عايز عربية في حدود 25000

[karim_shindy]

لكن فى اقتراح اخر مش عارف هيلقى قبول عند حضرتك ولا لا الا وهو سوزوكى ماروتى

الماروتي حاسس إنها صغيرة ومتنفعس لأسرة

انت وبحكم انك فى اسكندرية يبقى الادا انسب ليك لان بلد الادا هى اسكندرية

صراحة أنا كنت بفكر وبقوة (تقريباً كنت قررت) أجيب لادا لكن فيه ناس خوفوني منها وصراحة حسيت إنها غير مناسبة ليا, حاسس إننا مش حنركب على بعض, لأن أنا كان نفسي أجيب عربية شبابية الصراحة وقطع غيارها متوفرة والحمد لله وبشوف ناس كتير راكبينها هنا في اسكندرية, اللادا تكون مناسبة لواحد حيبهدلها مشاوير ويطلع عنيها.

في حد نصحني إني أوصل المبلغ لـ 30000 جنيه وأجيب فليشيا بحاله كويسة جداً ومحترمة إيه رأيكم أنا مستريح للفليشيا جداً وعاجبني شكلها الصراحة وفي ناس كتير بتشكر فيها جداً, وما يؤخذ عليها مثل الخشونة والتسارع والكلام ده لا يهمني لأن أنا لن أمشي في طرق سريعة ولو جبت لادا حتكون خشنه أيضاً.

إيه رأيكم في الإقتراح ده ؟

[mr_astra]

لو هاتجيب فليشيا 97 مكيفة هاتعمل 27 الف
اختيار مناسب بس وانت بتتفرج عليها خد بالك من صوت الهد بتاع الموتور لان دى مشكلتها

[myson medo]

ماروتى بتمشى مع كله ومحدش اشتكى منها
وصدقنى مع اسر كتير ومش هتكلفك حاجة فى ايام النهضة اللى احنا فيها دى

[karim_shindy]

ماروتى بتمشى مع كله ومحدش اشتكى منها

صدقت, فعلاً أنا مشفتش حد اشتكى منها خالص صراحة, بس نفس مشكلة اللادا, أنا حاسس انها مشحتركب معايا كشخصية, معلش الموضوع ده مهم جداً معايا أنا أحب أركب عربية أكون حاببها ومستريحلها نفسياً وحاسس إنها بتعبر عن شخصيتي بردو.

اختيار مناسب بس وانت بتتفرج عليها خد بالك من صوت الهد بتاع الموتور لان دى مشكلتها

جزاك الله خيراً يا أستاذنا

طيب بالنسبة للفليشيا 97 فيه ملاحظات أخرى آخد بالي منها ؟؟
وهل الأفضل آخد معايا ميكانيكي علشان يشوف العربية ولا أخدها مكان معين يكشفوا عليها ؟؟

[mr_astra]

انا قلت على اشهر عيب فيها لكن لازم يتكشف على كل حاجة فيها
واللى يبصلك عليها بوهيجى ولا سمكرى ولا ميكانيكى لو بتشترى من السوق او من عند على النت
البوهيجى قال سليمة يبقى انت مش محتاج سمكرى خلاص لان البوهيجى يجب السمكرى
فاضل بس ان ميكانيكى ابن حلال يبص على المكنة حالتها اية
وانت بقى تختبر كل حاجة فى العربية عفشة وصالون وكماليات وكاوتش
وخد بالك العربييات عموما بتكون كومباتاتبول يعنى لو الصالون بتاع الفبريكة زيرو كدة ومحترم تلاقى التابلوة بنفس الحالة والموتور بنفس الحالة
والعكس صحيح
العربيات المكسرة بيكون كل حاجة فيها شكل بعض من موتور وعفشة وصاج
يا رب يرزقك بحاجة كويسة