه فرق ؟؟ ولا الفرق في الشكل بس ؟؟

جزاكم الله خيراً